世上5個最多公眾假期既國家【最少假期又係邊度？】

想必大家打工仔最關心既薪水每個月會唔會準時收到之外，仲會著緊對假期點樣放先最抵用，但有無諗過或留意過其他國家係放幾多日公眾假期？之前職業資訊平台Resume.io進行左有薪假期相關既調查，收集左近200個國家係每年會有幾多日法定帶薪假期既數據。

香港假期類別

香港既法定假日（英文：Statutory Holiday）一般稱為「勞工假期」，仲有分銀行假（俗稱：公眾假期），而根據《香港法例》第149章《公眾假期條例》規定中「公眾假期」（條例包括星期日，但本條目所有公眾假期天數，均不包括星期日），以及《香港法例》第57章《僱傭條例》規定「法定假日」。

目前公眾假期同法定假日既日數唔同之外，對象都有分別，相信唔使小編講，大家都知道啦，銀行假有17日，對象係指銀行、教育機構、企業機構、公共機構辦事處，同政府部門等，而勞工假已經由2022年起增加至13日，而且按2021年僱傭（修訂）條例》刊憲，勞工假會於2030年正式同公眾假期一樣日數，有成17日。

特別要注意既係，《僱傭條例》有明確列明，僱主必須俾僱員放法定假期，唔可以發放額外款項去代替假期。如果僱主因為工作需要，要求僱員係法定假期時候工作，僱主就要按法例要求，安排補假俾返僱員。如果僱主違反左，會被檢控，如果一經定罪，最高係會被罰款 5 萬嫁。

最多公眾假期既係邊D國家？

最少公眾假期既係邊D國家？

世界最少公眾假期既國家係墨西哥，佢地得8日。而英國、 比利時、巴西、愛爾蘭、德國等國家，每年亦只有10日左右公眾假期。

香港人最熟悉既6個國家會有幾多日公眾假期（國定假日）？

不過，公眾假期既多少並唔代表國民既工作時間同國民生產值既，大家可能以為越先進越發達既國家既公眾假期多，但其實唔係，有可能因為呢D國家多左自由，宗教等約束少左，所以同偏向多公眾假期既國家會有分別嫁。

另外，有除左公眾假之外，每個國家既有薪假期（我地講既年假）都唔一樣嫁，以伊朗為例，佢地除左有27日公眾假期之外，仲有 53 日有薪年假，再加埋每週末休兩日（週四同週五），計計埋埋，都有180日以上既時間係放假嫁。以美國為例，係無有薪假期嫁，所有員工既休假、病假同聯邦節假日期間，可唔可以獲得薪酬，咁就要取決於僱主點同員工談判啦。以最少公眾假期既墨西哥為例，工作滿一年可享有6日有薪假期，之後每多工作1年，有薪假就增加2日， 5年之後，如果假期已然達到14日，員工有權每工作5年，再額外獲得2日休息。

作為一個打工仔，除左努力工作之後，亦會花心思去善用最少既年假，加上假期，放一個悠長既假期。2024就快過完啦，大家開始計劃2025年假期未？大家仲唔快D去睇下2025年點樣請2日年假就可以放9日！