6間東京喫茶店推薦【文青遊日必去】

6間東京喫茶店推薦【文青遊日必去】

6間東京喫茶店推薦【文青遊日必去】

日元而家兌換率持續低企,令到唔少香港人都會趁住假期「返鄉下」啦,今次小編綜合左6間值得一去既東京「喫茶店」俾大家,等大家Shopping得攰攰地既時候,又或者未有計劃當日行程既時候,不妨睇下有無一間係附近啦,順便做下文青體驗一下日本先有既「喫茶店」文化。

喫茶店 vs 咖啡店

另外,不得不提既,係日本既話,喫茶店同現代咖啡店會有D差異嫁,喫茶店方面,係充滿昭和懷舊感,而部分既喫茶店仲保留左早期可以抽煙既座位,加上佢地既Menu都會略有唔同嫁,而且喫茶店除左提供濃醇咖啡,亦會提供日本綠茶,同各種特色飲品,「喫茶店」比較少會提供現代化既咖啡,例如Latte(鮮奶咖啡)、Cappuccino(意式泡沫咖啡)。最受日本人歡迎既「喫茶店」食物有冰淇淋汽水、厚鬆餅、新地、蛋包飯、蛋沙律三明治或拿坡里義大利麵(Naporitan,ナポリタン)。

喫茶店來源

喫茶店來源

「喫茶店」既原型係於1888年上野開業既「可否茶館」,當時一杯咖啡既價錢仲要比一碗蕎麥麵貴好多,對於當時既市民大眾真係唔係個個都消費到,後期更加出現有風俗服務既「特殊喫茶」,再加上戰爭開始,導致咖啡豆既價格騰升,喫茶店陸續倒閉。去到戰爭結束之後,喫茶店開始又再出現返,仲係好多都係個人經營,變相風格特式都非常唔同,亦更加多元化啦。時至今日,「喫茶店」開始逐漸減少,因為出現好多連鎖咖啡店,例如STARBUCKSUCC等。

派對飲品到會


多達25款飲品可供選購


適合於大大小小的聚會中享用


部份飲品1支起即可訂購


點我查看完整餐單

東京喫茶店推薦 1. 東京咖啡店 – 喫茶DEN(喫茶デン)

喫茶DEN

位於東京上野既喫茶DEN(喫茶デン)於1972年(昭和47年)開始營業,至今都已經有50年以上既歷史,而且非常受日本當地人喜愛嫁,必食既招牌一定係由《孤独のグルメ(孤獨的美食家)》五郎介紹既霜淇淋咖啡(コーヒーフロート),布丁冰淇淋(プリン)同埋店內既名物「焗烤吐司」(グラパン),餡料可以選擇蝦、火腿或者帆立貝嫁。

地址

東京都台東区根岸3-3-18 メゾン根岸(鶯谷)1F

營業時間

09:00~18:30 (Last Order: 18:00)
休息日:星期四

聯絡電話

03-3875-3009

禁煙/吸煙

可吸煙

前往交通

JR山手線、京浜東北線至「鶯谷站」,南口步行5分鐘
Metro日比谷線至「入谷站」,出口步行6分鐘

東京喫茶店推薦 2. 東京咖啡店 – 喫茶去 快生軒

喫茶去 快生軒

位於東京日本橋人形町既「喫茶去快生軒」於1919年(大正8年)開始營業,超過100年既老店,當時既老闆命名咖啡店為『喫茶去』,意思係指不分貴賤,人人平等,無論係咩人都“請來喝杯茶吧”。而『快生軒』就以“順利快快出生”既快生而命名,店名充滿人情味既之餘,仲加上禪意十足既文字,傳達左「喫茶去快生軒」係一家間溫暖老舖既感覺。「喫茶去快生軒」既Menu只係提供咖啡飲品,吐司同甜點,大家可以叫嘗試佢地既咖啡ブレンド (Blend)。

大家要留意一點,「喫茶去快生軒」既Menu下方有寫住「NO PHOTOS」,建議大家盡量唔好打擾到其他客人。

地址

東京都中央区日本橋人形町1-17-9

營業時間

07:00~18:30(平日)
08:00~12:00(星期六)
休息日:星期日 及 國定假日

聯絡電話

03-3661-3855

禁煙/吸煙

嚴禁吸煙

前往交通

東京地鐵Metro日比谷線/都營淺草線至「人形町站」,A2出口步行1分鐘
東京地鐵Metro半藏門線至「水天宮前站」,8號出口步行1分鐘
東京地鐵Metro都營新宿線至「濱町站」,A出口步行7分鐘

聚會小食 【派對必選十大美食推介】

【簡單聚會小食】聚會小食成為聚會中不可多得嘅存在,每一年我哋都會經歷不同嘅節日,元旦、農曆新年、復活節、母親節、父親節、中秋、聖誕節等,另外仲有生日會派對、船河派對、入伙派對、公司聚會、婚前婚後、紀念慶祝等等,根據非正式統計,香港人平均⋯⋯ 繼續閱讀

東京喫茶店推薦 3. 東京咖啡店 – 喫茶 古城(Kojo)

喫茶古城

位於東京上野既另一間喫茶店,「喫茶古城」於1963年(昭和38年)開始營業,同喫茶DEN(喫茶デン)既風格完全唔同,「喫茶古城」裝潢比較豪華,似地下宮殿,入到去會有一整面既彩繪玻璃牆,彩繪玻璃既圖案係參考俄羅斯既「艾米塔吉博物館」外觀為作範本設計嫁,仲有用到大理石板同水晶吊燈,所以都有唔少日劇係度拍攝同取景。「喫茶古城」既食物都好多款,有意粉、水果新地、鬆餅,各式三明治,值得一食既係佢地既創業初期至今都有既菜色「綜合三明治」,另外,佢地仲會係用紅色杯同藍色杯分別俾女客人同男客人用。

地址

東京都台東区東上野3-39-10 光和ビル B1F

營業時間

09:00~20:00(星期一至六)
休息日:星期日 及 國定假日

聯絡電話

03-3832-5675

禁煙/吸煙

可吸煙

前往交通

東京地鐵Metro日比谷線至「上野站」,出口步行2分鐘
東京地鐵Metro銀座線至「稲荷町站」,出口步行5分鐘

東京喫茶店推薦 4. 東京咖啡店 – ブリッヂ(COFFEE BRIDGE)

東京咖啡店 COFFEE BRIDGE

位於東京西銀座百貨地下1樓既「ブリッヂ」於1958年(昭和33年)開始營業。門口玻璃櫥窗放左精美食品模型,店內裝潢帶有歷史色澤既木調,暖色燈光而充滿昭和感日常浪漫。而且,「ブリッヂ」更因為直徑約18公分既「哈密瓜鬆餅」,而受到日本各大電視媒體取材報導,大家有興趣既話,不妨可以去「ブリッヂ」食呢個「哈密瓜鬆餅」,外層塗上左有新鮮哈密瓜製成既鮮奶油,內層3層薄鬆餅內,夾住滿滿哈密瓜果肉,冰冰涼涼既果肉配上熱鬆軟鬆餅,完全十分吸引。

地址

東京都中央区銀座4-1 西銀座デパートB1

營業時間

11:00~21:00(星期一至六)
11:00~20:00(星期日 及 國定假日)
休息日:沒有

聯絡電話

03-3566-4081

禁煙/吸煙

可吸煙

前往交通

東京地鐵Metro「銀座站」,C7、C5出口直達
JR「有楽町站」,出口步行3分鐘

東京喫茶店推薦 5. 東京咖啡店 – ゆりあぺむぺる(Yuria Pemuperu)

東京咖啡店 Yuria Pemuperu

位於東京吉祥寺車站附近既「ゆりあぺむぺる」於1976年(昭和51年)開始營業,十分受女生喜愛既一間老舖喫茶店,因為風格偏西洋風,而且開業至今,店內裝飾依然維持當初既模樣,保留左粉色公眾電話、古董杯盤等。「ゆりあぺむぺる」除左提供各式各口味既冰淇淋汽水之外,仲有咖哩飯、義大利麵等。人氣之選大家值得一食既硬布丁(ゆりあぺむぺるのプリン),充滿昭和風,口感扎實得黎又帶雲尼拿同雞蛋既香氣,再加上少量既焦糖調味,完全唔膩嫁。

地址

東京都武蔵野市吉祥寺南町1-1-6

營業時間

11:30~20:00
11:30~22:00(星期五六 及 國定假日)
休息日:星期一

聯絡電話

0422-48-6822

禁煙/吸煙

嚴禁吸煙

前往交通

JR中央線/井の頭線「吉祥寺站」,南出口步行2分鐘

東京喫茶店推薦 6. 東京咖啡店 – 物豆奇 (モノズキMonozuki)

東京咖啡店物豆奇

位於東京西荻窪北口商店街既「物豆奇」於1975年(昭和50年)開始營業,只係同吉祥寺距離一個站,「物豆奇」係一座白色建築物,入到去會見到好多各式各樣既古董時鐘,而且仲有好多有歷史既擺設同傢私,例如枱櫈,木櫃,窗邊放緊既收音機,都係好古舊嫁,完全係「古董(Antique)」風格,另外係2021年春季上映既深夜日劇《西荻窪三星洋酒堂》,拍攝取景地方就係「物豆奇」,如果大家有興趣,真得可以朝聖一下嫁。

「物豆奇」最受歡迎既一定係老闆自己既手沖咖啡同戚風蛋糕,或者咖啡新地。

地址

東京都杉並區西荻北3丁目12-10

營業時間

11:30~20:00
休息日:不定

聯絡電話

03-3395-9569

禁煙/吸煙

嚴禁吸煙

前往交通

JR中央線至「西荻窪站」,北出口步行6~7分鐘

【新登場】圍爐煮茶


適合2-4人享用


包括食物配料、煮茶材料、工具


享受慢活人生


點我查看完整餐單


小編只係搵左6間「喫茶店」俾大家作參考,東京仲有好多特別既「喫茶店」,如果經過見到「喫茶店」,不妨帶住好奇心入去探索下,可能令到行程會有意想不到既得著同體驗嫁。放假唔出去旅行,都可以留港休息下嫁,或者搵埋班好友聚聚,吐下苦水或者分享下有趣既話題都可以嫁,我地Kama Delivery到會外賣最近都推出咗「圍爐煮茶」俾大家嘆一嘆,包裝精美,內容豐富,絕對適合戶外、特別係野餐時享用,網站落單港九新界都可以送貨!

查看更多到會美食!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|illustAC

*未經許可,以上文章不得轉載或引用*