posts
【植物奶好處你要知】推薦5款熱門植物奶
植物奶好處 【推薦5款熱門植物奶】
由細到大，牛奶就飲得多，因為牛奶含有豐富既營養，可以提供俾身體所需。但素食風潮係全世界興起，素食好處唔洗多講，咁你又有無聽過植物奶 (Plant Milk) ，亦有人稱植物奶為素奶，又或者叫非乳製品牛奶，同牛奶比較有咩唔同？植物奶係由植物提鍊加工出來既飲品，視覺上都有少少似牛奶。而家好多大型連鎖咖啡店都開始增加多款植物奶代替牛奶嘅產品，甚至大型連鎖超級市場都陸續加入植物奶種類，慢慢增加市場佔有率。
植物奶好處 – 可以代替牛奶？
植物奶比較起牛奶，好處係更加健康，熱量同脂肪比較低，膳食纖維高，又不含膽固醇，適合注重健康既人用植物奶代替牛奶既好方法。植物奶更係不含乳糖 (Lactose-free) 飲品，所以最適合一啲有乳糖不耐症 (Lactose Intolerance) 既人飲用，因為身體消化唔到乳糖，亦即係飲用含有乳糖既牛奶後，腸胃會出現不適，例如肚痛，肚脹同肚瀉。另外亦有啲人會對牛奶蛋白過敏 (Milk Protein Allergy)，常見既係皮膚敏感，例如濕疹，皮膚紅腫，血管性水腫等既問題。所以植物奶既出現，對於大家㴝講，都算係好事。
除左以上既人適合植物奶之外，其實係因為全世界開始改變飲食習慣，注重環保同健康，所以素食文化變成大勢所趨，無礙地，植物奶代替牛奶或其他既動物奶，變相係保護動物權益，而且減少碳排放，減少環境污染，好處多不勝數！
係香港，大家最常聽到應該有5款植物奶，今日同大家推薦呢5款植物奶，比較下不同植物奶既好處同壞處。最普遍，而且價錢最為合理，一定係豆奶同椰子奶，最近開始係超級市場同見得最多，應該係燕麥奶同杏仁奶，另外亦講講比較新款既藜麥奶！
【慎選沙律菜】日常生活當中，從少都知要均衡飲食，一定要大家食多D蔬菜，而且大多數蔬菜都係安全同含有豐富營養既食物，特別係人體吸收纖維主要來源，但係又有無人知道原來有D蔬菜係未經適當烹調處理既情況下，會含有一定既毒性而對人體有害？小編今日同大家⋯⋯ 繼續閱讀
5款植物奶比較同好處
1）豆奶 Soy Milk
由大豆經過加工處理後既乳狀飲料，並唔係「豆漿加牛奶」，而蛋白質方面同牛奶最為接近，而且係植物奶入面最有營養既，同時健脾養胃。不過相比牛奶鈣含量比較低，而且容易脹氣，所以要適量飲用。
2）椰子奶 Coconut Milk
椰子奶係由椰肉中擠壓出嚟既白色汁液，含有豐富維生素B、E等營養素，而且對減肥有幫助，因為含有中鏈甘油三酯 (MTC)，MTC可以增加能量消耗，仲可以平衡腸道菌。另外椰子奶中既月桂酸嘅好處有助身體抗菌、抗發炎、同抗病毒，抑制癌細胞增長。但椰子奶對於容易肚瀉既人，就建議盡量唔好每日飲用。
3）燕麥奶 Oat Milk
燕麥奶其實係燕麥同水混合後既飲品，並非燕麥加奶。同牛奶比較下，燕麥奶既熱量、脂肪同蛋白質少，但膳食纖維反而多左。但燕麥奶不適合麩質不耐受患者飲用，所以要留意返。另外鍾意飲咖啡既人，不妨用燕麥奶代替牛奶，因為燕麥奶本身已經有淡淡既甜味，可以平衡咖啡既苦味，又唔會搶走左咖啡豆既原味道。
4）杏仁奶 Almond Milk
杏仁奶係將杏仁磨粉再過濾而裝成既植物奶，並非杏仁茶，屬於堅果奶 (Nuts Milk) 其中一種。杏仁含豐富蛋白質，維生素E，對皮膚同身體免疫系統既健康有唔少好處，亦可以降低罹患慢性病風險。由於杏仁有浸泡過，所以都更易消化，同易吸收。杏仁奶可以平衡血糖、同膽固醇。另外，杏仁奶比較燕麥奶，熱量更低，所以無糖既杏仁奶非常適合想控制熱量既人，唔係食素要瘦身都可以考慮！
5）藜麥奶 Quinoa Milk
藜麥含豐富維他命、礦物質、纖維、同蛋白質，但脂肪就比起全脂奶既少。係近來黎所講嘅超級食物 (Super Food) 之一，深受注重健康同減肥人士歡迎。而且藜麥奶非常適合容易疲倦、精神緊張嘅朋友仔，運動前後同哺乳期間既人士飲用。
$128
$168
$88
$108
素食
$158
素食
$128 – $192
素食
$148 – $222
素食
$168 – $252
無論大家以邊款植物奶去代替牛奶，記得都要盡量均衡飲食，並且養成健康嘅生活習慣，例如作息定時同多做運動，否則只會弄巧反拙。我地Kama Delivery亦為左大家設想，都不斷增加各式各樣嘅素食食物俾大家係Party享用，一班人食野，可能會有少數素食者在場，所以一人素食餐盒就岩晒，只訂一盒都可以，唔駛擔心有最低訂購人數限制！除咗一人餐盒，我地仲炮製多款以素食為主題嘅小食、飯類及甜品等等，歡迎大家瀏覽我地嘅單點到會美食餐單！
聯絡我們
WhatsApp 查詢／訂購熱線：5188 0757 / 6599 9941
Email：info@kamadelivery.com
追蹤我們
延伸閱讀
＊如以上圖片有所侵犯版權，請立刻告知，我們會盡快作出修改＊
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
聖誕到會
BBQ燒烤到會
素食到會
KAMA BLOG