橫隔膜抽筋 | 打思肊定打嘶嗌？【速睇5個舒緩方法】

橫隔膜抽筋 – 打思肊定打嘶嗌？

【速睇5個舒緩方法】

要數令人最困擾嘅身體反應，橫隔膜抽筋，即台灣稱「打嗝」，香港人稱為「打嘶嗌」，究竟點寫先係啱亦眾說紛紜，但佢一出現你好快會忟憎、發脾氣，所謂打嘶益即係橫隔膜抽筋，症狀係不自主收縮導致聲帶附近肌肉收縮，呼吸道會收窄，空氣呼出時就會發出「益益」聲，橫隔膜抽筋係一個生理反應，「打嘶嗌」果時會連帶下腹肌肉抽動，慢慢會痛，而且隔十幾秒一次抽動，飲水食飯都好辛苦，根據金氏世界紀錄，有人橫隔膜抽筋抽足68年，被「打嘶益」折磨5分鐘已經忟，最慘係冇一個方式係百分百停止「打嘶嗌」呢個生理反應，雖然係咁，唔理佢唔知會攪你幾耐，不如學定幾招，可能可以慢慢紓緩呢個症狀。

要由紓緩到解決橫隔膜抽筋痙攣嘅情況，需要有耐性，唔會呢頭做完果頭就停，但經過美國疾控及預防中心及英國國民保健署認可為有效舒緩打思肊嘅方法，點都有一定參考價值。

1. 吸吐呼吸法

當「打嘶嗌」嘅時候，吸一大口空氣，然後閉氣10秒，重複做3-4次，待情況有所紓緩後，隔15分鐘再成個過程做一次，吸一大口氣閉氣可主動令橫隔膜持續收縮，有機會令橫隔膜抽筋嘅狀態回復正常。

2. 閉氣飲水

呢招有少少辛苦，閉氣其實就係令橫隔膜收縮，掙脫抽筋嘅情況，飲水有助刺激咽喉附近肌肉及神經，紓緩肌肉收縮嘅情況，但必須好細啖好細啖咁飲，閉氣保持一直吞嚥動作，直到冇氣為止，重複2-3次應該可以舒緩到。

3. 紙袋呼吸法

當體內氧氣同二氣化碳失衡，就會出現橫隔膜抽筋嘅情況，呢個時候用紙袋冚住口鼻，不停用力呼吸，當血流中二氧化碳量上升到某一個點，「打嘶嗌」就會停，但其實冇咩醫學根據，不過當你專心呼吸嘅時候，有機會分散大腦注意力，可能就慢慢忘記自己打緊嘶嗌。

4. 呷醋

唔係男女朋友果隻呷醋，係真係先含一口醋，再慢慢吞落肚，強烈酸味有機會暫時令神經感覺受刺激，甚至當下霸佔神經傳遞，從而停止發送「打嘶嗌」呢個訊號。

5. 食檸檬

亦都唔係男女果種食檸檬，道理都呷醋一樣，旨在擾亂神經傳遞，抑制「打嘶嗌」，雖然腦神經擾亂，但橫隔膜抽筋嘅情況依然有機會捲土重來，所以抑制左之後，最好用吸吐呼吸法，令橫隔膜盡快回復正常。

預防勝於治療

所謂預防勝於治療，橫隔膜抽筋可以點預防，最好係可以改左戰不良嘅飲食習慣，例如食無定時、暴飲暴食、邊食邊講、狼吞虎嚥或飲太強有氣嘅嘢如啤酒、汽水等等，都會容易令人出現「打嘶嗌」症狀，對於呢個令人困擾嘅生理現象，一般你唔理佢，五至十分鐘都會自然停，但如果出現次數頻密而且停唔到，持續兩三日的話，有機會係身體健康發出嘅預警。

胃病引起嘅「打嘶嗌」

如果患有胃炎、胃潰瘍、胃食道倒流嘅患者，肋間神經容易受到影響，「打嘶嗌」會打到停唔到，甚至由胃部腫瘤引致，所以情況超過兩日嘅必須睇睇醫生。

中樞神經系統傳遞錯誤訊息

患上腦科疾病如腦炎，或者曾中風等，大腦會有機會誤傳「打嘶嗌」嘅信號，令人打唔停，亦因為「打嘶嗌」並非由橫隔膜抽筋引致，吸吐呼吸法冇咩用，最好搵專科醫生幫手。

　新推出　

南瓜松子仁意大利粉｜Premium Kama一人素食餐盒｜Kama Delivery到會外賣服務

快速查看

Premium Kama一人素食餐盒

$168

　新推出　

$98

$108

$88

$68

$98

$88 – $98

$108 – $158

$198

$128

$168

$128

雖然面對美食，有時要細吞慢嚥比較難，尤其係對住Kama Delivery嘅美食到會，顏值味道都咁正，手快有手慢無，食得慢啲唔係橫隔膜抽筋，係餓得滯胃抽筋，唔緊要，我地嘅到會多人自選套餐同新出嘅小食盒都可以按人頭分開獨立一盒盒，衛生方便，而且唔駛同人爭，亦冇人會搶你，歡迎於我哋網站或WhatsApp我地訂購。

點我查看獨立包袋外賣

聯絡我們

WhatsApp 查詢／訂購熱線：5188 0757 / 6599 9941

Email：info@kamadelivery.com

追蹤我們

Facebook．Instagram．Youtube