【止咳化痰12款推薦食物】食咩可以止咳化痰?

【止咳化痰12款推薦食物】食咩可以止咳化痰?

【止咳化痰12款推薦食物】食咩可以止咳化痰?

一到轉換季節,又或者到左流感高峰期,特別多人咳嗽,有時會干咳、有時會有痰,亦有時係D痰咳極都咳唔出嚟,相信好多人都試過晒呢D情況,咁係咳嗽既時候食咩有助快D好?除左飲蜂蜜水之外,有邊D天然既食物同飲品係對止咳化痰有幫助?

痰同咳有分幾種?

痰同咳有分幾種

係中醫角度方面,痰有分4類,而咳就分為3類,大家不妨留意下D痰既顏色同質地。

痰類型 1. 燥痰


燥痰係由於肺黏膜乾燥,但痰比較少,而黏性強唔易咳出黎。症狀方面:痰少或無痰、痰帶白、淡黃色、口同鼻同喉嚨乾燥、舌苔薄黃、夜晚會惡化

痰類型 2. 熱痰


熱痰係明顯地較黏稠,咳出既痰好杰身,一嚿嚿,同時有機會係發炎現象。
症狀方面:痰多同好杰撻撻(正寫:穊撻撻)、痰帶黃色綠色、重咳、會卡痰

痰類型 3. 濕痰


濕痰係由於腸胃水分代謝失衡,多餘水分停滯體內。
症狀方面:痰多同好杰撻撻、痰帶白色、重咳、會卡痰、腸胃不適

痰類型 4. 寒痰


寒痰比較常見係慢性氣管炎、哮喘患者,遇風、天氣變化大、低溫時出現咳嗽。症狀方面:痰係透明同偏水或泡沫狀、會有咳嗽、打噴嚏、流鼻水、四肢冰冷、臉色蒼白

【飲蜂蜜水6大功效好處】熱蜂蜜水能醫感冒病?

【飲蜂蜜水6大功效好處】一到冬天既流感高峰期,或者天氣時凍時熱既時候,個人就好容易感冒,但有無諗到,原來係2020年8月18日發表既一份《英國醫學雜誌》(BMJ)研究文章,提及到有3位英國牛津大學既研究員指出,醫生開出抗生素處方最常見既原因,係上呼吸道⋯⋯ 繼續閱讀

咳嗽類型 1. 熱咳


熱咳會係初期既時候,出現頭痛﹑出汗﹑口乾 、口苦、咽喉痛等既不適症狀,另外,痰會杰撻撻,好難咳出黎,痰既顏色偏黃。

咳嗽類型 2. 寒咳


寒咳既話,可以睇舌頭既顏色,都係偏白,而且會出現頭痛、鼻塞、流鼻涕等症狀。痰多,同埋顏色淡同偏白。

咳嗽類型3. 燥咳


燥咳既症狀係喉嚨癢、咽乾、口乾、舌燥等症狀,另外,主要無咩痰,干咳。

有咩止咳化痰既食物同飲品?

柿化痰

推薦止咳化痰食物 1. 柿

中醫認為柿係性寒味甘微澀,具有潤肺化痰、清熱生津、健脾益胃、涼血止血等多種功效。

羅漢果化痰;

推薦止咳化痰食物 2. 羅漢果

被譽為“神仙果”既羅漢果,具有清熱解毒、化痰止咳、養聲潤肺功效,而且對煙酒過度等引起既聲音嘶啞效果特別有效。仲可以降血糖值,改善糖尿病。羅漢果亦可以保喉嚨,治療風熱襲肺引起既聲音嘶啞、咳嗽、喉嚨痛等,又可以用於肺火燥咳,喉嚨痛失聲,腸燥便秘等症狀。

白蘿蔔化痰

推薦止咳化痰食物 3. 白蘿蔔

白蘿蔔有膳食纖維、鈣、磷、鐵、鉀、維生素C等營養,另外,中醫認為白蘿蔔有潤肺止咳、消食行滯既功效。如果經常食白蘿蔔,可潤喉理氣、止咳化痰、幫助消化。

陳皮化痰

推薦止咳化痰食物 4. 陳皮

陳皮係傳統中藥,理氣健脾、止咳化痰,對因秋燥咳嗽既人特別有用。陳皮性溫,味辛、苦,入脾經、胃經、肺經,可理氣健脾,燥濕化痰,臨床使用陳皮多治痰濕不化、胸膈滿悶、咳喘痰多、痰白粘稠。

梨化痰

推薦止咳化痰食物 5. 梨

梨有潤肺涼心、消炎降火、止咳去痰既功效,但梨子係適合熱咳,咳嗽有痰,痰多為黃色或黏稠狀既人食用。

枇杷化痰

推薦止咳化痰食物 6. 枇杷

枇杷味甘、微酸,性涼,中醫認為枇杷果有潤肺、止咳、止渴功效,主要用於治療肺熱咳嗽、久咳不愈、咽幹口渴和胃氣不足等病症。

【果仁每日食幾多份量?】5款果仁好處

【5款果仁好處】好多時大家都會有食零食既習慣,係辦公室點都會放定D零食,以防做野做到攰,又或者口痕想食下薯片、糖果;加上市面上又有好多唔同既零食選擇,如果偏向注重健康既大家,都會挑選D健康既零食,例如堅果類,Nuts類對身體有唔少好處,咁今日小編介紹⋯⋯ 繼續閱讀

百合化痰

推薦止咳化痰食物 7. 百合

百合味甘、微苦,性微寒,有潤肺止咳、清心安神作用。百合可用於陰虛久咳,痰中帶血,虛煩驚悸,失眠多夢,精神恍惚等。

薑化痰

推薦止咳化痰食物 8. 薑

薑適合風寒感冒、痰清而稀症狀,中醫認為薑能散寒止咳、幫助發汗,薑湯非常適合體質虛弱者。如果有喉嚨發炎症狀,就唔適合飲薑湯,避免症狀更嚴重。

蓮藕化痰

推薦止咳化痰食物 9. 蓮藕

蓮藕被《本草綱目》稱為「靈根」,新鮮蓮藕有生津、舒清肝熱、潤肺、涼血、止血功效。如果蓮藕加入雪梨汁一同飲用,可以改善熱咳症狀。另外蓮藕含有維生素C和鐵質,女性更年期內分泌失調可以吃蓮藕滋陰生血,孕婦在係懷孕期間容易貧血,可以多吃蓮藕排骨湯補充孕婦同BB既營養。但要留意一點,有腹瀉、平時手腳冰冷、寒性體質或脾胃虛弱既人,不宜食過多生藕啦。

蜂蜜水化痰

推薦止咳化痰食物 10. 蜂蜜水

蜂蜜性平味甘,有潤肺止咳、潤腸通便既作用,傳統中醫都好常用蜂蜜治咳嗽。

洋蔥水化痰

推薦止咳化痰食物 11. 洋蔥水

洋蔥含木犀草素、槲皮素等成分可抑制組織胺分泌,減緩過敏及炎症現象,更可稀釋呼吸系統既痰。

甘蔗汁化痰

推薦止咳化痰食物 12. 熱甘蔗汁

甘蔗味甘性平,有生津、潤燥既功效,甘蔗汁加熱後,可解寒性感冒既咳嗽症狀。

 素食 
 新推出 
 素食 
 新推出 
 素食 
 素食 
 素食 
 素食 
 素食 
 新推出 
 素食 
 素食 
 新推出 
 素食 
 素食 
 素食 
 素食 
 素食 
 素食 

咳嗽真係好難治癒嫁,所以大家一定要好好預防或改善有痰或痰多既問題,建議大家由飲食習慣上開始著手,應該堅持“四不要”,即飲食不過飽、不暴飲暴食、甜膩不多吃、傷腎食物不多吃。如果發現自己或身邊既人久咳左一段長時間,都仲係無改善,或者嚴重左,記得及早搵醫生做個身體檢查,避免出現問題啦。平時上班族多應酬、又多聚會Party,叫派對食物不妨健康一啲,我哋Kama Delivery到會美食除咗有素食到會供應,更有一系列滋潤補身嘅糖水,例如美顏木瓜雪耳露桂花甜梨冰粉都好受歡迎!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Freepik

*未經許可,以上文章不得轉載或引用*