【哈囉喂對撼惡人大宅舞會】海洋公園迪士尼萬聖節對決2023

萬聖節又就快到，除左意味2023年就快結束之外，當然唔少得海洋公園重頭戲哈囉喂活動，由2001年開始海洋公園都會響10月舉辦萬聖節活動，「十月全城哈囉喂」充滿港式意味，香港人一諗起萬聖節基本上都會聯想到海洋公園哈囉喂活動，畢竟至今超過20年歷史，根深蒂固，直到六年後，2007年香港迪士尼樂園推出「迪士尼黑色世界」作為香港迪士尼樂園萬聖節節慶主題活動，之後每個萬聖節都成為兩大香港主題樂園嘅戰場，話雖如此，同是萬聖節活動，海洋公園哈囉喂比較偏中式鬼節、鬼神論，以恐怖手法作招徠，當年羅蘭姐幫迪士尼拍廣告宣傳哈囉喂，滿面綠光仲鬼殺咁嘈成為不少人嘅童年惡夢，反觀迪士尼嘅萬聖節活動較為偏向西方萬聖節，以表演為節日主調，帶著南瓜嘅老鼠會嚇到你，但帶著南瓜嘅米奇老鼠出現響萬聖節，節日感即時飆升，想知踏入2023年，海洋公園哈囉喂同迪士尼嘅「Disney Halloween Time」有咩玩？邊邊更加吸引你就要繼續睇落去啦！

「哈囉喂全園祭2023」

6大主題鬼屋，海洋公園「哈囉喂全園祭2023」老實講唔係咁適合小朋友，比較適合尋求刺激嘅人，因為每一間鬼屋，都有濃厚的靈異感覺，包括視覺、聽覺、及突如其來嘅驚嚇，小朋友心智可能未能接受。

反觀迪士尼樂園嘅「Disney Halloween Time」就冇咁陰森恐怖，一家大細親子比較適合，主要活動以表演為主，包括惡人大宅舞會、派對惡人谷、惡人舞動迪士尼，舞者配合歌舞、強勁舞台效果讓你慾罷不能，而迪士尼皇牌節目「米奇Halloween玩轉大街派對」今年依然為大家帶來節日限定巡遊，一眾人氣角色將以萬聖節裝束出巡，於小鎮大街同大家近距離見面，大家千祈唔好錯過同迪士尼朋友一齊開萬聖節派對嘅機會呀。