【吸血鬼害蟲?】消滅木蝨6個方法

吸血鬼害蟲?消滅木蝨6個方法

【吸血鬼害蟲?】消滅木蝨6個方法

如果發現,身上多左好多被咬既傷口,又痕又辛苦,而且通常係瞓覺既時候被野咬,好大機會屋企、被鋪、床褥入面埋藏木蝨,點樣確定自己係俾木蝨咬?木蝨點解會有?木蝨又係咩?點樣解決消滅木蝨?木蝨真係令人好煩既害蟲,一旦遇上切須盡快解決。

到底木蝨係咩?

木蝨(英文: Bedbug) 亦叫做床蝨或者臭蟲,以吸食人血為生既寄生蟲。 點解叫臭蟲?係因為木蝨既身體會散發出臭味,用黎促進交配,同埋用黎防禦敵人,木蝨會係經過既地方留低呢D臭既氣味,又會留底啡黑色既糞便係棲身之地。而香港最常見既臭蟲,就有2種,熱帶臭蟲(Cimex hemiperus)和溫帶臭蟲(Cimes lectularius)。

木蝨主要分3個階段,由蟲卵、漸漸變成若蟲(昆蟲既幼蟲稱呼)、最後成蟲,中間大概需要30至40日左右。

 第一階段 

蟲卵有D似白米咁大左右,會帶有黏性

 第二階段 

大概7日就會變成半透明既幼蟲,然後慢慢換殻,係呢14到30日內,會換5次殻

 第三階段 

最後變成成蟲,呢個時候既成蟲會大概長4-6毫米,全身近似褐紅色

木蝨既身體係吸血前會扁平,吸完血就會漲,而且顏色會變到深紅色,一般壽命會有1年左右,雌性既木蝨只要交配一次,每日就可以產出5至6粒卵,大概會生出75至200粒卵,最多係可以去到500幾粒。

木蝨既特性係咩?

木蝨喜歡隱藏於衣櫃、牆身、床墊邊緣、木板、地毯等陰暗地方

點解小編會話木蝨真係令人好煩既害蟲?因為木蝨一年到黑都係會活動既,因為好怕光,所以特別鍾意匿係又隱蔽又陰暗既地方,例如衣櫃、牆身、床既邊緣、木板、地毯等,特別係一到夜晚就更活躍,木蝨通常隔24至48小時吸一次血,就算唔吸血,木蝨都可以存活150日至160日,成蟲每次吸血都會吸10到15分鐘。

木蝨唔會直接係人身上爬,反而會利用人既體溫同呼出既二氧化碳去搵適合既人,痴係衣服,或者床單等物件去接近人,再吸血,而且體溫越高,越容易吸引到木蝨咬。當人俾木蝨咬到既時候,由於木蝨會係吸血既時候分泌出麻醉毒素,人被咬果陣未必即時有感覺,反而係之後出現痕癢同紅腫既反應,而且仲會發現咬痕會出現一堆或者一串既。

點解會有木蝨?

木蝨往往由外面帶回家中,牠們會依附在別行李箱、衣服或者其他物件上

屋企乾淨,唔代表唔會出現木蝨,因為木蝨出現既原因有好多,基本上好多都係外面帶返屋企,例如旅行既時候住既酒店或旅館,D木蝨依附係行李箱,衣服,或者其他物件上,咁就不知不覺咁帶左返屋企。又或者而家D人為左環保,或者慳錢,會善用二手傢具,而呢D二手傢具有可能已經存在木蝨。甚至,可能由隔離鄰舍傳過黎。

咁點樣解決木蝨?

滅木蝨方法 1. 矽藻土粉(Diatomaceous Earth,簡稱 DE粉)

滅木蝨 | 把矽藻土粉直接撒在木蝨出沒的地方,如床架、牆角、地線位、裂縫,插頭位等地方

矽藻土粉係一種海洋礦物,含有高濃度矽,可以刺穿木蝨既外殼,令牠慢慢脫水乾死,由於木蝨無法對「DE粉」產生抗體,所以係有效解決木蝨既方法之一,而且「DE粉」對人體無害既天然殺蟲劑。使用時只要將「DE粉」直接掃或放係木蝨出沒既地方,例如陰暗既隙縫同角落,床架、牆角、地線位、裂縫,插頭位等等。

滅木蝨方法 2. 硼酸鹽噴霧

滅木蝨 | 使用硼酸鹽噴霧可以令木蝨脫水而死

近年比較多人用天然既滅蟲劑,硼酸鹽,比硼砂既硼含量仲要高,亦更安全。硼酸鹽可以破壞木蝨既器官,同「DE粉」有一樣既功效,可以令木蝨脫水而死。而市面上買到既硼酸鹽,例如「天鹽清」、「無敵士」等,都係粉狀,所以買返黎需要自行溝水使用,然後放入噴壺,再噴向D衣物、床單、被鋪、窗簾、雜物等物件上,如果連埋「DE粉」一齊用,效果更加顯著。

滅木蝨方法 3. 蝨怕水

雖然蝨怕水不能殺死木蝨,但能夠以刺鼻的氣味將牠們驅趕。

用矽藻土與硼酸鹽都要等一段時間先完全滅絕木蝨,如果唔想再俾木蝨咬,就可以使用蝨怕水。雖然蝨怕水唔可以殺死木蝨,但能夠以刺鼻既氣味驅趕。

而一般蝨怕水成份含有苦楝油,當中既成份苦楝素係有殺菌、除蟲既功效。係瞓覺之前,直接用係外露皮膚上,或者滴係枕頭及被單上。由於成份天然,貓狗等寵物都適合用。

滅木蝨方法 4. 蒸氣噴射/熱水清洗

滅木蝨 | 利用手提蒸氣機的高溫可以消滅家具、衣物表面及藏於細縫的木蝨。

因為木蝨唔受得高溫,不妨考慮利用不低於80°C既熱水清洗,或者可以噴出約80°C高溫既手提蒸氣機,去消滅家具、衣物表面及藏係細縫既木蝨。

滅木蝨方法 5. 吸塵機

滅木蝨 | 若情況輕微,可以直接使用吸塵機吸走木蝨

如果較為輕微,大家亦可以用吸塵機吸走D木蝨,但記得要清潔乾淨部吸塵機,用袋裝好D木蝨,亦可加入殺蟲劑,令吸入既木蝨死亡。

滅木蝨方法 6. 滅木蝨服務

必要時請直接尋求滅蟲公司的幫助,避免情況持續惡化

但如果自己處理左,都係發現D木蝨既問題無改善,小編建議大家搵滅蟲公司處理,始終佢地處理方法比較專業,而且木蝨唔似其他害蟲咁容易解決,必要時,真係直接搵滅蟲公司,唔好俾木蝨蔓延開。

講左滅木蝨既正確方法,希望幫助到有需要既大家,亦希望大家無呢個煩惱,因為處理木蝨並非可以一朝一夕就解決到嫁,如果發現得早,大家可以早D處理,減少不必要既擴散。同時,希望大家多注意一下,例如,用二手傢具前,記得消毒一下,避免帶左D木蝨返屋企。處理完木蝨,記得唔好掉以輕心,多多觀察一下係咪真係無後顧之憂,如果已經完全無事,不妨慶祝一下,叫我地Kama Delivery既外賣到會套餐賀一賀佢,有個乾淨企理嘅屋企,咁先可以放心搞Party嘛。

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀


部份圖片出處|PexelsUnsplash

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。