【辨識渣女特徵】套路行為10式大檢閱

【辨識渣女特徵】套路行為10式大檢閱

小編上回教大家點樣分辨渣男，今次講講渣女既特徵同套路，教大家如何分辨現今渣女行為，渣女其實都係對待感情方面，偏向於唔負責任，又有可能曾經被渣男傷害過，而從此唔再相信愛情，或者任何人。亦有綠茶婊既意思，綠茶婊係指外貌清純、楚楚可憐，表面無害，睇落表面純潔善良，實際上擅於心計，拜金，有野心，充滿機心，生活奢華，甚至會靠肉體上位。小編同大家總結左渣女同綠茶婊既10招心機行為，等大家帶眼識人。

相信大家都有聽過一句：「怎麼可以吃兔兔」，呢一句就係出自電影《撒嬌女人最好命》，雖然係一種撒嬌，但太浮誇而流於表面嘅情感，貌似太做作。另外，有D渣女其實好識得偽裝自己，隱藏恐怖嘅內心，對住唔同既人，有唔同既反差，大多數都會扮到自己好柔弱，一副賣萌嘅樣子，好需要人保護，又可能經常性講野會出現疊字，娃娃音以搏取旁人嘅憐憫。

表面上成日同異性互動、相處，甚至好鍾意同異性稱兄道弟，扮男仔頭性格去融化你，或者堅稱同異性只係好朋友，然後成日出現係對方身邊作伴，有時候仲會要求對方送自己返屋企呀，無論發生咩事，都會借D易搵異性求助，又會對好體貼咁叫異性對自己女朋友好D，叫你好好照顧女朋友等話題。

好鍾意同異性有身體上既接觸，會搵唔同既理由去觸碰對方，愈曖昧就愈得心應手，無意地令到對方誤會佢對自己有意思，善於捕捉男性心理，有意冇意讓對方有觸電感覺，係你不知不覺間造成錯覺，佢地就乘虛而入！

渣女好鍾意將人地既秘密講出去，同人開心Share，同時又會將事實加鹽添醋，誇大其詞變成另一個故事，亂講一通，講是非往往係影響人與人之間感情嘅原頭，正所謂禍從口出，所以任何敏感事情，都唔好單憑片面之詞而信到十足，任何事情都最好Fact Check左先！

渣女身邊出現既朋友經常唔同人，因為渣女太多八卦，成日都可能同人講是講非，又容易嗌交，變相無乜知心好友，真正交心閏蜜一個都冇。而且渣女鍾意同異性相處，所以同性既社交圈子都會比較細，呢個特徵係比較容易察覺！

一般綠茶婊樣貌都唔差既，但會發現身邊既朋友外貌都比較普通，當然，亦會有例外既。因為身邊既人生得普通，就可以突顯出佢地既靚樣，與別不同天生麗質，其實就係心思細密以提高落手機會，可見渣女既心機好重，做足準備向綿羊進攻。

渣女特別鍾意收兵、集郵，來者不拒，亦從來都唔會拒絕任何異性對佢好，但渣女唔會同對方確認男女關係，堅稱係好朋友，同時會同好多異性處於曖昧關係。所以會睇到渣女身邊既異性成日都唔同人，實情就係要養兵以滿足內心嘅慾望。

所有開支消費，渣女都唔會自己出錢，當人地係櫃員機咁，唔會同人慳，應使錢就會使，亦都解釋左點解身邊要有一定數量嘅士兵，小至日常三餐溫飽，大至禮物奢侈品，一概由裙下之臣供養，衣、食、住、行都係你地嘅！

因為渣女令到身邊既異性豪不猶豫咁花錢，所以經常會收到名貴包包，或者昂貴既禮物如鑽飾、手錶，然後佢地就會放上交友平台、社交帳號曬命，營造出自己有能力，貌似上流社會生活，對自己好等等既假象，目的就係想搵到有錢人，嫁入豪門嘅可恥行為！

除左會曬命名牌包包或者禮物之外，渣女都好鍾意用「照騙」去呃Like，例如去邊度玩、Staycation、食貴野、做Spa、去旅行坐商務頭等艙等等，偶然又會Post心情文章影下性感照。但細心留意，就會發現，佢哋既Post甚少出現同異性單獨合照，因為你地全部都係佢嘅獵物！