購物車內無任何商品
posts
【港台月老廟推薦】5間神廟助你成功脫單求姻緣
【港台月老廟推薦】5間神廟助你成功脫單求姻緣
隨著年紀愈大又未結婚，仲係單身嘅都想係新年前搵到個心儀既對象，免得再係新年同親戚拜年既時候，俾D姨媽姑姐、三姑六婆關心自己既感情狀況，小編搵左5間香港同台灣出名既月老廟推薦俾大家參考，等大家安排一下求姻緣既計劃，主動出擊求脫單，正所謂，自己幸福自己爭取。如果想順其自然既，大家可以經過月老廟既時候，就入去拜一拜月老，等月老幫忙拉紅線。
月老係咩人？點解求姻緣要搵月老？
月下老人簡稱「月老」，又叫「月老尊神」，係道教既神祇之一，掌管男既姻緣之神，即係俗稱為媒神，職責係將註定既一對男女牽引到一齊，即係將姻緣簿中有姻緣關係既未婚男女用紅繩綁住，令到有緣人可以終成眷屬、拉埋天窗。
幾時去拜月老最靈驗？
香港好多人都迷信，結婚、開張、入伙都要睇通勝擇吉時，參拜月老廟當然走唔甩；相傳最佳拜月老既時間有3個，分別係西曆2月14日情人節，農曆7月初7既七夕，同月老既生日（農曆8月15日），當然，錯過左呢3日都唔緊要，重點係誠意同決心。
閨密聚會套餐
拜月老參拜流程同注意事項
俗語都有話，各處鄉村各處例，唔同廟宇都會有唔同既參拜流程，無話統一既，如果去到月老廟既時候擔心用錯方法，可以直接請廟竹或者工作人員協助，咁就唔使怕做錯步驟啦。
參拜既時候，主要向月老稟明自己既「姓名」、「生日」同「居住地址」，再同月老講自己想要既對象條件及類型係點既，愈清楚，愈容易早日如願，當然一顆誠心就最緊要。
但不得不提既係，拜月老有幾點要留意：
如果個廟唔係主祀月老，咁就需要先拜左主神，然後先去拜月老。
唔好搵人幫自己拜月老求姻緣，亦都唔好幫人求，呢D事情最好本人求啦。
衣服要端莊整齊，避免過於暴露，尊重個場合。
如果同月老約好左還願，記得要遵守約定。
港台月老廟推薦
1. 上環廣福義祠
有逾170年歷史既廣福義祠又稱「濟公廟」或「百姓廟」，被譽為全港3大求籤最靈驗既廟宇之一，同時亦係香港著名既星級姻緣廟，主祀濟公，另外都有供奉和合二仙、地藏菩薩、月老等神明。連唔少明星藝人都曾前往參拜過，例如李佳芯、蔡卓妍等。
港台月老廟推薦
2. 嗇色園黃大仙祠
1921年落成既黃大仙祠，現建築列作為香港一級歷史建築，係崇奉儒釋道三教，香港同海外最著名廟宇之一，廟內有供奉月老像同佳偶天成男女神像，走之前一定要記得拎紅繩，可以按照月老像附近指示牌參拜。
【10個渣男特質】渣男其實係指人品出左問題，男人壞但唔一定係渣，有D男人唔壞但就非常之渣。由於渣男自我感覺極好、非常自私、擅長向人索取感情／好感／著數、唔負責任，主要以玩弄別人感情既「好男人」，佢地對待感情唔會認真，對另一半唔專一，容易出軌⋯⋯ 繼續閱讀
港台月老廟推薦
3. 台北萬華龍山寺（艋舺龍山寺）
香港人返「鄉下」去台灣一樣可以姻緣；台北萬華龍山寺已經有近300年歷史，位於台北市萬華區既觀音寺，建築已經列為國定二級古蹟，而且龍山寺供奉緊大約100多尊神明，主神係觀世音菩薩。
港台月老廟推薦
4. 台北霞海城隍廟
咸豐九年三月十八日（1859年）落成既霞海城隍廟，200幾年歷史，仲有一個「全台最靈驗月老廟」既聖名，因為「快速」、「效率高」配對而出名嫁，所以有好多人前來拜月老，心急求愛人士一定要試試。
港台月老廟推薦
5. 彰化鹿港天后宮
鹿港天后宮，又稱鹿港媽祖宮或鹿港湄洲媽，前身係鹿港天妃廟，於1591年創建，隨後遷址同擴建，變成而定既鹿港天后宮，更加係台灣歷史最悠久既廟宇之一。
介紹左5間月老廟俾大家，如果真係計劃去求姻緣，最好帶備鮮花，水果同甜點前往，因為月老鍾意食甜點嫁。如果大家成功求到姻緣，又咁順利要拉埋天窗，要搞求婚、訂婚Party，就一定要搵Kama Delivery幫你預備求婚到會喇，作為你嘅餐飲伙伴，應付每個大大小小嘅派對活動，貨架上有超過100款美食選擇，亦有針對唔同人數Party嘅美食到會套餐，外賣送貨範圍覆蓋全港、九龍及新界，酒店、證婚場地冇難度，歡迎隨時瀏覽我哋網站或者WhatsApp我哋查詢美食都會訂購詳情。
聯絡我們
WhatsApp 查詢／訂購熱線：5188 0757 / 6599 9941
Email：info@kamadelivery.com
追蹤我們
延伸閱讀
部份圖片出處｜艋舺龍山寺
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
BBQ燒烤到會
素食到會
KAMA BLOG