【潤唇膏邊隻好？】消委會45款評測大檢閱

大家揀潤唇膏時果陣，記得留意一下潤唇膏嘅成分要不含潛在有害嘅礦物油物質MOSH（短鏈礦物油飽和碳氫化合物）或 MOAH（礦物油芳香碳氫化合物）嘅產品，亦唔好揀含有香料、羊毛脂、重金屬、防腐劑、礦脂 (Petrolatum)、礦物油、聚乙 (Polyethylene)、聚丁烯 (Polybutene) 等成分嘅潤唇膏。另外，建議最好揀返有鎖水及保濕滋潤功效嘅潤唇膏，成份例如含有透明質酸、橄欖油、乳油木果油、椰子油、甘油呢幾種成分嘅潤唇膏。

最值得留意嘅礦物油 (Paraffinum Liquidum / Mineral Oil)，係一種經常俾人攞嚟製造護膚品和化妝品嘅成分，因為可以令到皮膚表面形成一層薄薄嘅保護膜，從而減少水份經皮膚表面流失。但市面上都有唔同成分含有唔同結構嘅礦物油碳氫化合物 (Mineral Oil Hydrocarbons)，而當中礦物油飽和碳氫化合物 (Mineral Oil Saturated Hydrocarbons / MOSH) 和礦物油芳香碳氫化合物 (Mineral Oil Aromatic Hydrocarbons / MOAH) 2種，就潛在健康風險最需要關注。

根據歐盟食物安全局 (European Food Safety Authority) 係2012年發表嘅報告入面，提及到有某部分MOSH機會會積存係體內脂肪組織同多個器官；另一樣MOAH亦可能含有致癌物質，甚至懷疑存在基因毒性和致癌性成份，透過飲食時，將潤唇膏內含有嘅MOAH而攝入身體，所以大家係飲食嘅時候，最好將潤唇膏抹乾淨先再進食。

除咗上面講嘅礦物油，亦小心含致敏成分嘅潤唇膏，好大機會令雙唇皮膚情況變差。唔少潤唇膏都會添加香味，以增加受歡迎程度，而製造香味係透過香料成分去提煉出嚟，更有可能由好多種化學物質組合出嚟。當中有某啲香料物質本身存在致敏性，亦有部分香料物質同空氣接觸後，就會形成致敏性高嘅護膚物質，例如常見於潤唇膏產品嘅檸檬烯 (Limonene) 和芳樟 (Linalool)。