潮流品牌【潮牌如何攻入飲食業？】

潮流品牌【潮牌如何攻入飲食業？】

世間萬物皆可Supreme

講起潮牌相信大家都一定不陌生，就算唔買都一定聽過。其中著名表表者嘅有Supreme、Palace、Kith、Fragment Design、Kaws、Mastermind Japan等等。潮牌跨界已經唔係咩新鮮事，最玩過界非Supreme莫屬；無論剪刀、筷子、斧頭、磚頭等等都可以聯名Crossover，真係世間萬物皆可Supreme！

透過品牌聯乘往往能夠利用一個品牌去帶動另一個物件或者牌子嘅銷量及知名度。更厲案嘅層次可以做到雙贏局面，新鮮感刺激消費者眼球之餘仲將互雙品牌升呢，發揮極致化學作用；高檔知名潮牌踩過界別合作有(Bape x Rolex Hermes x Bugatti)等等。小編今次為大家介紹下幾個潮牌點樣跨入飲食界！

Kith X 網紅餐廳

潮流品牌 | 紐約街頭品牌新秀Kith跟「網紅」餐廳 Sadelle聯名推出的一系列服飾

紐約街頭品牌新秀Kith近年可謂攞盡彩頭。Kith作為一個潮流零售商創立於2011年，於2015轉型攻入衣服市場，得到市場認同就開始同各大品牌聯名。當中經典嘅一個定係 Kith x Coca-Cola ，一個年輕街頭服飾配上老牌軟性飲料，無論係聯名嘅衣服、鞋，甚至係可樂，都係短時間一掃而空、大放異彩！難怪佢哋合作系列一個接一個。

在此之後Kith亦同「網紅」餐廳 Sadelle聯名，推出一系列帽子、Tee恤亦取得不錯嘅成績，最後Kith更係日本時尚集中地東京開設左自家甜品店Kith Treats；去日本玩又多個潮聖打卡位！

Fragment Design X 日本星巴克

Fragment Design 嘅創立人藤原浩，貴為日本潮牌教父級。潮流圈嘅影響力當然爆錶，任何牌子或者物件只要畫上其標誌性嘅Logo ⚡，即刻提高左一個Lv！聯名呢家野，藤原浩自入行來聯名無數，其中不得不提 Fragment x Starbucks保溫杯系列。

星巴克對於日本人黎講絕對係日常必須品，教父藤原浩亦不例外。原本藤原浩主理嘅Fragment 都算係一個價位較高嘅牌子，而相對Starbucks 就相對平民價產品。Fragment 透過Starbucks 提升自己品牌嘅親民力，用平民價錢喝一口不平凡嘅咖啡！雙方於2017年首次聯名就轟動全日本，之後不但止保溫杯，紙杯、膠杯、玻璃杯真係乜杯都出齊！

食拉麵送骷髏骨麵碗？

潮流品牌 | Mastermind Japan x Hide-Chan限定推出嘅骷髏骨麵碗

Mastermind Japan作為日本暗黑系潮牌代表，一樣有進軍飲食業。最為代表性嘅係，2013年攻入香港嘅日本知名拉麵店 Hide-Chan秀拉麵就搵左佢合作，開設左Mastermind Japan x Hide-Chan拉麵香港限定。每日都人龍如潮，日日沽清。

當日限定嘅套餐更加係誠意滿滿，食拉麵送Mastermind Japan限定嘅骷髏骨麵碗！即刻令一眾瘋狂粉絲熱情高漲，紛紛來潮拜食拉麵；可惜風頭一時無兩，Hide-Chan香港店最終都係結業收場，睇黎食店想靠品牌聯乘一勞永逸無咁容易……

麥當勞都有得聯名？

美國注名華裔時尚設計師Alexander Wang，係離任Balenciaga嘅創意總監後，利用個人名義先後與不同大牌潮牌攜手合作，例如Adidas、麥當勞。Macdonald作為快餐界一哥為何要聯名潮流界？答案就在於與時並進。潮流顧名思義就係與時並進，而麥當勞正正就需要呢樣野提升自家嘅競爭力，同其他快餐業大公司競爭！值得一提嘅係大陸推出300個限定嘅「亞歷山大王黑金野餐籃子」索價成$5888人民幣！

拉麵T-shirt

聯名陣營當然少不了知名休閒服裝Uniqlo，作為日本始祖嘅牌子，亦都試過衝擊日本飲食文化，反轉拉麵界！係2018年一次過同6間日本拉麵店聯名，用佢地嘅Logo字樣推出8款T-shirt ！分別用一風堂(Lppudo)、阿夫利(Afuri)、一幻拉面(Ebisoba Ichigen)、面屋武藏(Menya Musashi)、世田谷(Setagaya)、山頭火(Hokkaido Ramen Santouka) 。

快啲Click入去睇下我地嘅多人到會套餐！

　新推出　

世間萬物皆可Supreme

Kith X 網紅餐廳

訂購到會服務熱門問題【不斷更新】

Party Room到會推介2023【全港免運費優惠】

【Staycation外賣食咩好】Room Service太貴？Kama Delivery 外賣5大優勢令你欲罷不能

好食到會菜式2023【全新登場-每月更新】

【最受歡迎10人到會套餐推介】

【屋企Party食物推薦】9款必食療癒美饌

登入

註冊