【無矽洗頭水有咩好？】

市面上既洗頭水種類好多，而且亦有好多標榜唔同既功能性，例如防脫髮、去皮屑、防斷髮、柔順功效等。而家更常聽到人話有矽洗頭水( 英：Silicone) 同無矽洗頭水( 英：Silicone Free) 兩大類型，幾乎日日都會用到洗頭水既大家又係咪識得分辨呢？究竟有矽定無矽更適合你嘅秀髮？！

所謂矽，其實叫矽靈，又稱為矽油，原本就係一種好常見既護髮成分，好多時都會係洗頭水既成分表上顯示出黎，通常會以聚二甲基矽氧烷，或者用唔同既英文，Dimethicone、Dimethiconol， Amodimethicone同埋Cyclomethicone等既字眼出現，大家不妨留意一下成份表。而常用既護髮成分當中，矽化合物 (英： Silicones) 會停留係頭髮表面，填補髮絲上既角質層(英：Cuticle)，令到頭髮順滑和有光澤感，同時減低磨擦，容易梳理頭髮同比較貼服，聽落好似好好咁，但其實一洗頭，就會回復返原狀，同時由於矽靈唔溶於水，殘留於髮絲同毛囊，導致頭髮變到油膩、太貼服而扁塌，甚至有阻塞毛囊，引致脫髮既可能性，雖然應用科學系講師周卓峰（香港專業教育學院）表示，機會性唔太大，因為洗頭既時候，係沖洗過程中，洗頭水停留係頭髮上既時間唔會好耐，加上，好多成份都會被水稀釋左，令到洗頭水既成分未必完全可以被頭皮吸收同積累。

但市面上而家會見到標榜無矽洗頭水既產品或者廣告。而無矽洗頭水，或者叫無矽靈洗頭水既意思係將洗頭水入面既矽靈抽走，咁無矽既洗頭水有咩好處？無矽洗頭水係咪天然有機？由於無矽成份比較起有矽就刺激少，可以更加深層清潔，而且可以保持髮絲唔油膩，減少阻塞毛囊，從而改善左脫髮既問題。另外，如果想染頭髮，想令到顏色更加易上色，可以係染髮之前，用無矽洗頭水，電髮都係，因為染頭髮唔會被矽包住，所以顏色或者藥水都容易吸收。

無矽洗頭水通常會以用植物籽油和同燕麥萃取等既成分作為護髮，取替左矽化合物同其他成分，當然都會有部分既無矽洗頭水係無添加到護髮成份，對於乾性髮質既人黎講，特別係長髮女性，就會比較難打理頭髮，因為偏乾髮質，所以洗完頭後有需要可以使用護髮產品，例如護髮膜，護髮劑等。

每日都洗頭既大家，不論用邊款洗頭水，記得要沖洗乾淨，避免將太多既化學成份殘留係頭皮上，減少脫髮問題。擁有一把靚靚既頭髮，記得亦要用適合自己既洗頭水，同做護理，咁樣先可以由外靚到內嘛。