牛魔福音【4款高質牛扒外賣必食推介】

肉眼牛扒係香港人最常接觸嘅牛扒之一，位於牛肋骨嘅中央部分，油花比例高，約達百分之二十至二十五，口感軟腍，油花豐富肉味香濃，亦係牛扒種類中比較貴嘅部位，做法以焗，煎或炭燒皆俱。

T骨牛扒個名源自於牛扒中間存在一條T字牛骨，牛骨一邊係西冷，一邊係牛柳，亦因為兩者油脂比例不高，T骨牛扒油脂比率約百分之十至十二，T骨價錢較高因為牛骨本身帶有重量，但可以一次過嘆到西冷牛扒同牛柳牛扒，貴少少取捨要嘅。

牛肋扒即牛仔骨的位置，即牛胸肋骨，油花比例最高，達百分之四十至四十五，富嚼勁，油香味濃，如果簡單講，亦即係半肥瘦叉燒嘅道理，齒頰留香，一食愛上，外賣享用無得彈！

戰斧牛扒/斧頭牛扒以美式切割方式，斧頭外型嘅斧頭牛扒，位於牛上肋骨嘅連骨牛扒，屬於重量級牛扒，坊間最輕都600-800克起跳，由於食牛扒香港人都鐘意啖啖肉，巨型帶骨牛扒多見於派對場合，適合多人享用，油花比例豐富，骨髓亦能豐富牛味，最重要係，開Party儀式感相當重要，派對聚會叫外賣又點可以冇斧頭牛扒助慶呢？

除咗美國安格斯牛肉，我地最新亦引入美國SRF和牛，SRF係美國蛇河農場，蛇河農場將日本和牛及美國安格斯黑牛混種，飼養美國極黑和牛，和牛油花豐富，安格斯牛肉牛味濃郁，兩者混種互補不足，取長補短，值得一試。而我地嘅廚藝團隊亦刻意炮製咗一款「極黑和牛蔥蔥卷」，俾大家好好享受到和牛嘅非一般滋味！