8種狗狗常見疾病大全【做奴才前必讀】

8種狗狗常見疾病大全【做奴才前必讀】

狗狗常見疾病包括咩？由於毛孩唔識得表達病情，獸醫往往要經過抽血、驗尿才可以對症下藥，有些主人往往透過病徵帶狗狗就醫，頭痛醫頭，腳痛醫腳，治標不治本，本文同大家分享8種狗狗常見疾病大全，包括患病後病徵、患病前嘅預防方法及病致死亡率。尤其當狗狗踏入中年、老年階段，更加容易罹患長期疾病，做得奴才就有責任照顧狗狗至百年歸老，侍奉佢一生係承諾，對於狗狗患病而棄養嘅行為，實在非常自私及不負責任，養狗同養人一樣從來都不容易，希望大家三思而後行，不要剝奪毛孩遇上好主人嘅機會，或你自己當個好主人。

犬傳染性肝炎屬於毛孩嚴重疾病之一，一般狗狗社交唔會傳染，但一旦狗狗曾接觸患病狗隻嘅排泄物、血液、鼻涕等體液，就好容易受到感染，病毒會攻擊狗狗肝臟，最嚴重引致狗狗死亡。

心絲蟲可以於狗狗體內存活5-7年，感染原因主要因為蚊嘅吸血過程，蚊從受心絲蟲感染嘅狗隻血液中吸入心絲蟲幼蟲，然後幼蟲響蚊嘅體內發育後，響蚊再次向其他狗狗吸血時，發育後嘅心絲蟲循蚊嘅唾線進入其他狗狗體內，不斷造成傳染，因為呢隻寄生蟲寄生於狗隻心臟及肺動脈，每次發現嘅時候，狗狗心肺功已經遭受極大嘅破壞，平時經常放狗散步嘅主人就要做好預防。

犬冠狀病毒感染係狗狗腸道疾病，傳染性極高，通常透過接觸受感染狗隻嘅排泄物、嘔吐物或用咗受污染嘅器皿，所以平時帶毛孩去狗狗Party、社交聚會就要留意喇。

狗狗皮膚病中最常見係趾間炎，導致狗狗趾間炎嘅原因很多，包括傷口感炎、過敏、潮濕、指甲太長等，由於趾間炎會導致傷口潰爛、含膿，狗狗因為疼痛不願行走，嚴重嘅會蔓延至全部手腳，造成傷口細菌感染，平時屋企拖地應避免落強烈清毒藥水。

犬傳染性支氣管炎可以同狗狗傷風感冒相類似，由病毒引起，狗狗吸入病原體致發病，當狗狗劇烈運動或激動後有機會引發犬傳染性支氣管炎，基本上病徵可以維持半個月以上，發病後應該減少社交，暫停激烈活動，一般狗狗食慾及精神狀態正常，但必需盡快治療，避免引起哮喘，肺炎，腎衰竭等併發症。

狗瘟通常透過動物飛沫傳播，有啲似狗界新冠，傳染性極高，幼犬更容易受感染，因為未接種疫苗，死亡率可達80%，由於病原體是病毒，狗狗只能靠自身免疫力對抗狗瘟，發病時更要透過病毒測試或是驗血才發現是狗瘟。

狗狗常見嘅係慢性腎衰竭，即係腎功能係逐步逐步被削弱，基本上毛孩踏入8歲開始要注意，加狗腎功能不正常，體內毒素累積在血液中無法代謝，導致生病，但主要致病原因未能確定，當狗狗腎功能逐漸向下，需要一直吃藥及打皮下水針。

心臟病亦係狗狗常見慢性疾病，一般發病後逃過一劫後，響藥物及一直檢查跟進下都可以正常生活，但因為心肌壓縮作用減少，鹽分及水份難以代謝，容易引起急性腎炎或其他突發病症。