【生蛇關鍵72小時有效預防後遺症】

生蛇係咩？生蛇治療後會有後遺症嗎？大家可能會聽過生蛇，但未必了解係乜？到底咩人會生蛇？生蛇又係點？生蛇一般又要幾耐先好？其實生蛇係帶狀疱疹（英：Herpes Zoster）既俗稱，由水痘（英：Chickenpox）病毒引起。

好多人細個既時候都有生水痘，而好返之後，身體會自動產生抗體，令到水痘病毒無咁活躍，但病毒仲潛伏係神經線度，唔會唔舒服或者其他症狀。但當年紀越來越大，加上抗體下降，變相可以再次引發出梨，尤其40至50歲後特別容易出現，而且，身體免疫力較差既人，例如老人家，佢哋係比年輕人生蛇既機會高出8至10倍， 而糖尿病同高血壓等既長期病患者亦係高出2至4倍。另外，亦有統計數字顯示出，只要出過水痘既人，大概有30%機會生蛇，係香港就有95% 以上既人出過水痘，就算無生水痘既人，亦有可能係照顧生蛇既病患者果陣接觸到患者既水疱體液，都會好容易感染到。

小編話俾大家知，早期既症狀，皮膚會出現輕微痕癢同痛楚，變化唔明顯，而且個人都會好容易攰，感覺好似感冒，亦可能會發燒。到左發病期，會係1至2日內會係沿著胸椎或腰椎既神經出現蛇狀紅疹或者水泡，有D人可能會係臉部同眼睛附近、或腰部既位置出現生蛇病徵，而且都會帶有唔同程度既痛楚，每個人程度都唔一樣，例如類似觸電、針刺、灼熱既痛，又或者會痕癢，另外，水泡會持續1至14日，期間可能會有膿皰或血水。去到後期，紅疹同水泡會慢慢係2至3星期內凋謝和結痂。

當然會有，由於生蛇既處理方法同時間唔同，都會有唔同程度既後遺症。例如，如果生蛇超過72小時仲未得到適當治癒，紅疹附近出現大SIZE既水泡，代表病毒已經惡化，難以控制地步，皮膚好容易因為水泡穿左而潰爛，同時亦會引起後遺症，例如急性角膜炎、結膜炎、失明、失聰等，最嚴重既話，可能造成腦膜炎或肝炎。甚至有人會出現帶狀皰疹後神經痛（後遺神經痛症），呢個痛症可能會斷斷續續痛幾個月至幾年，好似閃電、針刺、火灼既神經痛，再嚴重既就係著衫時輕輕掂到皮膚都會刺激某處皮膚劇痛，因為生蛇果陣無好好治療同控制病毒擴散，傷到神經而過敏，可能要靠食止痛藥去減輕痛楚。

生蛇雖然一般會年紀大既人身上出現，但其實可以提早預防，建議可以預早接種帶狀疱疹病毒疫苗（即：蛇針疫苗），分別為第一代 Zostavax 及第二代 Shingrix，特別係長者同長期病患者，因為接種1針疫苗，大概可以有效10年。香港政府並無資助呢2款疫苗，大家如有需要可以去醫療中心或普通診所接種。