【甩頭髮點攪?】6種食物養份有效預防脫髮危機

一文看清甩頭髮點攪|六大食物營養能及早預防脫髮問題

【甩頭髮點攪?】6種食物養份有效預防脫髮危機

俗語有講10個光頭9個富,頭髮難買難照顧,甩頭髮點攪?連有錢人都無法有髮,證明左禿頭呢樣野,係預防勝於治療,始終治療嘅方法、程序、時間、成效因人而異,甩頭髮嘅人會想盡辦法刺激毛囊生長,但往往係事倍功半,因為脫髮唔係單單刺激毛囊就醫得好,有人話光頭嘅人都有錢,係因為甩頭髮醫極都冇效果但又要繼續課金,所以好努力賺錢,最後錢愈來愈多,頭髮愈來愈少,甩頭髮問題困擾全世界,雖然本文睇完唔保證一定有效,但會同大家分享甩頭髮嘅成因,預防同可能有效嘅舒緩方法,不論男士、女士抑或是小朋友,要減緩脫髮必須有耐性,心急覓偏方,隨時弄巧反拙。

要針對甩頭髮,當然要先了解脫髮嘅成因,唔好諗住甩髮只困擾年紀大嘅人,男人女人甚至小朋友都會因為唔同原因出現脫髮,對症下藥,了解原因先知甩頭髮要點攪。甩頭髮本身係最正常不過嘅事,汰舊立新,頭髮被新長出嘅髮絲取代,只係新陳代謝嘅過程,每日甩50-100條頭髮亦係正常,但如果脫髮問題嚴重,甚至長期持續導致頭髮稀疏或禿頭,就有機會因為下列原因:

男士脫髮

男士甩頭髮的成因|脫髮原因你要知

濃密嘅頭髮邊個唔想要?困擾男士嘅聽得最多就係所謂M字額、地中海、髮線後移,後移情況嚴重足以改朝換代,光復清朝,導致男士甩頭髮甚至禿頭嘅原因普遍,首先係遺傳,亦係大部分男士禿頭嘅主要原因,因為荷爾蒙影響,加快左頭髮嘅生長周期同脫落速度,而M字額,髮線向後移通常源自於遺傳性脫髮,望返過嚟先,唔好望老竇住,仲有其他原因,例如頭皮受損、糖尿病、或曾接受放射性治療(如電療),精神壓力大等都會影響脫髮問題。

女士脫髮

女士甩頭髮的成因|脫髮原因你要知

以上導致男士脫髮嘅原因,都適用於女士頭上,但女士專屬嘅原因,係懷孕,母親係偉大嘅,懷孕反應會導致女士厭食、嘔吐,不利頭髮營養吸收,更甚嘅係接近BB出世前,頭髮生長會進入休止期,生育後先會慢慢重新出髮,新髮會取代舊髮,形成脫髮,至於D頭髮嘅生長速度同脫落速度落差就因人而異,視乎懷孕期間及坐月嘅照顧同營養吸收,都係果句,唔好望你老竇,今次望你老公。

小朋友脫髮

小朋友甩頭髮的成因|脫髮原因你要知

甩頭髮比六合彩公平,唔止人人都有機會,連小朋友都有機會,但一般同家長嘅照顧不當有關,小朋友脫髮第一係營養問題,半數兒童脫髮因為鐘意食零食,加上偏食,營養不均衡導致毛囊發展唔理想,就會出現頭髮稀疏嘅問題;第二,小朋友放電奔跑,汗水、灰塵甚至昆蟲都會粘污頭髮,如果頭髮衛生差嚴重嘅會有頭虱,影響頭髮生長;第三,小朋友情緒高低起伏太大,情緒問題佔兒童比重唔低,小朋友容易對身邊事好奇作出過度反應,甚至發脾氣拉扯頭髮,傷害頭皮健康,所以做家長照顧小朋友,飲食、衛生、情緒都要教育兼顧,小朋友脫髮會產生自卑感,而你亦成為那雙無「髮」可修飾的一對手。

面對甩頭髮問題,要有耐性,唔係傷風感冒食粒藥就見效,當然市面上好多聲稱醫治脫髮嘅洗頭水,成效有限,如果決定食藥嘅話,請你咨詢專業人士,不過偏方反而係最多人肯試,亦都係最容易愈攪愈衰嘅,就係矯枉過正嘅物理方式刺激頭皮生髮方法,例如用薑、烈酒洗頭,諗住刺激血液循環,加快將營養送到髮根,但可惜只會令頭皮發炎及過敏,加上完全冇醫學根據,心急誤事,亦有人每日用毛巾摩擦頭皮,希望用熱力刺激毛囊,結果只會傷害頭皮,差唔多火花都擦出嚟但唔見頭髮生左幾多,所以應該還原基本,以飲食同健康嘅生活習慣養護頭髮。

養髮靠飲食同生活習慣可以從根本上改善脫髮或預防,就算係遺傳性脫髮,只要身體健康質素改善,亦有機會減低遺傳性脫髮嘅速度同程度。咁預防甩頭髮食乜好?維他命B7、維他命C對於改善甩頭髮嘅情況有好大幫助,其次係鐵質、蛋白質、鋅及硒。

1. 維他命B7

維他命B7|6種食物營養能有效預防脫髮問題

維他命B又稱生物素,係頭髮生長中最為重要嘅維他命,亦常比用嚟做脫髮嘅替代療法,要攝取維他命B7唔難,進食肉類、動物內臟、堅果、海鮮等都可以攝取維他命B7,所以除非偏食得好嚴重,否則日常食飯正常都會有足夠嘅攝取。

2. 維他命C

維他命C|6種食物養份能有效預防脫髮危機

維他命C除左增蛋人體免疫力之外,更加係抗氧化劑,可以減緩頭髮老化,幫助鐵質吸收,而鐵質對頭髮生長亦尤其重要,一般蔬果都含有維他命C,亦因為佢比較脆弱,含有維他命C嘅食物經過烹調後都會有唔同程度嘅流失,所以最好係洗完即食,例如橙、蕃茄、奇異果、苦瓜等都係唔駛煮可以直接食嘅選擇。

3. 鐵質

鐵質|6種食物營養能有效預防脫髮問題

研究指出,鐵質低會衍生低血清蛋白,會加速脫髮速度,常見於女性,女性月事引致失血會引致鐵質流失,可透過含鐵量高嘅食物,如菠菜、紅肉、動物血制品如豬紅鴨血、蛋黃等,改善頭髮生長速度及提高厚度,預防脫髮。

4. 蛋白質

蛋白質|6種食物養份能有效預防脫髮危機

頭痛嘅組成基底就係蛋白質,如果攝取量不足,會做成稀疏及脫髮,亦會令髮質脆弱,容易斷裂、開岔。蛋白質嘅攝取可以透過奶類、豆類、雞胸肉、魚肉等食物,烹調過程亦可能令蛋白質流失,例如選擇刺身級三文魚比煮熟嘅三文魚,蛋白質含量就會有差距,當然,蛋白質嘅攝取容易,只係素食者要就只可以靠豆類攝取。

5. 鋅

鋅|6種食物營養能有效預防脫髮問題

鋅主要負責加強頭髮修護工作,地中海脫髮大部分因為鋅量不足,鋅對於其他礦物質無咁出名,但甩頭髮嘅時候補鋅係有效嘅治療方法,攝取鋅最好可以透過甲殼類海鮮如生蠔、蝦蟹等,動物肝臟、紅肉、堅果都含鋅,只係含量較低。

6. 硒

硒|6種食物養份能有效預防脫髮危機

缺硒是導致頭髮稀疏嘅其中一個主因,硒是促進頭髮生長嘅主要礦物質,亦有效治療頭皮屑過多、白髮及脫髮嘅問題,但唔好過量攝取,避免產生太多抗氧化酶,有機會會對毛囊做成傷害,攝取硒可透過雞蛋、海產、豆類,所以只要飲食均衡,每種維他命同礦物質都可以攝取到,甩頭髮嘅情況會慢慢改善,必須耐性。

良好生活習慣

要有效改善脫髮除左要身體健康外,更要健康嘅生活習慣,例如充足嘅休息,有助減緩頭髮代謝,減少甩髮;洗頭應該用手指頭按摩頭皮,而唔係好指甲,避免抓傷頭皮,導致發炎感染,影響頭髮生長;情緒管控,唔好以為唔關頭髮事,經常發脾氣、抑鬱、精神緊張等會導致毛孔收縮或內分泌失調,影響新髮絲生長亦會提推動脫髮,當然仲有要保住頭髮衞生及保養,避免過度漂染或使用過多美髮用品。

過百款單點食品|多元化外賣之選|Kama Delivery專業到會美食推薦

保持身心愉快對預防甩頭髮好重要,有咩開心得過開Party大擦一餐,Kama Delivery專業提供派對食物,準時送貨你可放心邊玩邊食,貨架上過百款精美食材,防脫髮最緊要飲食多元化,我地有咁多款唔同種類嘅美食,絕對係你嘅開心護「髮」,歡迎瀏覽我哋嘅網站或WhatsApp我哋查詢訂購美食到會服務。

點我查看多元化到會外賣

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀

訂購到會服務熱門問題【不斷更新】

【健康到會食物點樣揀好?】

食物營養金字塔指南【健康養生必睇】

未來肉與植物肉【素食外賣必選】

牛魔福音【4款高質牛扒外賣必食推介】

部份圖片出處

https://www.pexels.com

*未經許可,以上文章不得轉載或引用*