究竟波士頓龍蝦關波士頓乜事?!

波士頓龍蝦|Kama Delivery Catering Service|美食到會外賣推介

香港人點解咁鍾意食龍蝦?

香港人點解咁鍾意食龍蝦?肉質爽口彈牙,鮮甜肥美諗起都流晒口水,無論大小喜慶節日宴會、放題自助餐又或者一班人打邊爐烚下烚下;我地都經常見到佢嘅出現,簡直係合家歡必備菜式;龍蝦係世界上一共有四百幾個品種,而本地人最常食到嘅有本地龍蝦(青龍蝦)、花龍蝦又稱澳龍(主要產自澳洲、東南亞)同埋小編今次同大家深入探討嘅波士頓龍蝦。


波士頓龍蝦=波龍?

波士頓龍蝦

波士頓龍蝦係飲食業行內簡稱做「波龍」,龍蝦除左俾人感覺係一種高級又矜貴嘅食材之外,其營養價值亦十分之高,體內含有豐富既蛋白質同鈣質,遠遠高於其他海鮮,能夠加強人體機能又防止骨質疏鬆,仲可以降埋貼固醇;咁多好處真係食多多都唔驚;波龍產量多供應又穩定,所以價格亦係種多品種中最為親民相宜, 因此成為港人食用得最多既品種;煮法方面變化又多,即使係街市買返屋企自己整都唔會覺得好難,市面上最常食到有芝士龍蝦伊麵、蒜蓉牛油焗龍蝦、原隻清蒸或者上湯到近年大行其道既龍蝦包 (Lobster Roll) 都係受普羅大眾歡迎既食法!


講左咁耐,咁波士頓又係咪真係盛產龍蝦呢?

答案非也!原來波士頓係美國主要嘅海產交易中心,兩大真正產地緬因洲同斯科舍省嘅波龍都係係呢度交易完,之後直接出口送往世界各地,由於直接從波士頓機場起飛,而標籤上面又寫來自波士頓,所以香港人以至大部分亞洲地區嘅人都誤稱佢為「波士頓龍蝦」!


咁香港人最常食到嘅波士頓龍蝦又係來自邊度生產呢?

在緬因州海邊用於捕捉龍蝦的船隻跟小屋

🔼 位於緬因州波特蘭嘅海邊到處都會見到用於捕捉龍蝦嘅船隻 🔼


其實香港主要見到嘅波龍主要產自美國東北部緬因州 (Maine) 同加拿大東岸新斯科舍省 (Nova Scotia),北美龍蝦 (American Lobster) 每年近20萬噸產量就係由呢兩個地方包攬晒。另外,波士頓龍蝦真正學名係叫美洲螯龍蝦 (Homarus americanus) , 有別於真正嘅龍蝦,擁有一對肥大龍蝦鉗正正係波龍嘅象徵;而近年愈來愈火紅嘅小龍蝦都係波龍遠房親戚,大家都屬於螯蝦類別,只不過波龍係咸水生活,而小龍蝦一般就係淡水裡面!

小編作為Kama Delivery嘅一份子,又點會唔係龍蝦到會狂熱份子丫,除左招牌龍蝦包龍蝦芝士三文治之外;我仲好鍾意食Master Kama嘅龍蝦玉子燒、西班牙烤乳豬海膽忌廉蟹肉意粉等菜式;我地一直努力為大家搜羅環球新鮮食材,研發不同創新又好食嘅菜式,經過廚師團隊精心炮製,務求照顧到每一位人客嘅五感;係到會外賣方面更提供市場獨有嘅貼心服務,例如可以接受即日到會訂單、提供24小時線上線下諮詢、仲有按人數下訂嘅到會套餐選擇、度身訂製大型到會服務;定期推出不同新款時令菜式同優惠滿足大家唔同嘅需要,記得留意住我地專頁發佈最新嘅資訊!

▶ 訂購到會套餐傳送門 ◀

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

快啲Click入去睇下我地嘅龍蝦到會菜式!

延伸閱讀

全新推出【一口派對小食到會套餐】

【叫外賣到會懶人包】 6個必睇注意事項

【派對食物如何度身訂造】

【船河到會安排懶人包】

【飲品到會重新定義】

部份圖片出處

https://www.flickr.com/photos/brostad/4537180373

*未經許可,以上圖片及文章不得轉載或引用*

發佈回覆

你的電郵地址並不會被公開。 必要欄位標記為 *