窮遊旅行 | 窮遊攻略 | Kamadelivery.com

窮遊旅行 | 窮遊攻略

香港地方細衣食住行乜都貴，工作壓力大，生活節奏又快，逼到香港人想「逃離」這壓力天堂。旅遊，旅遊同旅遊相信係大部分香港人每年最渴望做嘅三件事。出外旅遊唔單止放鬆心情，亦可以住得好D舒服D，頓時脫離現實換個環境享受生活，旅遊大致可分為四種……

第一種：景點旅遊，去每個不同嘅地方旅遊當然要一覽每個地方嘅景點或者熱門商鋪，影下靚相，打個靚卡，Po個靚Ins，不枉此行。

第二種：購物Shopping遊，每個旅遊地方都會有當地嘅特色商品，或者抵買嘅貨物，例如去歐遊就會買包包、名錶，因為普遍歐洲買錶無論價錢亦或者入手難度都比香港更平更容易。去日本就會買藥妝、潮物，例如享譽國際嘅手工銀飾 Goros 就係好好嘅代表，通常都會為左購買一些香港本土比較難買嘅商品而專登前往購買，甚至買翻香港轉售亦係不錯嘅選擇！

第三種：懶人旅遊，懶人旅遊顧名思義就係要夠「Hea」夠Relax，每一日都會訓到自然醒，行程都無預先計劃，唔會因為要行嗮景點購物點而令到自己時間緊迫，呢個係小編最鍾意同埋最推薦嘅旅遊方式，因為係香港生活本身已經係行程滿滿，訓唔飽，或者趕Schedule，所以旅遊更應該係隨心隨意嘅狀態去享受。

第四種，全面深度遊，簡單講即係乜都要做齊，好似細個同阿爸阿媽跟團咁，係一種終極折磨嘅旅遊方式，每日訓唔飽之餘，又要係緊迫嘅時間內去唔同觀光景點，跑完一個接一個，慘過係香港返工，小編極不推薦此方法。

之但係好似小編咁收入低企又長期糧尾，歐遊或者馬爾代夫呢D富貴遊幾乎唔洗諗，咁可以點樣滿足一年一次去Chill下嘅渴望呢？想做到最優惠價錢出行，最重要嘅就係出行時間，盡量避開大時大節，例如暑假、聖誕新年呢D旅遊旺季。要窮遊首選3-6月同9月，呢D日子機票酒店價錢相對抵玩，以下就推介幾個貼地窮遊好地方俾大家參考下！

窮遊推介：泰國

絕對係平價窮遊嘅不二之選，泰國有當地嘅鮮明文化同特色，例如人妖Show，成人Show，泰菜美食等等；都吸引住世界各地嘅旅客欣然前往！想Shopping食野就去曼谷，曼谷係亞洲其中一個最繁華嘅城市，奢侈品手信禮物樣樣皆有，同樣地亦係美食之都，匯聚世界各地嘅美食，小編比較建議係去大型shopping mall，因為購物同美食都非常集中，價錢亦便宜，最重要當然係交通方便臨近地鐵站，因為曼谷交通非常繁忙，搭地鐵比較慳金錢同時間，例如：Central World、Central Embassy等等。

同樣曼谷亦有唔少熱門景點例如四面佛、曼谷大皇宮同玉佛寺；去開都記得要去拜下，祈求來年嘅好運氣都係唔錯嘅選擇。當然如果想一覽泰國風情，享受陽光與海灘就可以揀芭提雅或布吉，睇Show蒲吧都係泰國最出名的，可以好好休息，吹吹海風，價錢便宜，又可以享受四面環海，十分寫意！

窮遊推介：台灣

台灣一直都係香港人平價旅遊嘅首選，因為台灣距離近文化又相似，機票酒店平、消費豐儉由人、食物質素高而且台灣人熱情禮貌非常nice！台灣嘅購物點有西門，一個類似香港旺角嘅地方，購物非常全面嘅步行街，另外就係忠孝東路，潮牌店鋪雲林，更有D係香港無嘅專門店，例如：Stussy、周杰倫嘅自家牌子Phantaci；去開唔好錯過，難保你會遇見周杰倫！

另外小食掃街選擇非常多，夜市文化絕對係一大特色，小編首推饒河街夜市同寧夏夜市，呢兩個都係台北當地人經常去幫襯嘅夜市，價錢便宜食物質素高，反觀士林夜市就麻麻地，通常都係遊客居多，價錢雖然平但質素就不及其他啦。另外景點方面，九份同十份都唔錯，有當地特色芋圓賣，非常地道好味，仲可以點天燈。或者可以去貓山坐下纜車，台北101觀看台從高處包覽美景，都係不錯嘅選擇！

窮遊推介：中國

亞洲最優惠嘅價錢當然唔少得中國，「我一路向北離開有你的季節」連周杰倫都要唱一路向北，甘究竟中國咁大有什麼地方值得一去呢？

小編今次推薦大家四川！好多人普遍印象係四川相對落後，同埋只有辣野食，錯！大錯特錯！四川繁華程度好高，同埋川菜亦唔係主打辣。首先，香港直飛四川嘅機票好平，通常淡季單人來回1000蚊唔洗，酒店住宿一晚300蚊左右已經住得唔錯。

四川有個特色係香港無嘅，就係落雪，講起落雪就要同大家推薦下四川景點九寨溝；九寨溝裡面有大大小小過百個湖每一個湖嘅顏色都唔同，皆因水中富有礦物質所以顏色會有不同，再配埋雪山嘅景色，絕對不枉此行。

另外四川有出名嘅購物點太古里非常繁華，無論奢侈品或者運動品應有盡有，還有一個非常之大嘅KAWS雕像，可以去打打卡潮聖一下，另外特色嘅小食點係寬窄巷子，裡面包含好多特色食物，有辣有唔辣，例如三大炮，紅糖糍粑，黑糖涼粉等等，包保滋味十足！

窮遊推介：日本

雖然日本相對以上三個地方無咁便宜，但係淡季前往亦不算貴，所以同樣在窮遊射程範圍之內。首先日本嘅交通費尤其的士非常貴，所以盡量去有鐵路嘅地方，例如東京，大阪都有地鐵。

大阪為首選，因為東京相對來講消費比較貴，反觀大阪價錢就公道好多，同埋亦係旅遊熱點！去大阪不得不提嘅就係環球影城，一個大型主題遊樂場，類似於香港迪迪尼同Ocaen Park，入面無論玩買食都非常齊全，叫得「影城」又點少得電影嘅Crossplay呢？Transportmers、Minions；仲有小編最愛嘅One Piece ，如果大家同我一樣係狂熱fans記得要去啦！

吃貨熱點小編推薦心齋橋，類似台灣西門町嘅步行街，無論食同買乜都有，高中低檔樣樣齊，當中食拉麵係平價嘅不二選擇！景點方面，小編推薦九州動物園，因為香港地細租貴根本容納唔到大型嘅動物園，所以如果帶埋小朋友一家大細去都十分推薦。另外仲可以去天保山坐摩天輪，去中之島欣賞日本古跡建築。

終極窮遊攻略

選擇香港政府或者多個國家發出旅遊警示嘅地區，亦不失為冒險窮遊好時機，呢D情況唔係政治暴亂就係疫症重災區，個個唔敢去機票酒店肯定夠平夠晒抵，小編細膽唔敢又未必搵到人陪，但天生冒險家精神嘅人多的是，可以窮遊之餘又多一份刺激感，勇敢嘅朋友仔不坊留意新聞把握良機，隨時平過去澳門食葡撻！