【立冬進補食咩好？驅寒暖胃身體好】

【立冬進補食咩好？驅寒暖胃身體好】

立冬意味冬季開始，民間習俗上立冬係稻穗已收割結束嘅日子，立冬進補之所以重要，係因為辛勞工作左一年，要好好養一養身體，加上立冬後天氣忽冷忽熱容易病，所謂身體唔補好易冇，立冬進補靠食譜，雖然驅寒暖胃嘅食才材琳琅滿目，但始終有誤區，立冬進補要事半功倍，一定要補得聰明，否則容易弄巧成拙，愈補愈老套。

立冬進補前先要知己，了解自己嘅狀況，尤其係以藥膳進補，例如藥燉排骨、十全大補湯、羊肉爐等，屬於比較燥熱嘅食材，而入面嘅藥材亦未必適合每一個人，尤其係以下幾類人，應該以其他方式代替藥膳進補，或以藥膳進補前問問中醫師嘅意見。

1. 高血壓患者

藥膳中補氣成份容易令血壓上升，伴隨爆血管風險。

2. 腎臟功能較弱或腎病患者

由於蛋白質嘅攝取量對於腎病患者舉足輕重，藥膳進補食材一般含大量蛋白質，腎臟功能弱難以排放身體代謝蛋白質後嘅氮廢氣，堆積太多容易中毒。

3. 痛風症患者

痛風屬於富貴病，大魚大肉者患上痛風風險大，藥膳中高蛋白質食材含大量普林，會導致尿酸高居不下，尿酸飽和結昌會引起關節痛，所以藥膳進補唔適合痛風症或尿酸高患者。

4. 高血脂患者

以藥膳進補，補品中一般含大量肉類，脂肪同膽固醇嘅攝取容易過量，血脂高會伴隨心臟疾病、中風等風險，藥膳進補隨時愈補愈衰。

立冬進補靠藥膳，就算你身體健康，無咩長期病患都好，藥膳進補始終燥熱，盡量少飲藥膳湯，亦應該配搭蔬菜同菇類，一嚟有助中和藥膳中嘅中藥濃度，其次亦可以攝取膳食纖維，咁樣補先夠健康。

冬季係補腎嘅季節，肉類容易令腎臟負擔加劇，唔想大魚大肉，可以多啲食黑色食材，如黑豆、木耳、紫菜、黑葡萄等，中醫角度有將唔同顏色嘅食物歸屬人體五臟，黑色食物入腎，立冬進補必選。

立冬進補除左靠食材外，生活習慣亦非常重要，立冬進補針對養腎，最重要係有充足睡眠，避免捱更抵夜，保護陽氣多啲曬太陽之餘要注重背部保暖，其次最好減少房事，節慾保精，飲食方面，應減少食用高脂肉類如牛肉，豬肉，另外好似海鮮呢類寒性高嘅食材應該減少食用，食療上應多以黑色食物為主，如黑芝麻粥、紫菜湯等，有助補益肝腎、滋陰補陽。

「網上有好多養生達人提供嘅食譜同影片，大家可以同佢地偷下師！」

　新推出　

1. 高血壓患者

2. 腎臟功能較弱或腎病患者

3. 痛風症患者

4. 高血脂患者

訂購到會服務熱門問題【不斷更新】

未來肉與植物肉【素食外賣必選】

食物營養金字塔指南【健康養生必睇】

【健康到會食物點樣揀好？】

【植物奶好處你要知】推薦5款熱門植物奶

24節氣養生法如何練成？【一文讀懂廿四節氣表與飲食指南】

登入

註冊