竹篙灣檢疫中心隔離錦囊【入營5大清單你要知】

竹篙灣檢疫中心 【隔離錦囊-入營5大清單你要知】

竹篙灣檢疫中心 【隔離錦囊-入營5大清單你要知】

唔好彩要入糟糕灣隔離營點搞?新冠疫情持續困擾香港,如不幸懷疑中招或者係確診人士嘅密切接觸者,都有機會被要求去竹篙灣檢疫中心隔離嘅朋友,入去之前需要準備啲咩呢?檢疫中心口中係會提供基本日用品同食物,雖然可以叫親朋好友補給物資﹐但話晒都係疫區,唔通空投咩?唔想親友冒險,靠自己做足準備功夫,竹篙灣隔離營入住錦囊,5大清單助你防範於未然,首要知道隔離嘅房間唔大,帶一個大喼都好頂榜,入面嘅嘢要至少夠頂14日,所以呢篇錦囊唔止要睇,仲要儲存起嚟。

安排去竹篙灣檢疫中心接受隔離,將要面對14或21日隔離期,所以先了解一下糟糕灣隔離營嘅情況先,知己知彼,隔離營位於大嶼山,視乎情況會叫你過一兩日去,或者即刻去,俾少少時間你執嘢,視乎隔離營嘅容人之量,所以準備定一個吉喼或者走佬袋,最短時間執最多嘅物資,衛生署會派人Full Gear上門護送你入營,多數坐16座旅遊巴,好有跟團Feel,一個可能係最糟糕嘅Staycation!

竹篙灣檢疫中心 檢疫錦囊1. 衣物篇

竹篙灣檢疫中心 | 預備好便服、即棄內衣褲、睡衣及拖鞋等等 | 隔離懶人包

糟糕灣隔離營係冇洗衣機提供,但有洗衣粉,歌都有得唱,「若件衫就臭,就用一對手」,反樸歸真用手洗,所以建議你可以咁安排。

盡量隔離營著過嘅衫褲,都唔好帶返出嚟,帶即棄內衣褲,純粹係懶得日日洗衫,免卻麻煩。

  1. 入營及出營便服各一套(衫褲鞋襪)
  2. 即棄內衣褲
  3. 睡衣(舒服舊衫,著完丟)
  4. 拖鞋兩對(室內用及室外用)

竹篙灣隔離營 檢疫錦囊2. 食物篇

預備罐頭、即沖飲料、杯麵、零食、洗潔精、百潔布等等 | 竹篙灣隔離物資清單

隔離營有膳食提供,但係好唔好食、飽唔飽相信你唔好抱有太大期望,所以建議食物方面,自備多少少乾糧如即食麵、罐頭、零食等等,口痕又好或者食唔飽都好,至少唔駛捱餓,同埋糟糕灣檢疫中心係冇雪櫃,要冷藏嘅嘢就唔好帶,餐具可以帶少量即棄餐具有備無患!

  1. 罐頭類一定要帶,至於咩罐頭睇你愛好,不過最好買定,突發通知你入營你未必帶時間買。記得帶埋罐頭刀
  2. 即沖飲品如咖啡、阿華田、朱古力等
  3. 公仔麵、杯麵
  4. 即沖湯包,如獨立包裝味噌湯
  5. 零食,不過薯片可免則免,太佔空間
  6. 調味料,如飯盒唔夠味就自己盡人事
  7. 洗潔精、百潔布

竹篙灣隔離營 檢疫錦囊3. 個人用品篇

竹篙灣檢疫中心 | 預備好洗頭水、沐浴露、洗面奶、剃鬚刀、棉花棒、紙巾等個人用品 | 隔離懶人包

個人用品一般跟以下清單執,當然每個人生活習慣都唔一樣,檢疫期間建議你以下清單作為基礎,多除少補。

  1. 沖涼用品如沐浴露、洗頭水、護髮素
  2. 洗手液
  3. 牙膏、牙刷、牙簽、牙線
  4. 毛巾
  5. 護膚品
  6. 潔淨用品如洗面奶、剃鬍
  7. 鬚刨
  8. 風筒
  9. 指甲鉗
  10. 棉花棒
  11. 紙巾
  12. 防疫用品如搓手液、酒精濕紙巾、口罩
  13. 蚊怕水、電蚊香
  14. 常用藥物
  15. 膠袋

竹篙灣隔離營 檢疫錦囊4. 床上用品篇

預備床單、被鋪、枕頭套、耳塞、眼罩等等 | 竹篙灣隔離物資清單

糟糕灣隔離營嘅枕頭一定唔會係蓆夢思或者海馬咁高級,如果擔心難以入睡的話就帶埋枕頭去,不過最好入真空袋否則太佔用空間,另外要帶床單、被鋪、枕頭套,雖然所有用過嘅都會消毒,但自己帶去就心安理得啲囉,有需要帶埋耳塞、眼罩,話晒Staycation,點都要舒服啲嘅!

竹篙灣隔離營 檢疫錦囊5. 電子用品篇

竹篙灣檢疫中心 | 預備好電熱水煲、平版電腦、充電線、萬能插頭、拖把等電子用品 | 隔離懶人包

竹篙灣隔離營上網係冇WiFi提供,所以你如果無限流量上網都冇咩所謂,入去住又點少得睇片打機打發時間呢?如果擔心上網問題可以選擇以下方案

  1. 買數據儲值卡
  2. 向電訊服務商申請提高上網流量,好多都會因為用戶需要到隔離營強制隔離免費提高流量,但要問清楚你嘅電訊商。

另外,仲冇其他電子用品要帶,呢度會由最重要嘅開始,因為去到呢度,你個喼或者走佬袋應該冇咩位置,邊樣重要執邊樣。

  1. 電熱水煲(隔離營個水煲萬幾人用過)
  2. 電腦/平板
  3. 充電線
  4. 萬用插頭
  5. 拖把
  6. HDMI連接線(隔離營冇咩台揀)

「除咗要預備好一切物資,同時都要調整好心態,保持樂觀,咁樣先可以打贏呢場疫症!」

當然消磨時間嘅娛樂用品如書籍、遊戲機等,帶到去就帶埋,14日嘅檢疫中心隔離營日子唔容易過,所以響疫情咁嚴重嘅時間,應該減少社交活動,盡量少去多人嘅地方,以免成為確診者嘅密切接觸者,Kama Delivery嘅貨架上嘅小型到會外賣套餐Family SetMini Party Set非常適合3-4人家庭,而家地面交收仲免運費添,邊個話到會一定要一大班人先食得?希望大家都強身健體避免入糟糕灣呢個鬼地方!歡迎瀏覽Kama Delivery網站或者WhatsApp我地查詢訂購詳情。

聯絡我們

WhatsApp 查詢/訂購熱線:5188 0757 / 6599 9941

Email:[email protected]amadelivery.com

追蹤我們

FacebookInstagramYoutube

延伸閱讀

訂購到會服務熱門問題【不斷更新】

未來肉與植物肉 【素食外賣必選】

食物營養金字塔指南 【健康養生必睇】

【健康到會食物點樣揀好?】

【感冒分別】傷風感冒 VS 流行性感冒

部份圖片出處

https://www.pexels.com

https://www.unsplash.com

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。