【糖尿病代糖推薦】3款天然甜味劑

日常生活中一定會用到既調味料，除左鹽之外，糖亦都係非常容易用到既，但係市面上出現多種唔同既糖既產品，例如精製糖（英：Refined Sugar，或精緻糖，或人工甜味劑），即係我地從細就接觸到既糖，白糖，黃糖，冰糖等，而家有一D產品叫做代糖，亦叫天然甜味劑（英：Sweeteners），或叫糖替代品（英：Sugar Substitute），除咗糖尿病患者外，想追求健康飲食、減肥纖體、甚至生酮飲食者，都要學識代糖種類呀！

咩係精製糖？精製糖指非食物本身既天然糖分，而係以加工方式精製過的既加工糖，一般經過精鍊、過濾、濃縮同結晶等而形成既加糖，因精製條件或程度唔同，會分做冰糖、砂糖、黑糖、紅糖等普遍常見既糖。冰糖既蔗糖含量最高，接近100%，砂糖就差不唔多有99.6%以上，黑糖既顏色因為精緻度較低而比較深，加上蔗糖含量亦比較低，保有較多礦物質同有機物。

咩叫天然甜味劑？即係代表呢種代糖可能由草本植物本身衍生出來。今日Kama同大家研究一下以下3款最常聽到既天然甜味劑，而且非常適合糖尿病患者使用嘅代糖！

羅漢果代糖係由羅漢果汁液提煉出黎既，而當中既甜味係來自當中既羅漢果苷既抗氧化劑，再透過加工程序將羅漢果苷同羅漢果汁中入面既果糖及葡萄糖分隔開，所以提煉出黎既羅漢果糖製成品係唔會含果糖或葡萄糖。而且，羅漢果代用糖既甜度係蔗糖既100至250倍，但由於不含果糖或葡萄糖成分，所以算係零熱量，唔會被人體吸收同消化，唔影響血糖水平，適合患有糖尿病既人用羅漢果代糖。但要小心選擇，因為市面上有D羅漢果糖會加入其他類既代糖去平衡甜度，所以購買既時候望望成份係咪100%純羅漢果糖呀。

最近甜菊糖成日都出現係電視廣告，其實甜菊糖原產地源於南美洲，作為藥草同代糖，後來70年代開始係日本出售。甜菊代糖係來自甜葉菊，甜度係蔗糖既200至300倍，但亦會有少少苦澀味道。同羅漢果糖一樣唔會被人體吸收，所以亦唔會產生熱量，由於屬於天然代糖，亦係非常適合糖尿病既人推薦食用。市面上好多都唔係100%天然製造，而是經高度精煉而提取出黎，製造過程中經過提取及加工，所以買既時候要小心謹慎D。

日本研發出一種由無花果、小麥、粟米同大樹菠蘿等食物當中提取出極少量既糖，自然界既糖，有90％葡萄糖，9％果糖及蔗糖，而「稀少糖」只有得1％，加上要用生物科技技術去發酵及轉化。稀少糖既味道同平時既白砂糖差唔多，甜度係蔗糖既70%，但一樣都係近乎0熱量，屬健康之選，更可以阻擋葡萄糖吸收，升糖指數都好低，對血糖波幅亦比較小，所以好推薦糖尿病既人食用。

延伸閱讀

部份圖片出處｜Unsplash

＊未經許可，以上文章不得轉載或引用＊