【結婚記念日】24種叫法及意義

結婚記念日 | 24種叫法及意義 | 從1週年到60週年的稱呼

結婚記念日 【24種叫法及意義】

大家對於結婚週年紀念日既稱呼同意義,又識幾多個?每個國家都有少少唔同既叫法,已婚嘅你又多個藉口同另一半慶祝一下,未婚嘅就好好做定準備;小編今次同大家總結結婚週年既稱呼同意義,順便介紹埋應該要送咩寶石或禮物會最適合呢?

結婚記念日 – 從1週年到60週年的稱呼

結婚1週年

結婚記念日 | 1週年稱為紙婚 | Paper Wedding

叫紙婚(英:Paper Wedding),因為最初結合時既感情比較薄如一張紙張,容易一撕就破,所以要特別小心保護。第一年想送特別禮物,又有記念性既,可以送托帕石(Topaz), 象徵和平友情同幸福,新婚一週年紀念禮物就最適合不過。

結婚2週年

結婚記念日 | 2週年稱為棉婚或布婚 | Cotton or Calico Wedding

叫棉婚(英:Cotton Wedding)或 布婚 (英:Calico Wedding),棉紙比起紙張比較厚少少,第2年婚姻稍微厚實少少,但仍須磨合同經歷。可以送石榴石(Garnet),顏色選擇豐富,梗有一款適合另一半。

結婚3週年

結婚記念日 | 3週年稱為皮革婚 | Leather Wedding

叫皮革婚(英:Leather Wedding),皮革會有韌性,第3年既婚姻關係開始因為慢慢有經歷同磨合而變到堅實同有韌性。禮物最好就係送皮革既產品,例如銀包,袋,或DIY皮革物件呢類耐用品。

結婚4週年

結婚記念日 | 4週年稱為絲綢與亞麻或花果婚 | Silk & Linen / Fruit & Flowers Wedding

叫絲綢與亞麻(英:Silk & Linen)或 花果婚 (英:Fruit & Flowers Wedding),經歷左幾年,開始相處得更好,兩個人結合到一齊,有花有果、酸甜苦辣。可以考慮送歐泊石(OPAL), 大部分來自澳洲嘅歐帕石, 象徵擁有美好嘅未來。

結婚5週年

結婚記念日 | 5週年稱為木婚 | Wood Wedding

叫木婚(英:Wood Wedding),代表婚姻好似木咁開始變得更堅硬,情比金堅。5周年應該送木變石(別稱:虎眼石)。

結婚6週年

結婚記念日 | 6週年稱為糖果婚或鐵婚 | Candy or Iron Wedding

叫糖果婚(英:Candy Wedding)或 鐵婚 (英:Iron Wedding),2人關係像好似鐵咁一樣穩固,而且生活似蜜糖一樣咁甜甜蜜蜜。到時候可以考慮送碧璽作為紀念禮物。

結婚7週年

結婚記念日 | 7週年稱為銅婚 | Copper Wedding

叫銅婚(英:Copper Wedding),2人感情比起鐵更加唔會生鏽,亦會更加彌堅。建議送玫瑰K金既飾物。

結婚8週年

結婚記念日 | 8週年稱為陶婚 | Pottery Wedding

叫陶婚(英:Pottery Wedding),就好似陶瓷咁靚,但又好易碎,所以要小心守護,尤其經歷過7年之癢之後。可以送陶瓷既小擺設。

結婚9週年

結婚記念日 | 9週年稱為柳婚 | Willow Wedding

叫柳婚(英:Willow Wedding),感情會似柳樹咁任由風吹雨打,都會搖擺不折,正宗打風都吹唔甩嘅愛情。亦有國家稱第9年係陶婚,所以都可以送陶瓷既制製成品。

結婚10週年

結婚記念日 | 10週年稱為錫婚 | Tin Wedding

叫錫婚(英:Tin Wedding),邁入第10年,感情已經似錫器咁堅固,而且不容易打破。可以考慮送銀制餐具套裝。

結婚11週年

結婚記念日 | 11週年稱為鋼婚 | Steel Wedding

叫鋼婚(英:Steel Wedding),意思係如同鋼鐵一樣堅硬,又唔會生鏽,可以考慮送綱制既手飾。

結婚12週年

結婚記念日 | 12週年稱為鏈婚 | Linen Wedding

叫鏈婚(英:Linen Wedding),就好似鐵鏈交織,代表夫妻既2顆心會心心相扣,可以送心型手鏈。

結婚13週年

結婚13週年稱為花邊婚 | Lace Wedding

叫花邊婚(英:Lace Wedding),生活可能因為家庭關係而變到多采多姿,或出現有趣既事物。可以送特別既花邊飾品。

結婚14週年

結婚14週年稱為象牙婚 | Ivory Wedding

叫象牙婚(英:Ivory Wedding),同象牙咁樣時間越耐,色澤會隨時間變到光亮而美麗,2人共同努力,互相磨合,變得更好。可以送瑪瑙。

結婚15週年

結婚15週年稱為水晶婚 | Crystal Wedding

叫水晶婚(英:Crystal Wedding),似水晶透徹,而且經過多年既沈澱,令到水晶獨一無二,好似2人感情一樣。呢一年,可以選擇送水晶。

結婚20週年

結婚20週年稱為瓷婚 | China Wedding

叫瓷婚(英:China Wedding),同瓷器咁表面光滑無瑕,亦需要小心呵護。可以送陶瓷擺設。

 

結婚25週年

結婚25週年稱為銀婚 | Silver Wedding

叫銀婚(英:Silver Wedding),經歷左25年起跌,就好似銀咁具有恆久價值,值得慶祝,係被視為婚後第一大典。銀製品非常適合。

結婚30週年

結婚30週年稱為珍珠婚 | Pearl Wedding

叫珍珠婚(英:Pearls Wedding),相處上就好似珍珠一樣渾圓,感情亦昇華左,變得珍貴。所以建議送珍珠作記念禮物。

結婚35週年

結婚35週年稱為珊瑚婚 | Coral Wedding

叫珊瑚婚(英:Coral Wedding),35年既婚姻,2人共同經營出眾而且非常珍貴。可以送有珊瑚成分既禮物,又或者送玉,因為亦叫碧玉婚(英:Jade Wedding)。

結婚40週年

結婚40週年稱為紅寶石婚 | Ruby Wedding

叫紅寶石婚(英:Ruby Wedding),像紅寶石一樣咁名貴,同永恆,當然係送紅寶石作40週年禮物。

結婚45週年

結婚45週年稱為藍寶石婚 | Sapphire Wedding

叫藍寶石婚(英:Sapphire Wedding),像藍寶石燦爛,值得珍惜,所以送藍寶石最適合不過。

結婚50週年

結婚50週年稱為金婚 | Golden Wedding

叫金婚(英:Golden Wedding),婚後既第二大慶典,比喻夫妻感情如同黃金一樣咁堅固,歷久彌新,所以不妨考慮送黃金類既產品。

結婚55週年

結婚55週年稱為綠寶石婚 | Emerald Wedding

叫綠寶石(英:Emerald Wedding),代表感情堅定而不動搖,同翡翠同綠寶石咁難求,可以送翡翠,或者祖母綠等飾物。

結婚60週年

結婚60週年稱為鑽石婚 | Diamond Wedding

叫鑽石婚(英:Diamond Wedding),夫妻一生之中最大既結婚慶典,因為2人互相扶持,互相愛護60年,所以屬於世間珍奇罕見,而且今生無悔。當然要送上鑽石,以此代表堅硬無比既感情。

以上都係一種結婚週年既意義,但真正意義,每人都有唔同意思,當然係好好同另一半慶祝結婚週年紀念日先最緊要。大家未諗到點慶祝,唔緊要,可以考慮係Kama Delivery叫返個2人浪漫套餐,留係屋企慶祝紀念日,只要兩個人繼續在一起,簡簡單單都可以好開心!

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀

【飲品到會重新定義】

【高質外賣推薦】 二人世界到會套餐 慶祝紀念、生日飯必睇

【高級到會推介】讓你自訂獨一無二嘅外賣餐單

3月14日白色情人節 【2022求生攻略】

【人夫必讀】5個慶祝結婚紀念日嘅方法

部份圖片出處

https://www.pexels.com

https://www.unsplash.com

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。