【結婚開支表2023】慎防婚後赤字

【結婚開支表2023】慎防婚後赤字

結婚係人生大事，婚前預備以結婚開支表制訂結婚預算可以有效慎防結婚開支洗突出現婚後赤字，甚至出現借貸需要，結婚開支超出預期主要因為缺乏經驗，畢竟人生大事正常都係經歷一次吧，準新人容易忽略好多唔太起眼嘅開支，但當呢啲開支加起嚟隨時令人措手不及，所以結婚開支表對於控制結婚開支好重要，咁結婚開支表上有咩項目？戒指鑽飾、酒席開支、蜜月旅行、化妝禮服、攝影等，以上開支必須出現響結婚開支表上，仲有咩呢？

根據「香港婚嫁市場調查」的報告指出，2021年每對新人結婚費用平均用超過$350,000，當然佔最多嘅係酒席，其次結婚相關首飾，如結婚戒指、求婚鑽戒、頸鏈耳環等飾物，兩者佔整個結婚開支近70%，相信因為隔離防疫政策，好多新人放棄左蜜月旅行、海外婚照，又或者將蜜月旅行預算用於婚禮同鑽飾上，隨住愈來愈多國家對港人解除旅遊隔離令，結婚開支表2023中蜜月旅行開支，絕對有機會破蛋。

以上結婚開支表雖然唔能夠包攬所有內容，始終某些喜好習俗因人而異，但已經可以有效控制結婚所需開支，你可在項目中自己調整，重要項目加大預算，必要性低嘅選擇價錢較相宜的替代品，響制訂以上預算表嘅時候，仲有啲小技巧同大家分享一下，有助減輕某細項目嘅開支。

坊間有好多喜帖造型獨特，花巧設計叫人一看難忘，但相對印刷費用高，人哋結婚嘅喜帖基本上冇咩人會留為紀念，難聽啲講最後都係去左堆田區，值唔值得花錢響印喜帖上準新人要考慮清楚。

婚禮好多地方如攝影、化妝都需要專業人士，但婚禮司儀有冇必要由專業人士負責呢？專業婚禮司儀收費動輒由幾千甚至數萬不等，兄弟姊妹中應該不乏能言善道之人，對新娘新郎了解更深，好多婚禮MC都係由朋友閨密代勞，氣氛亦一樣和諧愉悅，互動性仲更加強添。

代步方面，除左新人坐果架花車可以考慮租架靚啲嘅車之外，其他包括工作人員、兄弟姊妹坐嘅車最好租小型旅遊巴，一次租一日，又或者係兄弟姊妹自己嘅車，始終主角都係一對新人。

如果打算蜜月旅行，及早決定旅行地點，響該國外幣跌嘅時候分階段吸納，外幣可升可跌，比起到出發前先一次過兌換，可能同一個預算換到更多外幣，花費開支少左，享受更多。