聖誕派對 | 搞手必備【完美聖誕Party 5項要點】

【聖誕party搞手必備】輕鬆成為party達人5大tips

聖誕節就嚟到，大家都開始磨拳擦掌籌備聖誕派對同聚會，喺呢個普世歡騰嘅節日，當然要玩得開開心心，咁就辛苦一班籌備聖誕Party嘅搞手們，無條件嘅付出只為大家過一個盡善盡美嘅聖誕節，所謂工欲善其事，必先利其器，作為一個搞手有好多嘢要兼顧，希望依篇文章可以分擔各位搞手嘅壓力，Kama Delivery手把手助你由零開始去搞好一個完美嘅聖誕Party！

Party tips 1：有凝聚力嘅Party場地

第一項一定係場地，一個聖誕派對響邊度開好緊要，關乎氣氛同場地大細，如果選擇酒吧、K房，往往凝聚力唔夠，K房太多枱櫈太窄，基本上分開玩，酒吧比K房活動空間更細，唔係咁適合派對聚會，而且飲酒避無可避，可能開左半個鐘未入正題已經飲醉咗，咁你日日都可以飲醉酒，聖誕飲醉又好似太浪費，所以選址第一要有足夠活動空間，一班朋友係可以全體一齊玩先有凝聚力，先會有氣氛，人比較多可以揀Party Room、會所，人少可以選擇酒店Staycation或者屋企，唔好揀飲酒氣氛濃厚嘅地方係因為聖誕派對除左飲酒外，仲有好多其他環節。

Party tips 2：掌制大局嘅聖誕party主持人

聖誕派對嘅主持人唔係要拿住個Mic帶動氣氛果隻，係需要帶領整個聖誕派對流程，要有一定嘅秩序，唔同人有唔同意見，主持人必須帶住大家跟流程，該玩時玩、該食時食，最好由聖誕派對搞手或朋友中比較有影響力嘅人擔當，例如玩遊戲遵守規則、願玩服輸等都需要主持人控制大局，否則好易俾呢一小撮人破壞氣氛。

Party tips 3：聖誕派對交換禮物活動＋最伏禮物選舉

聖誕Party最知名嘅活動一定係交換禮物，呢個活動源於耶穌用佢嘅富足換取人間貧苦，所以就有聖誕節交換禮物嘅環節。時至今日，已經變成鬥伏比賽，平時一堆無咩用嘅廢物，突然喺聖誕節發出耀眼光芒，或者會突然發現原來身邊果個朋友可以咁有創意準備聖誕禮物比自己。有見及此，而家好多聖誕派對都會票選最伏禮物，被選中嘅至伏大魔王就要接受大懲罰，飲魔王特飲😈、打下腳板底等。不過小編試過將屋企搵到嘅廢物，換返件更伏嘅廢物，好似係調味粉換咗包泥返屋企。😂不過！聖誕交換禮物預咗㗎啦！

▶︎ 順便睇埋：【2022聖誕交換禮物】Party實用同地獄伏味禮物攻略！

Party tips 4：好玩嘅遊戲懲罰

聖誕派對遊戲坊間有好多，呢度就唔詳細講，古語有云，睇人「街街」最開心，你愈「街街」，我愈詼諧，玩遊戲本身冇咩好睇，睇懲罰先係最正最療癒，主持人亦必須有能力令輸家願玩服輸，咁先至有意義，所以呢度唔講玩咩遊戲，我哋齋講懲罰。😈

遊戲懲罰推介一. 輸家聖誕魔王特飲

聖誕特飲嘅調配方式不明，因為隨住唔同嘅人就有唔同調法，但唯一相同嘅係一定唔好飲，美食要色香味俱全，聖誕特飲就要苦酸臭齊全，手頭上有啲咩隨手酌量倒少少，點配全憑創意，飲幾多全憑誠意。

遊戲懲罰推介二. 白色聖誕的洗禮

輸家必須接受面粉、刮鬍泡、甚至雪糕嘅洗禮，名乎其實過一個白色聖誕，至於洗禮嘅方式視乎教養多過信仰，有啲隨手抆下、有啲兜頭淋、有啲全體進攻，不過聖誕Party最重要開心，不過適可而止，否則影響氣氛就大家唔開心啦～

遊戲懲罰推介三. 聖誕改善計劃

聖誕亦臨近年終，輸家必須於下一年聖誕前改善自己，改善五個公認嘅缺點，諗多個終極大懲罰比自己，並拍底承諾改善短片，出Post開心些牙俾N個好友，3個月後驗收，做唔到將接受終極大懲罰，小編祝大新一年可以洗心革面，重新做人，有意義又幫到人～

遊戲懲罰推介四. 聖誕音樂會

呢個非常適合唔識樂器嘅人，輸家必須揹個結他去到街頭自彈自唱聖誕歌，唔係，係亂彈亂唱，尷尬程度有如聖誕老人卡響煙囪唔上唔落仲要同人打招呼，因為途人聽慣正常Busking，突然呢啲出格表演會好側目，不過唔洗怕羞，大家都心知肚明依個傻仔一定係玩遊戲輸咗，大家都會好g持你嘅。

Party tips 5：聖誕派對美食

玩咗咁多game，大家都肚餓啦，緊係放下仇恨坐埋嚟一齊食大餐啦！聖誕party搞手最驚就係安排伙食，一陣呢個唔食辣，果個唔食炸嘢，聖誕party照顧班麻煩嘅朋友真係好頭痛！Kama Delivery嘅聖誕餐幫你諗好咗唔貼嘅可能性，簡單撳將幾下即刻落好單！到會送貨服務仲覆蓋全港各區，基本上車去到都送，但太偏遠嘅可以直接聯絡我地商議，包你輕鬆安排好聖誕派對美食。

▶︎ 順便睇埋：【聖誕節到會推薦2022】Christmas森友嘆番餐

　新推出　

Party tips 1：有凝聚力嘅Party場地

Party tips 2：掌制大局嘅聖誕party主持人

訂購到會服務熱門問題【不斷更新】

【高級到會推介】讓你自訂獨一無二嘅外賣餐單

聖誕節到會外賣2023 【預訂教學篇】

【拜拜2022】開Party聖誕禮物攻略 交換禮物推介清單

【聖誕節食咩好？】 5款聖誕傳統食物推薦

Party Room到會推介2023【全港免運費優惠】

登入

註冊

【拜拜2022】開Party聖誕禮物攻略　交換禮物推介清單