聖誕交換禮物【貼地實用禮物$100/$200/$300蚊大集合】

聖誕交換禮物【貼地實用禮物$100/$200/$300蚊預算】

之前小編嘅【2022聖誕交換禮物攻略】點閱率十分理想，所以決定再接再厲💪，同大家分享一下聖誕節禮物推介。適逢聖誕節將至，2022年嘅最後一份禮物唔知大家準備成點呢？送同事、送朋友、送閏蜜、送戀人、送屋企人，參加聖誕Party交換禮物份份都唔同，一時間要諗送咁多禮物，當然要分Budget啦，好多時$100/$200/$300蚊都係聖誕禮物熱門選擇，平價一樣可以實用貼地嘅禮物，既然係2022年最後一份禮物，更加應該認真挑選，馬虎不得🤡。小編就為大家整理出8份貼地實用聖誕禮物參考一下🤓，去馬～

聖誕交換禮物 – $100蚊禮物推介

1. 潤唇膏

冬季天氣乾燥寒涼，男女老少都需要滋潤一下，潤唇膏絕對係大眾化之選，百元以下交換聖誕禮物必備，每年聖誕各大牌子都會陸續推出聖誕限定潤唇膏，有散買亦有套裝，有平有貴，大把選擇，立即click入黎睇下最新秋冬潤唇膏！

2. 見樽飲水！超大容量水樽

迎接聖誕亦象征冬天嘅來臨，冬天又凍又乾燥，記得提朋友仔飲多啲水啦！如果送一個普通玻璃杯，朋友收到一定嬲到震。但係如果隻杯有哂飲水提示，容量又大，其實100幾蚊絕對又實用又不錯，仲可以鼓勵埋朋友飲多啲水，人都健康啲呀～

3. 掛耳式咖啡套裝

前兩年受肺炎疫情影響，好多人都WFH，但今年疫情開始穩定落嚟，大家又要返返公司坐定定工作，呢份禮物實用程度100分，買個精美咖啡比朋友返工飲，每日都可以有個醒神Working Day，雖然收到呢份禮物未必會好有驚喜，但總好過一啲最終投閑置散嘅無聊擺設或公仔，絕對夠晒實用貼地☕️。

交換聖誕禮物 – $200蚊禮物推介

4. 自製DIY零食

用$200去超市零食店執袋零食，再張佢哋痴埋砌成一個背囊，咩上身一大袋十足聖誕老人一樣，薯片、朱古力、糖、杯麵、百力滋全部都啱，除咗咩上身開心，仲可以即時打開禮物同大家開心share，立即DIY零食背囊啦🤣🤣。

5.手機殼

iPhone 14已經出左，但都有唔少人選擇唔換手機住，呢個時候一個得意嘅手機殼可以提供更多嘅”新鮮感”，幫手機換下衫仔，聖誕圖案類型手機殼$200蚊以上下大把選擇。聖誕樹公仔、聖誕老人公仔、或者係著住聖誕衫嘅卡通人物🤩🤩🤩，如果你嘅朋友仔/戀人係鐘意某些卡通人物，就可以向呢方面入手啦，立即Click下有咩最潮最新手機殻😉🤫🤫🤫。

6.香薰

香薰有獨特嘅香氣令人感到舒服放鬆，尤其是臨近年尾，相信個個人嘅工作壓力都比較大，追數趕deadline，努力獲取更多嘅年度花紅，香薰就顯得係一份不可多得嘅禮物。現時已經有好多聖誕套裝嘅香薰推出，$200蚊以下相信都有唔少選擇，不單止香氣四溢，包裝也非常精美，價錢亦比較便宜，熱門交換禮物之選，機會來啦飛雲😆。

交換聖誕禮物 – $300蚊禮物推介

7. 聖誕日曆禮盒/倒數禮盒

呢個係近年比較Hit嘅一種禮盒，係12月頭送去，每一個格仔代表每一日嘅禮物，足足有成三十份禮物，依加每年年尾各大品牌爭相仿效，用$300蚊Budget一樣搵到！！並且玩味十足，令收到嘅人每一日都會帶住喜悅期待嘅心情。當然亦可以加入一D新意，例如每一日答岩一條問題先可以拆當日嘅禮物😏😏😏，但不適用於送女朋友時😱，各位自行決定啦😎～

8.聖誕大餐

聖誕禮物從來都不局限於形勢或者物件，為心愛嘅戀人，家人，好朋友，準備一餐無比豐厚嘅聖誕大餐係非常浪漫嘅一件事，情侶之間可以準備燭光晚餐加上鮮花襯托🤩感情瞬間急速升溫，當然如果自己嘅廚藝唔過關嘅，不妨考慮一下聖誕節到會食物😝😝 。我哋Kama Delivery菜色選擇包羅萬有，廚房團隊用心製作，現已推出聖誕套餐，滿滿聖誕氣氛之餘仲可以根據人數調整份量，岩晒想過聖誕嘅你地。建議大家盡早預訂查詢，隨時Full Order 😭😭😭。不過大家都可以做定功課先，睇一睇小編之前為大家預備嘅【聖誕到會預訂教學】🤭。

　新推出　

聖誕交換禮物 – $100蚊禮物推介

交換聖誕禮物 – $200蚊禮物推介

交換聖誕禮物 – $300蚊禮物推介

訂購到會服務熱門問題【不斷更新】

聖誕節到會外賣2023 【預訂教學篇】

冬至到會推介2023【暖笠笠過冬】

【聖誕派對搞手必備】完美聖誕Party 5項要點

【拜拜2022】開Party聖誕禮物攻略 交換禮物推介清單

Party Room到會推介2023【全港免運費優惠】

登入

註冊

【拜拜2022】開Party聖誕禮物攻略　交換禮物推介清單