聖誕節好去處2022 【親子情侶活動必讀】

2022聖誕節好去處 – 親子情侶活動必讀

不知不覺就來到今年嘅「重頭戲」—聖誕節。雖然肺炎疫情仍然持續，大家又會點樣安排聖誕節活動？開心嘅係2022終於可以出國旅行啦！喺日本韓國享受雪花紛飛又浪漫嘅白色聖誕，或者喺泰國感受熱辣辣嘅聖誕😂；不過冇得去旅行留喺香港嘅大家又唔洗灰心嘅，喺香港一樣可以同最親的人過得歡欣自在，安排好豐富節目行程比小朋友、情人未？未嘅不妨參考小編以下嘅精選推介：

鍾意迪士尼同彼思人氣動畫嘅大家注意啦！11月16日起，《怪獸公司》嘅毛毛及阿拱、《反斗奇兵》嘅勞蘇、阿得與賓尼同獨角獸牛油仔、《玩轉腦朋友》乒乓，以及《熊抱青春記》由美玲變身嘅巨型小熊貓嚟到旺角朗豪坊 Fluffy Festival！今個聖誕佢哋化身成大大粒毛毛球，砌成夢幻6米巨型毛毛球聖誕樹，一反傳統嘅毛毛聖誕節充滿玩味感！同場仲有300款迪士尼系列新產品嘅期間限定店，獨家發售產品唔好錯過啦！

🔼 朗豪坊 🔼

📆 日期：11月16日 – 明年1月1日

細過成日幻想如果有日可以寫信比聖誕老人就好啦～香港ifc商場於2022年11月23日至2023年1月2日期間，將與舉世聞名的官方聖誕老人村攜手呈獻首個亞洲「Santa Claus Village聖誕老人村」聖誕裝置，重塑芬蘭聖誕老人村、聖誕老人辦公室及聖誕老人郵政局。訪客仲可以參與聖誕老婆婆烘焙店同聖誕精靈工作坊，就好似置身北歐感受童話色彩濃厚嘅芬蘭聖誕氣氛咁，實現童年夢想！

🔼 國際金融中心 🔼

📆 日期：11月23日 – 明年1月2日

今年K11 Musea準備咗一系列聖誕主題活動同工作坊，除咗有令人期特嘅金光聖誕樹同旋轉木馬打卡，仲有多個哈里小屋薑餅屋同聖誕曲奇烘焙工作坊、水晶泥創意體驗、品酒工作坊等等。最特別嘅係首個維港文化匯戶外溜冰場於12月14日揭幕，一邊享受滑冰，一邊欣賞維多利亞港景色，相信一定係最特別嘅聖誕體驗！

🔼 尖沙咀K11 🔼

📆 日期：11月4日 – 明年1月2日

商場中庭化身為極地冰川世界，小朋友更可以穿上企鵝裝，勇闖8米長冰川滑梯同體驗冰上滑行。聖誕冰川樂園仲有改造回收膠樽工作坊，比小朋友發揮創意又可以學識實行環保，好有意義！

🔼 荃新天地 🔼

📆 日期：11月25日 – 明年1月2日

於2022年11月23日至2023年1月2日期間，時代廣場地面露天廣場將舉行Xmas Spa with Serrini & Botanic Union《It’s Relaxing Time》綠色療癒聖誕企劃，Serrini帶埋「Tree Baby」，以多感官藝術裝置，為大家準備一場療癒身心嘅森林音樂Spa。時代廣場5樓更出現「真美的房間」，大家可於多重感官結合音樂與藝術嘅互動空間體驗尋找自我嘅旅程。12月10日、12月11日、12月17日、12月18日及 12月23日，梁總理更親臨5樓「真美的房間」進行五場「真美的音樂會SPA」，屆時Serrini將為35位觀眾帶來一個半小時的近距離放鬆音樂療程，而門票將於11月18日早上11時起於MOOVShop.com 獨家預訂。

🔼 時代廣場 🔼

📆 日期：11月23日 – 明年1月2日

延伸閱讀

訂購到會服務熱門問題【不斷更新】

【聖誕節到會推薦2022】Christmas森友嘆返餐

聖誕節到會外賣2023 【預訂教學篇】

冬至到會推介2023【暖笠笠過冬】

【聖誕節食咩好？】 5款聖誕傳統食物推薦

【聖誕派對搞手必備】完美聖誕Party 5項要點

＊未經許可，以上文章不得轉載或引用＊