【聖誕節食咩好?】 5款聖誕傳統食物推薦

聖誕派對大餐究竟食咩好?5款聖誕傳統食物推薦

【聖誕節食咩好?】 5款聖誕傳統食物推薦

聖誕節一直備受關注,開Party當然係例行公事,聖誕節食咩好?聖誕傳統食物係一個唔錯嘅選擇,應節之餘,亦可以透過聖誕傳統食物對呢個普世歡騰嘅節日加深了解,聖誕節起源於古羅馬帝國,即意大利前身,由羅馬教廷宣布聖誕節嘅日子,但當時有好多基督教嘅分支並唔認可呢個節日,直到公元1607年,各地基督教領袖共同確定12月25日為所有基督徒嘅節日,先慢慢得到關注,聖誕節係慶祝耶穌生日,但12月25日並唔係耶蘇生日,聖經並無明確指出耶穌幾時生日,只係12月25日係白晝時間最短嘅一日,慶祝捱過冬至,迎接光明,羅馬人會於12月25日舉辦太陽神祭典集體開Party,基督教將呢日定為聖誕節,因為當時要吸納信徒,當時好多羅馬人都信奉太陽神,橫掂都要開Party,同耶穌慶祝埋生日只係有助傳道收信徒,所以從此聖誕節就係慶祝耶穌生日。

聖誕樹及聖誕老人之說

聖誕節除左傳統食物引人入勝之外,聖誕樹同聖誕老人亦同樣係聖誕節主角,聖誕樹係有咩故事呢?相傳16世紀,德國傳道人馬丁路德響樹林樹枝上燃點蠟燭,有如為東方三博士探訪耶穌路上引路嘅星星一樣,演變成今日聖誕樹頂的星星。聖誕老人之說源自荷蘭,有一個叫尼古拉斯嘅人,最鐘意幫助窮人,有一次佢為咗幫三個即將被賣嘅女人,由屋頂煙囪進入諗住掟三袋金俾佢哋,換返自由,點知眼界太好,啱啱掉左入壁爐旁嘅一隻長襪入面,呢個係聖誕老人嘅最初形態,聖誕老人騎鹿車派禮物已經係傳說,及後商業活動亦令聖誕老人有唔同形象,但可以肯定係,你聖誕襪入面如果有禮物,聖誕老人九成九係你老豆,當你以為仲有百分之一機會,冇錯,果百分之一就應該係由母親大人扮演嘅聖誕老人。

聖誕傳統食物推薦1. 火雞

至於聖誕傳統食物,相信最多人知係火雞,響英國有近9成人認為冇火雞唔算慶祝聖誕節,火雞除左係聖誕節傳統食物之外,更加係感恩節不可或缺嘅主角,火雞係當年從英國逃離到南美洲嘅清教徒作為對印弟安人嘅感謝禮,感恩節意味對父母嘅感謝、12月25日聖誕節則成為感念耶穌誕生嘅主角,意思深遠。

聖誕傳統食物推薦2. 紅酒

有餚豈能無酒,紅酒亦係聖誕傳統食物之一,耶穌被釘十字架,替世人贖罪,紅酒象徵耶穌受傷而流嘅鮮血,傳統上聖誕紅酒更會配上橙皮、葡萄乾、紅糖等佐料,然後加熱再淋上伏特加,一杯下肚,驅走冬天寒意。

聖誕傳統食物推薦3. 煙燻火腿

煙熏火腿亦係聖誕傳統食物,傳統上煙熏火腿會配以甜味醬或者蜂蜜,紅酒嘅酸同煙熏火腿嘅甜成為絕配,紅酒代表耶穌嘅血,火腿代表耶穌嘅肉,以感恩對耶穌為世人承受嘅血肉之苦。

聖誕傳統食物推薦4. 薑餅

源自德國嘅薑餅,因為宗教原因,亦成為聖誕傳統食物,相傳13世紀,薑並唔係好似而家咁普遍,當時歐洲香料貧乏,薑獨特嘅香辣味道受到歐洲貴族追崇,因為罕有,平日除左註冊薑餅師之外,只有聖誕節或復活節先開放俾普通人做薑餅,所以流傳到今日,聖誕節同薑餅人已是密不可分。

聖誕傳統食物推薦5. 聖誕蛋糕

最普遍嘅傳統聖誕食物當然係聖誕蛋糕,就好似生日食生日蛋糕咁,冇咩特別典故,只係甜品上嘅一個不二之選,除左食之外,聖誕蛋糕嘅顏值相當重要,而家嘅聖誕蛋糕大起上嚟同結婚蛋糕有得比,而且非常精美,味道唔打緊,影相打卡靚就得,最緊要Post IG夠多Like!

顏值與味道兼備嘅除左聖誕蛋糕外,點少得Kama Delivery嘅聖誕美食到會大餐,過去聖誕節我地就曾經為超過1000個聖誕派對提供美食到會服務,免運費服務深受客戶支持,而且每年大時大節,我地都推出應節聖誕套餐、單點傳統食物。而今年2021聖誕美食到會大餐經已上架啦,並且設有唔多人數選擇,宜家預訂仲可以享有早鳥優惠價,幫大家慳多一筆!

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀

訂購到會服務熱門問題【不斷更新】

【高級到會推介】讓你自訂獨一無二嘅外賣餐單

聖誕節到會外賣2021 【預訂教學篇】

【拜拜2021】開Party聖誕禮物攻略 交換禮物推介清單

【聖誕禮物$100/$200/$300蚊大集合】

部份圖片出處

https://www.pexels.com

*未經許可,以上文章不得轉載或引用*

發佈回覆

你的電郵地址並不會被公開。 必要欄位標記為 *