夏日船P海上活動懶人包|Kama Delivery到會餐飲外賣專家

 

【船P有咩玩?】4種海上活動推介 讓你玩轉盛夏

 

夏日炎炎,碧海藍天,最好就係約埋班Friend去船P,其實船P有咩玩呢?除咗以前好興嘅夜釣墨魚、香蕉船等都頗為OUT嘅野之外,踏入2021年嘅夏天,出海玩當然多左好多選擇啦,雖然香港海上活動比起台灣同泰國都要少得多,不過都絕對夠你玩轉成個夏天,唔止大人啱玩,細佬仔都可以一齊盡興,當然,所謂嬉山莫嬉水,各類海上活動有咩需要注意或裝備要求,都會同大家講下,無論你係船P攪手或者只係船P參與者,都能豐富夏日海上之旅,一齊睇睇4種至潮海上活動推介啦!

 

注意:出租遊艇活動受限聚令規管,登船前務必了解相關嘅條文,而參考者同船員亦必須遵守最新嘅防疫措施登船,否則可能會觸犯《預防及控制疾病條例》。

 

_____________

 

同船P不可分割嘅活動:極速滑水

極速滑水|船P不可分割海上活動推介,讓你玩轉盛夏|Kama Delivery到會外賣服務

 

滑水嘅玩法分為Wakeboarding(有繩滑水)同Wakesurf(無繩滑水),Wakebroading動力源自快艇艇身嘅繩索,玩家拉住繩索,響暴走嘅快艇後面踩住滑水板,利用快艇嘅行駛提供動力,做出各種高難度動作,而且Wakebroading會利用滑水板上的固定嘅靴令玩家雙腳可以固定響塊板上面,比較容易平衡,起水都容易啲,由於對腳同塊板基本融為一體,玩家亦會比較放膽去做騰空動作,加上利用快艇拉力,小浪花都變大跳台。Wakesurf就唔同玩法,同樣係滑水,但繩索嘅最大作用係起水,即係企響塊板度,之後玩家就唔會再拉住條繩,靠快艇行駛留下嘅船尾浪作為前進動力,仲有Wakesurf滑水板上係冇固定靴,一般唔會做騰空動作,而且距離船身只有兩三米距離,容易聽到船上教練有咩指引,所以滑水初學者剛接觸滑水可以先玩Wakesurf,另外,近年多左女仔玩Wakesurf,一嚟速度冇咗快變相唔需要太多體力,二嚟Wakeboarding速度快,碰上小浪花都隨時嚇親自己,三就最重要嘅理由,Wakeboarding 離開隻船老連咁遠,點叫啲Friend影相呀,Wakesurf除咗同隻船近,同朋友交流到,隻手又唔駛揸住條繩個手柄,擺甫士都好發揮好多啦。

 

_____________

 

船P必玩多功能項目:海上直立板 

海上直立板|船P必玩海上活動推介,讓你玩轉盛夏|Kama Delivery到會外賣服務

 

船P玩乜好?直立板近年亦多咗人留意,因為香港都開始有直立板競賽,佢玩法有啲似獨木舟,不過獨木舟就坐響隻船入面划,直立板就係跪響塊板度或者企響塊板度划,企響直立板嘅視野比獨木舟更加廣闊,而且可以同時訓練平衡力同鍛鍊核心肌肉,例如小腿,腹部及肩部等,有一定經驗後更加邊划邊滑浪,同埋多左小朋友玩呢樣嘢,令直立板成為海上親子活動之一,直立板除左划板比賽滑浪之餘,亦有一班瑜伽愛好者,開海上瑜伽船P,利用直立板響海上練瑜伽,瑜伽本身都係講求平衡力嘅運動,加上響海面上搖搖晃晃,對平衡力嘅要求就更加苛刻,如果你對自己平衡力非常有自信,呢個暑假唔好猶豫,開返個瑜伽船P挑戰下,突破自己啦。

 

_____________

 

船P扮演海上Iron Man:Flyboard

Flyboard|船P海上刺激活動推介,讓你玩轉盛夏|Kama Delivery到會外賣服務

 

如果你嫌滑水同直立板唔夠刺激,海上活動中Flyboard應該算係其中最刺激嘅活動之一,原理係利用噴流,吸取海水以高壓水柱形式,由Flybroad噴水口噴出,咁玩家著住Flyboard就會一被高壓水柱推上高空,從而透過擺動Flyboard嘅角度,做出各種空翻或飛行動作,亦伴隨一定嘅危險性,因為Flyboard將玩家由海面推上十米之高都唔難,控制不善好容易受傷,不過可以好似Iron Man咁過下飛行癮,船P玩Flyboard都係基本配套。

 

_____________

 

探索海底:親子浮潛 (Snorkeling)

親子浮潛|船P潛水活動推介,讓你玩轉盛夏|Kama Delivery到會外賣服務

 

開船P玩浮潛,最好選擇有浮潛裝備嘅遊艇會比較方便,某啲浮潛嘅地方唔係咁容易去到,所以開船P都要包船的話,就唔好浪費呢個探索海洋世界嘅機會啦。浮潛受列大眾熱愛嘅原因係因為唔需要咩專業訓練,亦唔需要專業配備,只要著住浮衣,用呼吸管呼吸就可以,就算係小朋友都可以輕鬆體驗潛水水樂趣,疫情冇得飛馬爾代夫,香港又有咩浮潛勝地呢?

 

【果洲群島】七彩繽紛珊瑚樂園,小朋友一定樂而忘返,西貢出發約一小時船程。

 

【西貢】東心淇及海下灣都係香港浮潛好去處,唔止可以睇到珊瑚,仲有機會可以睇到小丑魚、海星、海馬等海洋生物。

 

_____________

 

以上活動需配備救生衣,最好有教練隨行,至於你想喺船P玩啲咩,可以自己上網揀,每隻遊艇都有唔同設施,視乎你興趣,唔同設施有唔同收費,推介你可以上seayou網站睇,無論設施,價錢都羅列得非常清楚,新手老手都啱用。

 

船P租船連海上活動租賃服務平台:https://www.seayou.hk/hk

 

 

船P食咩好?

船P食咩好?|遊船河必備外賣美食|Kama Delivery西式到會專家

 

船P當然係選擇Kama Delivery嘅外賣到會服務啦!我地有不同人數套餐或單點美食迎合你船P嘅需要,你提早訂購我地開船之前送到, 指定時間指定嘅碼頭,方便快捷,我地嘅Junk Boat Party Set冷熱盤俱備,上船食熱盤當早餐,晏晝玩到餓先開冷盤醫肚,簡直係船P嘅最佳拍檔,歡迎致電或者WhatsApp我地Kama Delivery訂購。

 

Junk Boat Party Set 食物份量適合16-18人的船P/船河派對外賣享用

(可調節套餐份量)

柚子青木瓜沙律(18杯)

蜜汁烤雞翼(18隻)

牛油果鮮蝦酥盒(18件)

德國香腸拼盤、酸椰菜、芥末醬、茄醬(2磅)

一口煙肉荔枝卷(18件)

焗德國豬手(2隻/已切件)

意式燒煙燻鴨胸三文治(18件)

迷你美式漢堡包(18件)

日式松露蟹肉炒飯(5磅)

榛子朱古力泡芙(18件)

即棄餐具(包括刀、叉、匙、紙碟)(18套)

食物夾(2個)

【點我查看出海到會外賣】

 

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

 

追蹤我們

FacebookInstagramYoutube

 

 

延伸閱讀

新手訂購到會必睇【網站手機落單圖文教學】

訂購到會服務熱門問題【不斷更新】

5L桶裝珍珠奶茶【派對外賣必飲】

【船河到會安排懶人包】

【飲品到會重新定義】

【船P到會美食推介2021】

 

部份圖片出處

https://www.pexels.com

https://unsplash.com

 

 

最後更新日期:24-06-2021

*未經許可,以上文章不得轉載或引用*