購物車內無任何商品
posts
【船P騙案5大特徵】傷財傷心 高度戒備租船騙局
船P騙案 【傷財傷心，高度戒備租船騙局］
夏天本身已經係船P嘅旺季，加上去唔到旅行，租船嘅需求就更為熱熾，船P騙案、租船騙局嘅騙徒睇準呢個「商機」，響租船需求激增嘅情況下，利用IG、Facebook等社交平台大灑金錢賣廣告，拋磚引玉，最終奸計得逞，受騙金額由幾千至幾萬不等，船P騙案被騙財當然條氣唔順，加上晨早起身就係為左玩一日，開開心心，去到碼頭先知冇得上船，仲要俾班Friend安慰返你轉頭，個人一定好Blue，比藍精靈仲要Blue。Kama Delivery作為香港其中一間美食到會嘅供應方，參與嘅派對聚會多不勝數，我哋好明白個種失落感，所以綜合左一啲船P騙案、租船騙局嘅特徵，中到一兩項，唔一定係假，但你可以選擇更好更有信譽保證嘅租船公司！
船P騙案特徵一
騙徒所設嘅租船公司，一般只有Facebook或者IG專頁，通常冇官方網站，作為騙徒嘅一方，響互聯網留低嘅足跡當然愈小愈好，所以船P騙案都係透過IG或Facebook賣廣告引你入局，通常都有一兩千Followers，一接觸你就會不停叫你快啲俾訂金，話好搶手之類，唔落訂就冇，受害人一時心急容易中招，年輕人千萬唔好衰心急呀！
船P騙案特徵二
租船騙局中騙徒使用嘅Facebook及IG一般都停左留言功能，原因非常明顯，一間公司做得好或需要改善，都會希望客人多啲留言，增加互動及了解自身不足，加上客戶稱讚嘅留言可以加強新客戶嘅信心，唔俾人留言都係怕被人拆穿真面目，當騙款達到某一個數字，亦即受騙嘅人愈多，佢地就會成個Facebook或IG專頁刪除，再開個新嘅繼續佢地嘅租船騙局，再接再勵食過返尋味！
船P騙案特徵三
騙徒用得IG同Facebook宣傳，靚相當然不可少，佢地手法低劣，多數係響網上偷圖Copy，之後加水印當自己嘅，好多受害人見到水印都不虞有詐，其實只係小技巧，好多App都可以響張相度輕鬆加到水印，要破解都唔難，將張相掉上Google Search下，你就可以好容易發現端倪，騙徒集合不同商家相片當自己用，大家一定要慎防！
船P騙案特徵四
騙徒一般唔會有公司嘅商業銀行戶口，都係用支付寶、PayMe或微信收款，仲要係以個人名義收取款項，佢可能會同你講收款嘅戶口用唔到、失靈、個嘢壞左等你用不到銀行轉帳，因為佢地呢間所謂租船公司，銀行根本唔會開戶口俾佢，而且開銀行戶口要交好多料，呢啲人渣更加唔會咁做，所以，基本上冇公司銀行戶口收款，要以個人形式仲要唔俾你銀行轉帳，都要提高警惕，千萬唔好俾佢藉口呃你呀！
船P騙案特徵五
一般落左訂都係見到船先俾尾數，但騙徒根本就冇船，所以收你尾數一定係你租船前一日收，然後再用恐嚇你，你唔找尾數，輸訂之餘，隻船亦唔出現，事主最後怕船P泡湯，輸左個海上之旅仲輸埋訂金，過數之後，當然船同租船公司嘅人亦同告人間蒸發。
所謂道高一尺，魔高一丈，我地要學識保護自己，要成功避開船P騙案，可以站在消費者權益上，問佢攞多啲資料，商業登記、公司地址、船牌等資料，從來行騙都係捨難取易，尤其係只有IG或Facebook而冇其他平台果啲，你就更加要攞多啲資料。如果不幸落左訂，有懷疑千祈唔好俾尾數，輸少當贏買個教訓，當然最穩陣嘅，係朋友介紹嘅就最好，至少佢地幫襯過，一定唔會假，介紹得都應該唔錯添，就好似我地Kama Delivery嘅美食到會服務，一向都有唔錯嘅口碑，而且有專為船河派對而設嘅套餐。十分歡迎首次訂購嘅你，瀏覽我地網站或WhatsApp我哋了解更多外賣資料！
聯絡我們
WhatsApp 查詢／訂購熱線：5188 0757 / 6599 9941
Email：info@kamadelivery.com
追蹤我們
延伸閱讀
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
BBQ燒烤到會
素食到會
KAMA BLOG