英雄飯 vs 解穢酒【了解喪禮後既飯宴】

英雄飯 vs 解穢酒 | 了解喪禮後既飯宴

英雄飯 vs 解穢酒【了解喪禮後既飯宴】

大家出席婚宴可能去得多,但講到英雄宴,應該就比較少機會出席啦,因為並非喜慶宴會開心事,相信都冇咩人想去,但大家對於英雄飯或解穢酒,又有幾多了解呢?英雄飯同解穢酒又有無分別?

咩係英雄宴?

英雄飯vs解穢酒 | 纓紅宴代表之後有紅事會來臨

「纓紅意思」


其實英雄宴,正確寫法係纓紅宴,本身同英雄無任何關係既,只係好多時寫成同音字為「英雄」,或「應紅」,而「纓紅」係指纒繞紅事,神主牌已經可以綁上紅帶,「簪花掛紅」有脫白既意思,按照廣東人傳統既習俗,辦完喪事後 ,即係先人上山後入土為安啦,亦唔會再進行法事啦。由於係香港可以土葬既地方唔多,所以通常係火葬場完成左火葬儀式之後,親朋戚友就會即時除左孝服,即係脫孝,咁等於孝期完結左,當日家屬會安排酒菜招待親朋戚友,代表食完之後可以有纒繞不盡既紅事會來臨,喻意為好意頭。

英雄飯vs解穢酒 | 纓紅宴有8個菜式,1道甜品

「纓紅菜式」


纓紅宴(英雄宴)通常係8個菜式,1道甜品,雖然纓紅宴唔算係白事既一部分,但始終都係處理完喪禮,心情都仲係處於難過階段,家屬安排大家食餐纓紅飯,而且都會安排食得豐富D,同埋會先由糖水開始食起,意思係希望將先人既福蔭留返俾子孫,並且事情已完滿結束,喜事成雙。菜式方面,通常會有雞,燒肉,魚,生菜,鮑魚等,但切忌要留意,要避免有「瓜」字既菜同生果,糖水方面亦要避免蓮子糖水,因為意頭唔好,肉類就避免食牛或馬肉,因為據說牛頭馬面係先人既新朋友。

喪禮後飯宴 | 纓紅宴之後,家屬會派纓紅利是

「纓紅利是」


另外,當食完纓紅宴之後,家屬通常會派「纓紅利是」俾有出席既親朋戚友,入面會有扁柏、紅繩、紅綠線、針同埋雙數金額既錢,不過而家就比較少放針入去,因為安全問題。如果只係出席完火葬儀式,而無去纓紅宴既人,亦可以由自己屋企人代收,然後再交返俾當事人。要留意返一點,纓紅利是同吉儀係唔同嫁,纓紅利是係可以拎返屋企。

3大香港棺材種類 | 從歷史、材質說起

【3大香港棺材種類】提起棺材,大家可能都會避諱一下,因為始終涉及到死亡,而且係人離開左之後先會用到既物品,通常會由屋企人處理,變相好少人會提早安排定或對棺材既了解唔多,但一旦唔好彩要處理身後事,就點都要面對,究竟棺材有咩種類?小編今日總結左少少⋯⋯ 繼續閱讀

咩係解穢酒?

喪禮後飯宴 | 解穢酒有解除污穢既含意

解穢酒又有「解慰酒」既寫法,傳統習俗就係脫孝前,一般子孫既守孝通常係七七四十九日,而每個「七」都會進行法事,打齋(或稱為做七),做完法事之後,家屬會招待親朋戚友「食七」,即係解慰酒,故名思義食完解慰酒後能解憂傷、同帶有安慰既意思,同時亦有解除污穢既含意,因為好多人認為,做白事既地方,例如殯儀館,都係比較容易招到「污穢物」或「霉氣」,所以家屬都會準備好「齋菜」招呼親朋戚友。解穢酒屬於白事既一種,同纓紅宴既菜式方面好唔同,主要7個菜式,1道甜品,糖水都係第一道上菜既,寓意同纓紅宴一樣希望先人既福蔭留返俾子孫,果7個菜式就通常係齋菜,普遍會係全齋為主。

 素食 
 素食 
 素食 
 素食 
$140$210
 素食 
 素食 
 素食 
$80$120
 素食 
 素食 
$96$144
 素食 
 素食 
$120$180
 素食 
$128$192
 素食 
 素食 
$156$234
 素食 
 素食 
 素食 
 素食 
$120$180
 素食 
$80$120
 素食 
 素食 
$100$150
 素食 
 素食 
 素食 
 素食 
 素食 
 素食 
 素食 
$128$192
 素食 

傳統上都既做法,未必完全跟足,尤其香港人工作時間長,加上習俗上有好多都俾新一代人精簡左,而家亦比較偏向做英雄宴多過解穢酒,處理完先人既身後事,食完餐英雄飯,咁就完成左成個流程。但大家要留意,如果安排去酒樓食纓紅宴或者解穢酒,就要講清楚,避免出現誤會。如果唔想出去食,亦可考慮我地Kama Delivery到會外賣餐飲,當中亦有素菜款式,單點或套餐都可以,而且滿$688仲全港免運費嫁。

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|PexelsFreepik

*未經許可,以上文章不得轉載或引用*