5間荃灣特色Party Room推薦【荃城瘋玩】

5間荃灣特色Party Room推薦【荃城瘋玩】

5間荃灣特色Party Room推薦【荃城瘋玩】

除咗葵芳、荔枝角之外,荃灣亦係另一個Party Room嘅集中地,荃灣作為香港工業區嘅一員,當中亦有唔少派對房間嘅選擇,不單止交通便利,大型商場、食肆的選擇都冠絕其他工業區,畢竟是香港18區之一,亦係我哋Kama Delivery到會美食服務嘅配送熱點之一,車程與我哋美食配送嘅出發點最多15分鐘,如果你響荃灣攪派對聚會選擇我哋為你安排飲食最好不過,我哋綜合咗5間響荃灣各具特色嘅Party Room,一齊「荃城瘋玩」。

荃灣特色Party Room推薦 1. C-Dwell Party – 人多之選

C-Dwell Party

C-Dwell Party派對房間以馬戲團作為主題特色,分為黑白馬戲團及紅白馬戲團,前者以黑白色作主調,配搭迷幻嘅幾何形狀,有如暫時脫離現實世界,派對房間空間大之餘更設有舞台,適合比較多人嘅派對聚會,最多可容納50人;後者以紅白色作主調,以黃色點綴出溫暖感,最多容納30人,C-Dwell Party派對房間設施包括麻雀枱、桌球枱、音響設備、遊戲機及桌桌等,由愉景新城出口步行10分鐘就到,非常方便。

荃灣沙咀道57號荃運工業中心二期

C-Dwell Party網址

荃灣特色Party Room推薦 2. Happydays Party Room – 親子之選

Happydays Party Room

如果想攪親子活動派對或小朋友生日會,Happydays Party Room派對房間會係荃灣區內的最佳選擇,佔地2000尺除咗房間內充滿童真嘅滑梯、波波池之外,最大亮點係可以BBQ嘅露台,玩到肚餓可以即時BBQ,市區睇住夜景燒烤別有一番風味,最多容納60人,親子派對首選。

荃灣特色Party Room推薦 3. ARTE Party Club – 音樂之選

ARTE Party Club

ARTE Party Club是少有適合舉辦音樂派對嘅Party Room,有唔少歌手都曾經響呢個Party Room攪過Event,佔地1500尺嘅場地最多70人嘅寛敝空間夠哂地方YO歌,再配備15吋二路喇叭、復古直立式專業米高峰讓你沉浸式享受舞台感覺,娛樂設施應有盡有,毗鄰係悅來酒店(或稱熊貓酒店),交通四通八達。

荃灣特色Party Room推薦 4. The House – 寵物派對

The House - 寵物派對

The House位於荃灣安泰國際中心,由於派對房間的裝修極具主題風格,所以The House亦同時提供影樓嘅功能,裝修風格分為Stay Home、Dinning Room、Living and Bathroom 、Urban Retreat、Wedding Ceremony及Full House,主打溫情風,有家嘅感覺,非常適合有埋神寵毛孩一齊開Party,順便影返輯靚靚全家福,不過留意返相比其他Party Room比較少娛樂設施,不過桌遊、音響、投影幕呢啲基本嘢都齊哂,但個裝修肯定係最別出心裁。

荃灣安泰國際中心

The House網址
4個開Party必玩嘅啤牌遊戲【撲克牌另類用法】

【啤牌遊戲】開Party點少得玩遊戲,啤牌遊戲是非常常見於派對聚會之中,我們當然不鼓吹賭博,但作為派對遊戲嘅工具可謂最好不過,啤牌遊戲一般需要用上運氣、智力及心理策略,團體遊戲可以令新朋友好快融入派對之中,而啤牌遊戲最令人期待嘅並非輸贏,而係懲罰⋯⋯ 繼續閱讀

荃灣特色Party Room推薦 5. Old School BBQ 老地方 – 多功能Party Room

Old School BBQ 老地方

如果純粹一班朋友聚會,冇咩特定主題,Old School BBQ 老地方就啱曬,基本上人地有嘅設施佢有,人哋冇嘅設施佢都有,雖然佔地1200尺唔算大,但基本上有齊上述Party Room嘅特點,包括卡啦OK、麻雀枱、桌遊、打機區、寵物友善之外再加400尺露台燒烤區,仲可以代客買餸,代燒,基本上無懈可擊,距離愉景新城2個字腳程,荃灣區開Party絕對係最佳之選。

荃灣區嘅派對房間嘅選擇愈來愈多,有如Kama Delivery嘅美食到會亦不停推陳出新,除咗有派對主題相應嘅美食到會套餐外,亦有因為唔同人數,包括2-100以上人活動嘅美食到會套餐,單點美食、甜品、飲品超過100款,送貨服務覆蓋香港、九龍及新界,幾乎車能到嘅地方我哋都送,訂購金額滿$688更可享免運費地面交收服務,歡迎隨時瀏覽我哋網站或者WhatsApp我哋查詢訂購詳情。

查看更多到會美食!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


*未經許可,以上文章不得轉載或引用*