【落雨季節不速之客】飛蟻＝白蟻？

【落雨季節不速之客】飛蟻＝白蟻？

一到落雨天，特別係4至7月，屋企就會成日出現飛蟻（另稱：大水蟻／飛螞蟻／螱），體型大概有4至5毫米，背後有一對大既透明翼，飛蟻通常係指翅膀未脫落前既白蟻，即係白蟻既繁殖蟻種，而且特別鍾意出現係夜晚，到落雨時候，飛蟻一定會搵適合既地方，尤其有燈光既地方，不過D 飛蟻最多可以飛離原本既巢只有400米左右。

🔼 庶渣板好容易受到蟻蛀既影響 🔼

白蟻同飛蟻點分辨？白蟻係主要食有機物，而且白蟻係得1條觸角，但螞蟻觸角就有2條。白蟻有生殖能力，會係落雨既時候生出2對小翼，方便佢地搵地方避雨，同埋搵個適當既地方起巢繁殖後代。專蛀木材、紙皮、蔗渣板等物料。加上香港環境非常適合飛蟻生存，因為好多住宅大廈既牆身都有蔗渣板成份，飛蟻只要有機會，就會入侵屋企，即使細到得1/64吋既裂縫，白蟻都可以穿入，真係無孔不入。

白蟻分為三種，蟻王蟻后、兵蟻、工蟻，再分為兩類，生殖型白蟻和非生殖型白蟻。

🔼 滅蠅燈以紫外線既原理黎滅蟲蟻 🔼

當飛蟻入屋之後，佢哋會脫左對翼，然後搵到對象，就會交配大量繁殖，所以如果出現少量飛蟻，大家可以用吸塵機吸走，太大量既話，真係需要搵專業滅蟲公司解決。

不過最好既方法係，未雨綢繆，預防勝於治療。小編建議大家屋企保持乾淨整齊，唔好堆積報紙、紙箱等雜物，避免白蟻有機會起巢。如果屋企大量木製傢私，大家可以塗返D防蟲既物料，減少被白蟻侵蝕。當落雨時，盡量拉起窗簾同閂窗，避免屋企既燈光，吸引到D飛蟻入屋，或者，屋企長期受到飛蟻影響，不妨考慮裝窗網，又可以防蚊，又可以防蟲，一舉幾得嫁。甚至，大家可以利用滅蠅燈，因為飛蟻比較受紫外線引誘，雖然坊間有話白燈比黃光更容易引到飛蟻，但其實紫外線先係主因。

如果屋企無裝備既話，大家可以參考一個比較民間「古老」方法，就係係屋企放一盤水係燈光下面，將D飛蟻引到水入面，進而殺死D飛蟻。不過千萬唔好噴殺蟲劑，否則只會令到蟻群擴散，到時候仲難處理。