6間葵涌Party Room推薦【特色主題 擁抱相聚時光】

6間葵涌Party Room推薦【特色主題 擁抱相聚時光】

葵涌Party Room出名多選擇，提供唔同主題嘅派對房間配合聚會目的或特別需要，葵涌集工業、商業及住宅於一身，而Party Room選址一般都選擇工業大廈，因為場地比較大，容納到更多聚會派對嘅參與人士，而租金亦比較低，所以響葵涌嘅工業區入面，其實有好多Party Room，不過由於要上樓，比較難有效推廣俾大眾認識，本文向大家推介6間葵涌區Party Room，希望大家開Party有更多場地選擇之餘，亦可以幫到大家響派對飲食上提供服務，Kama Delivery專營派對美食到會服務，大家玩得開心之餘，仲可以食得放心，事不宜遲，Let’s go party。

家長們經常都會互相交流湊仔經，但經常響選址上面對困難，響餐廳邊食邊傾，小朋友食飽坐唔定，響餐廳跑來跑去會有危險，選址Party Room會係唔錯嘅選擇，The Club Party係位於葵涌嘅親子Party Room，有小朋友放電專區，配備波波池、吹氣滑梯及休憩設施，而家長們可以打下麻雀、唱下卡拉OK、傾下計，而且成個Party Room並無柱位，大人細路就可以放心各有各玩。

香港不乏鏟屎官，寵物派對可以俾主人交流養寵心得外，寵物們亦可以相互認識，有助寵物鍛鍊社交能力，當然葵涌亦有Party Room係Pet Friendly，Chill Dog Party Room就係其中一間，相比一般Party Room，雖然娛樂設施相對較少，但主人們可以更專心於聚會上交流，而Party Room佔地1200呎可容納最多45人，寵物們有足夠放電空間，仲有專俾毛孩玩嘅波波池，亦有非常典雅嘅裝飾區，萌寵們可以排排坐，影返輯靚相。

打機同運動幾乎係每個男士嘅興趣，所謂男人圍埋一堆，唔係打機就搵水吹，葵涌Party Room Art Home x GG Party非常適合一班兄弟老死開Party，因為入面嘅娛樂設施彷彿為男士度身訂造，桌球枱、籃球機、VR、Switch、街機、自動麻雀枱、Poker等，再加上65吋大電視及高清投影機，滿足每位不同性格、不同愛好嘅兄弟，全男班嘅好去處。

全港最大嘅Party Room，位於葵涌廣場附近，佔地面積超過7000呎，當然一般Party Room有嘅設施如Board Game、打牌、唱K音響等Tent Party都有提供，室內更設有人造草地及帳篷，另外LED造成嘅白玫瑰花海、旋轉發光韆鞦、多款星空及極光投影效果成為非常值得留影嘅地方，但最特別嘅地方係佔地2800呎嘅天台，玩完影完仲可以BBQ埋，完美。

開Party點少得一班夜貓玩通頂，24小時營業嘅Party Room PartyNaNa就啱哂夜鬼喇，房間設計有啲似K房，不過可容納人數較少，最多16人，不過麻雀雖小，但五臟俱全，設定包括電動麻雀枱、卡拉OK、Board Game、私人影院、狼人殺，仲有埋打邊爐設備、獨立洗手間等。

The House屬於多用途工作室，可用作商業用途，裝修典雅，葵涌 The House Party Room分為兩個主題，Green Olives 及 Earthy Family，Green Olives裝修風格比較侘寂風，影相會自帶一種文青感覺，Earthy Family風格比較Warm，以大地色系為主，比較適合家庭照，亦配備咗一般娛樂設施，包括唱歌音響、遊戲機、桌遊等，而且可以帶神寵一齊去，不過場地約300呎，10-12人已是極限。