【血型分類與遺傳知多少】

【血型分類與遺傳知多少】

大家有無諗過自己既血型係點樣形成？父母既血型會唔會有影響？而邊種血型係最特別？今日我地睇下血型既秘密啦！

血型係咩？

其實血型係指血液成分，包括紅細胞、白細胞、血小板及血漿蛋白表面既抗原類型，呢個係由1900年一位奧地利細菌學家蘭斯坦發現，A型血者有A型抗原，B型血者有B型抗原，AB型血者則兩類抗原都有，O型血者則沒有A及B型抗原。而每種血型系統都係由遺傳因子決定，即係睇父母係咩血型而定既。

大家最常聽到既係ABO血型系統同Rh血型系統，ABO血型系統，就係A、B、AB、O四型﹔Rh（Rhesus/熊貓血型）血型系統就分為Rh陽性(正/ Rh+)和Rh陰性(負/ Rh-)，另外仲有D極為稀少既血型系統，例如MNS、P血型等。根據香港紅十會資料顯示，40%既香港人係O型，26%同27%分別係A型同B型，7%係AB型。而Rh(D)陰性血型冒比例係1:370。

邊種血型係最特別？

O型係全世界最多既血型，而O型血係被稱為「萬用捐血者」，而AB型血係被稱為「萬用受血者」。

有一種血型更被稱為「黃金血液 GOLDEN BLOOD」，就係Rh null血型，根據國際紅十字會2010年既調查，全世界已確認擁有Rh null型只係得43人，來自14個家庭。因為血型太特殊性，Rh null血型者既血球細胞容易變形，通常會有慢性貧血症狀，加上，Rh null型仲有一個非常高既風險，輸血時，一定要由特定組織去執行輸血既相關工作及程序，先有機會找搵到同血型既人，而且接受過一次輸血，Rh null血型者體內就會產生相對應抗體，第二次輸血時可能會引發溶血反應，甚至導致死亡，相當於一生只有一次輸血既機會。不得不提既係Rh陽性(正)血型者可以接受Rh陰性(負)既血，但Rh陰性(負)係唔可以接受Rh陽性(正)既血嫁。

咩血型可以配對咩血型既輸血？

A型血本身係帶有A型抗原，而血清中會產生對抗B型抗原的既抗體，所以A型血者可以接受A型血同O型血

B型血帶有B型抗原，血清中會產生對抗A型抗原抗體，B型血者可接受B型血同O型血

AB型血係A同B型血既混合血型，帶有A型同B型抗原，血清中不會產生抗A型或抗B型既抗體，於是乎AB型血者係可以接受A型、B型同O型血，所以有「萬用受血者」既稱呼

O型血本身係無A型及B型抗原，只有H抗原，血清中會產生對抗A型同對抗B型抗體，所以O型血者唯一可以接受O型血

遺傳基因點樣決定自己係咩血型？

以A、B、O等三種遺傳因子組合而決定自己會係咩血型，人類既細胞總共有 23 對染色體，每對染色體分別由兩條單染色體組成，其中一條出自爸爸，另一條出自媽媽，染色體主要成份係決定遺傳性狀和同功能既DNA(脫氧核糖核酸)，而血型就係由第9對染色體決定，因為人既血型主要係受控於A，B，O呢3個基因，但第9對染色體得2個ABO系統基因，當中A同B基因屬於顯性基因，O 基因屬於隱性基因，所以，會出現6對等位基因: AO、AA、AB、BB、BO同OO。

假設知道自己父母係A型血，咁自己就有機會係A型或者O型，就唔會出現B型或者AB型啦; 或者父母一個係B型，另一個AB型，咁就有機會出現3種組合，A、B或AB型，O型就唔會出現。又或者，父母一個係B型，另一個A型，呢個情況就會出現A、B、O或AB型。