觀塘Party Room推介【玩樂深度遊】

過往都同大家講過幾個地區嘅Party Room，今次我哋分享觀塘Party Room推介，觀塘是工商業區，所以進駐咗唔少大大小小嘅Party Room，相比荔枝角，官塘區有更多更大、設施更齊全嘅派對房間選擇，而除咗設施、場地之外，最緊要係交通便利性，所以近地鐵站的話會係好值得一去，而有啲選擇更加係適合 Happy Hour，觀塘區有好多金融界、銀行界嘅朋友，放工去唱下歌、節日團建活動輕鬆下，感覺非常Chill。

Gala Zone係觀塘區新開嘅Party Room，可容納20-25人，屬24小時營業嘅小型Party Room，場內最矚目嘅係近3米長嘅帶燈舞台及特色牆打卡位，優質音響設備開小型音樂都仲得，仲可以租埋特色天台燒嘢食，訂埋我哋Kama Delivery嘅燒烤到會套餐就當然係玩飽食醉啦！

Miniparty Donald Duck 係觀塘區另一間小型嘅派對房間，最多只能容納8人，老實講，Party Room間間都差唔多設備，但具獨特特色嘅亦值得一去，Miniparty Donald Duck以迪士尼角色唐老鴨做主題，明顯針對一眾鴨迷，不過基本設施如唱k、Poker、麻雀都有，入去朝下聖都好嘅，佔地200尺不能要求太多了。

講咁兩間觀塘小型Party Room，推仲一間大型的Party Room，佔地2000尺，可容納80人，各個區域自成一角但極具空間感，非常適合跨家庭派對或公司活動，海量娛樂設施包括PS5 賽車軚盤 VR、Switch 配備8隻手制及二十多款熱門遊戲、「2枱」電動麻雀機、街機籃球機等，大人細路都可以盡情玩餐飽。

要數觀塘嘅特色派對房間，Rent a Kitchen Party Room不能不提，佢哋分咗大細廚房，屬高私密度的包場派對場地，同在觀塘區，細廚房可容納2-12人，大廚房可容納12-24人，Party Room以廚房、烹飪作主題，場內雖有提供娛樂設施，但數量不多，令參與者可以更專注於場內煮食，又適合親子活動，喜歡交流煮餸心得嘅你又點可以錯過？

響呢個人寵共融嘅年代，寵物友善Party Room絕對有需求，除咗一眾寵主可以在寵物派對中交流心得之外，寵物們亦可以學習社交，有效降低寵物嘅攻擊性，Lovo Pets明顯係寵物主題嘅Party Room，場內有多個打卡位，包括寵物吊椅、波波池等，可以帶定靚衫影寫真，而且識去廁所嘅話可以唔駛著禮貌褲，讓寵物更加自由奔放。