【貓唔食得咩？】喵星人主子避免既6類賀年食物

就到農曆新年，屋企必定準備好多賀年食物，當大家都係新年果陣食呢D賀年食物既時候，總覺得自己主子對自己既食物虎視眈眈，但唔好因為貓咪可憐嘅目光，心軟想同自己主子分享美食，而無視咗呢D食物並唔適合主子食，以下6款常見賀年食物都係貓食物禁忌，就同大家分享下，提提大家唔好俾佢地食！

家家戶戶點都會準備年糕、蘿蔔糕等既糕點，尤其主要成分會有糯米既糕點，因為主子腸胃比較難消化，好容易造成主子脹氣不適。

朱古力由可可豆造成，當中含有高量既可可鹼（theobromine）如果主子攝取過多可能會造成心臟病等問題出現，甚至致命。另外甲基黃嘌呤會導致主子們嘔吐、腹瀉、震顫、心律不齊、過度興奮、氣喘、癲癇發作，甚至死亡，而甲基黃嘌呤既含量取決於朱古力種類，通常越苦毒性越強。如果主子攝入任何種類既朱古力，都需要留意主子身體狀況，有問題就要立即向獸醫求診。

糖果中既糖分含量很高，甚至入面都會添加木醣醇甜味劑，而腸道細菌會利用糖分來進行發酵，因此，攝入會導致胃腸不適和腸胃脹氣。同時亦會對主子肝臟造成負擔，有機會出現心跳加速，嘔吐及肚瀉，昏迷等症狀。

煎炸食物本來就對主子們腸胃無益，例如蛋散、角仔、笑口棗等，因為經高溫油炸既澱粉質，部分更含有食用豬油、植物油等炸成，含有反式脂肪，呢D油膩又唔健康既食物容易引致主子胰臟炎。

新年點會少得團年飯，家中長輩一定會煮好豐富既團年飯過一個新年，有魚有肉等，咁一定會有食物既骨頭，大家可能都會覺得主子可以食，千萬唔好再俾主子食啦，因為D骨頭會好易整傷主子牙齒或者食道，甚至造成腸胃出血，咁就得不償失啦。