【貓界二哈】賓士貓6大個性分析

成日聽到人講狗界既哈奇士（另稱：二哈），但原來貓界都有一種貓係同二哈差唔多性格，賓士腦個性行為成日令人摸不著頭緒，聰明活潑，鬼靈精怪，百厭好動，體力完全用之不盡，做埋D完全出乎意料既行為，有時候仲會激嬲主人，不過佢又會好識撒嬌，令到貓奴嬲佢唔落，性格同二哈犬非常相似。

唔同地方混種既貓，每個品種既貓都有唔同既外貌特徵同性格，種類亦分別為三色貓、橘貓、虎斑貓、玳瑁貓、賓士貓、黑貓同白貓。但點解會叫賓士貓？賓士貓既特性又係點？

賓士貓臉部毛色既分佈同Benz的商標極為相似，呢個就係賓士貓名稱既由來。雖然賓士貓外表感覺給俾人一種威嚴又兇悍既感覺，但其實絕大多數既賓士貓嘅個性都好鍾意講野，咩都喵一餐，點都會俾反應你。

賓士貓既個性又係點？

賓士貓會破解到餵食器，智商非常之高。所以無論貓奴點設法防止賓士貓偷食，都會比較難預防嫁。

賓士貓既體力非常充沛，永遠都好似用唔完嘅精力，同小朋友一樣，只要佢想玩，佢係可以將屋企反轉再反轉，無論係玩咩，或者係屋企狂跑狂跳，完全唔使停低休息，無限放電Mode。

賓士貓經常做D奇怪既行為，令人類完全摸不著頭腦，尤其面對唔同人既時候，會有唔同待遇，例如唔識既人，佢哋會好怕羞好膽小，但相反，完全唔驚屋企人，同埋，佢會有時候仲會越級挑戰，會打比自己大N倍既大狗，以下犯上。

賓士貓好識得氹人黏人，明明搞到貓奴嬲緊，點知佢下一秒又會同你撒嬌賣萌討歡心，令到你完全嬲唔落佢，有時又會過黎你身邊嗲聲嗲氣，務求要你理佢，同佢玩，當你唔理佢，佢會叫到好大聲，刷存在感，完全融化主人嘅心心。

係混種短毛貓入面，橘貓同賓士貓係最多野講既貓，會俾你反應，同你對話講心聲，仲會撩你講野，總之就不停講野。

賓士貓情緒變化好大，上一秒可以嗲你，下一秒可以嬲左你，又或者咬你發你脾四，唔理你要你氹返佢，你摸唔透佢到底想點，比翻書仲要快。