辦公室政治生存法則2024【職場只有Yes Man?】

辦公室政治生存法則2023【職場只有Yes Man?】

辦公室政治生存法則2024【職場只有Yes Man?】

辦公室政治可以話係易學難精,精髓在於響有限嘅資源下,以利己為前提透過手段、人際關係提高自身喺職場競爭力,有人認為任勞任怨、有求必應,做埋人地果份就係辦公室政治下嘅生存條件,但最後只會被搶去功勞,成為公司其他同事嘅奴隸,Yes Man極其量只係唔會被討厭,但上司睇唔到你表現,同事當你工具人,當有鍋要揹嘅時候,往往首當其衝成為犧牲品,所謂人善被人欺,我哋唔需要諗辦法損人利己,但要係職涯識得保護自己,尤其是職場新人,參考以下5條辦公室政治生存法則,盡量保護自己,但最重要都係臨場應變,即係執生。

辦公室政治生存法則 1. 少說話多做事

辦公室政治生存法則 | 要學識少說話多做事,而少說話比多做事更重要

要響波譎雲詭嘅辦公室政治下生存,要學識少說話多做事,而少說話比多做事更重要,少說話唔代表唔講嘢,而係唔好懶醒,講個例子,職場初哥一般都有舊同事帶你做嘢,可能對同一個工作你有更快捷嘅方法,但係千祈唔好懶醒提出改善,你可以私底下用你嘅方法,直到同事發現你效率比佢哋高,向你請教時,第一唔好認你做得快,否則你會多左好多野做,第二將光環放喺教你做嘢果位同事身上,因為佢教得好,好有耐性,所以你做嘢先冇咁多甩漏。講說話三思而行,一個新人太想表現自己會另其他人產生危機感而產生敵意,而教你果位同事亦會多左句口頭禪,「你咁叻!唔駛問我啦!」

面試問題 | 2021年5大見工常見問題 | 助你提升Interview的成功率

【見工面試問題】臨近年尾,好多人拎左分紅都心郁郁想跳槽轉工,所謂魚唔過塘唔肥,但見工面試問題往往係求職者嘅地獄,就算你見工經驗再老到,答錯問題隨時都萬劫不復,其實好多難攪見工面試問題係冇標準答案,因為每個hr面試官想聽到嘅答案都唔一樣⋯⋯ 繼續閱讀

辦公室政治生存法則 2. 埋堆

辦公室政治生存法則 | 辦公室政治中最常見,亦難處理得好就是埋堆

辦公室政治中最常見,亦好難處理得好嘅就係埋堆,所謂埋堆即係進入某個小圈子與他人混熟,大型企業更加有多個小圈子,而小圈子與小圈子之間暗底裏存在敵對關係,筆者認為埋堆係剛入職場嘅生存之道,學校係社會嘅縮影,唔埋堆嘅人通常被杯葛、甚至被欺凌,因為出事嘅時候冇人幫忙,職場都一樣,冇人有義務幫你,除非大家同一條腸、同聲同氣,埋堆唔係壞事,有人會認為如果自己埋錯堆,會俾人針對,所以唔埋堆但又兩頭唔到岸,其實到你果堆勢力沒落,你亦已經有咁上下經驗,轉工又得、自行建堆又得,如果連開始都過唔到,注定冇一份工你做得長。

辦公室政治生存法則 3. 遠離是非

辦公室政治生存法則 | 遠離是非是職涯生存技巧

遠離是非不等於遠離是非圈,遠離是非係選擇,留在是非圈係職涯生存技巧,如何遠離是非首要第一件事係唔好主動講其他人事非,切忌講是非當人情,次要係避免回應任何事非,以傻笑或點頭附和應對,必要時以可圈可點嘅答案迴避,例如同堆內有人講A君是非,又問你睇法,你可以講同A君比較少接觸,下次有機會留意下,要識得避重就輕,否則你作為一個新人講其他前輩壞話嘅消息好快全公司都知道,你就更加難做人。

公司派對 | 食物推介2023 | 商務活動必備

【公司派對食物】企業及公司舉辦派對聚會或商務活動非常頻繁,作為搞手嘅你,喺安排公司派對食物嘅餐飲選擇時經常費煞思量,Office Party一般由同事發起,商務活動則由公司管理層邀請客戶或合作方參與,因為目的性唔一樣,Kama Delivery作為香港商務到會嘅專家⋯⋯ 繼續閱讀

辦公室政治生存法則 4. 唔好收工就失蹤

辦公室生存 | 出席同事間嘅聚會可以認識及掌握公司勢力分布

好多人收工就即刻返屋企,避免出席同事間嘅聚會,例如Happy Hour,覺得浪費自己私人時間去同同事打交道,辦公室政治生存法則中人際關係因素佔咗好大比例, 正所謂識人好過識字,而人際關係必須時間建立,如果約親都唔去,慢慢會被同事孤立,其實可以選擇性參與,參與者愈多愈應該要去,因為你作為新人應該多啲認識及掌握公司勢力分布,邊個係方丈咁小氣、邊個係皇親國戚,呢啲情報好緊要,但都係果句,用心聆聽,避免發言。

 新推出 

【辦公室外賣】一口小食自選人數套餐


免運費的地面交收服務


適合商務聚餐、企業簡介會、公司講座等場合享用


自訂套餐享用份量(6位起跳)


點我查看完整餐單

辦公室政治生存法則 5. 擦鞋忌太出面

辦公室生存 | 職場生存法則係中庸之道

每個人都鐘意聽好說話無可厚非,但新人擦鞋出哂面又缺乏技巧容易令人尷尬,有實力嘅同事睇你唔起,金牌擦鞋仔唔妥你,到時你就淪為同事笑柄,要記住辦公室政治先求生存再求上位,唔好急功近利,而職場生存法則係中庸之道,新人太標青,公司對你會期望會提高,出錯就好覺眼,失望感加劇,但不宜過份低調,否則做幾多都冇人見到,仲會愈來愈多嘢做。

散水飲品 | 包裝精美、誠意十足 | Kama Delivery

【散水飲品推薦】散水餅大家聽得多,但有得食又點少得飲呢?散水飲品一直都比較少人提及,因為通常賣散水餅嘅地方,都係得盒裝或罐裝野飲,仲要自己抬餐死,所以一般都係得散水餅,有誠意嘅散水飲品當然唔係咁簡單啦!除左支裝同袋裝之外,更有最受寫字樓⋯⋯ 繼續閱讀

辦公室政治最需要嘅係你情商更多於工作能力,要記住冇人可以做到個個都鐘意你,總會有敵人,有人想睇住你衰,所謂嘅辦公室政治就算損人利己都係自我保護手段,出嚟做嘢最緊要識做人,Kama Delivery下午茶甜點或咸點小食盒啱哂萬歲用,顏值高又有內涵,最好用嚟答謝教你嘅師傅同其他同事嘅照顧,咁識做以後仲唔錫晒你咩?如果公司人多可以選擇一口小食套餐,務求個個有份,祝願大家職涯事事順利,平步青雲,歡迎隨時瀏覽我哋網站或者WhatsApp我哋查詢訂購詳情。

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|PexelsFreepik

*未經許可,以上文章不得轉載或引用*