【農曆七月習俗小知識】中元節 vs 盂蘭節有咩分別？

【農曆七月習俗小知識】中元節 vs 盂蘭節有咩分別？

農曆七月，我地都稱為鬼月(或叫鬼節)，由農曆七月初一開始，陰曹地府既鬼門就會由閻羅王慢慢打開，俾D無主孤魂上陽間享受供奉，或者係「抓交替」，即係我地俗稱既搵替身或替死鬼，去到農曆七月十四，大門就會開到最大，然後農曆七月十五之後就開始慢慢關返門，直到農曆七月三十完全關上鬼門。

盂蘭節，或叫盂蘭盆節，係佛教重要節日，又稱「僧自恣日」或「佛歡喜日」。僧侶於這天集會，無分彼此，一同誦戒，糾正彼此既行為，同時分享修行心得。而佛教徒會係呢一日以盂蘭盆裝滿百味五果，供奉佛、法、僧，濟度六道苦難眾生，將功德回向累世父母，報答父母養育之恩，傳揚孝親美德。

「盂蘭」的梵文是「Ullambana」，「盆」既意思係「救器」，意思為「救倒懸」，指解救正在受苦既餓鬼。

盂蘭節中最為人廣傳既係「目連救母」，根據《盂蘭盆經》記載，釋迦牟尼佛其中一個重要弟子，叫目犍連（簡稱目連），相傳目連既母親做左好多壞事，死後變成餓鬼，目連見到母親飽受折磨之後，就想將飯菜送去俾母親，但D飯一到母親口邊就變成焰灰，所以目連就向釋迦牟尼佛請救，而佛陀就話，必須於七月十五既時候，以百味五果放於盆內，供養十方僧人，從而集合眾人力量，以此般功德，其母方能濟度。結果目連遵照左佛陀指示，令到母親最終脫離餓鬼之苦，往生天界。

係香港，大家都會係農曆七月傳統習俗落街燒衣紙祭拜祖先或普渡亡魂，老人家叫大家少啲去夜街，當中更會準備定香燭衣紙冥鈔、白飯、水果等祭品，以超渡孤魂，祈求一家出入平安。同時，亦會有舉辦盂蘭勝會(英文: The Hungry Ghost Festival 或 Yu Lan Festiva)、請神儀式、神功戲、派「平安米」等活動，而且係2011年，盂蘭勝會更被列入第三批《國家級非物質文化遺產名錄》中。

如果大家有興趣了解更多盂蘭節，大家不妨抽時間係9月1日至3日，到維多利亞公園參與盂蘭文化節2023，活動內容非常值得一去嫁，例如: 識答盂蘭知識既Chat Gpt、盂蘭劇本殺「夕拾蘭盆」、搶孤競賽、3D主題拍攝區等。重點係，免費入場嫁。

詳情可參考「香港盂蘭文化節」Facebook