新年傳統食物【6款必食推介你要知】

新年傳統食物【6款必食推介你要知】

話咁快又農曆新年，拜年聚會活動總不能少，農曆新年傳統食物直到而家都仍然不可劃缺，原因好簡單，香港人新年食物都有獨特寓意，就好似恭喜發財一樣，呢句說話永遠長青，祝福說話冇人嫌多，除左一般成日聽到嘅農曆新年傳統食物例如髮菜蠔豉（發財好市）、燜豬手（橫財就手）之外，新年食物仲有咩？其實仲有好多食物本身已帶有寓意同故事，呢篇帶大家一齊睇睇農曆新年傳統食物，了解一下當中寓意故仔，亦可以同下一代分享，將呢個傳統一直延伸落去！

新年傳統食物 1. 年糕

年糕成為農曆新年傳統食物源自年獸傳說，相傳農曆新年，居住深山嘅年獸因為動物紛紛休眠，搵食艱難，唯有走出深山，以食人充飢，當時有一個部落「高氏」，農曆新年前會事先做定一大堆糧食，搓到一條條放門口外面，然後安躲家中，年獸搵唔到人，就會以此為食，食飽就返深山，為慶祝避過一劫，年糕就成為經典新年食物，由於年糕由高氏製作，所以年同高結合，年糕因而得名，年糕亦寓意年年高升，快高長大。

新年傳統食物 2. 瓜子

傳統上，農曆新年傳統食物中所指嘅瓜子，並唔係大家拜年見到紅色果種，而係黑中帶白嘅向日葵種子，向日葵外型酷似太陽，象徵希望，而一棵向日葵種子都上百近千，寓意多子多孫，兒孫滿堂，除此之外，瓜子同古時皇帝賞賜妃嬪嘅金瓜子相似，所以新年食瓜子亦寓意抓金，愈食愈多金，而用紅瓜子只係配合新年氣氛。

新年傳統食物 3. 蘿蔔糕

響潮汕地區，蘿蔔又叫菜頭粿，菜頭諧音彩頭，而蘿蔔糕嘅糕亦寓意步步高陞，所謂吃菜頭，好彩頭，隨住蘿蔔糕嘅演變，蘿蔔糕入面嘅配料亦愈見豐盛，加入不同美味配料，慢慢成為新年送禮嘅必備之選，基本上一年四季都可以喺酒樓點心到叫到，亦係農曆新年傳統食物之一！

新年食物推介 4.餃子

餃子外型酷似金元寶，金元寶響古時係貨幣，食餃子就有如食金，食得愈多，來年錢就更多，而且餃子響鍋中翻滾，寓意財源滾滾，而唔同餡料亦有唔同意思，例如芹菜餡，寓意勸斂來財、白菜餡寓意百財之福，而包餃子通常一家人分工合作，做餃皮、調餡料、包餃子等，亦有團結一家之意，包你來年和氣生財！

新年食物推介 5. 煎堆

一句煎堆碌碌，金銀滿屋，寓意已經非常鮮明，煎堆外型圓碌飽滿，有團圓之寓意，而且煎堆顏色金黃，好似擺左堆金響屋企咁，加上煎堆口感香脆，口感軟糯，無論大人小朋友都咁鐘意食，成為經典新年食物絕對當之無愧！

新年食物推介 6. 春卷

春卷外型金黃，酷似金條，寓意黃金萬両，就算過年菜式再多，春卷亦係不可劃缺，圖個意頭而春卷中嘅春字，有春天之意，新年正直春天代表萬物初開，象徵生機希望。

「或者大家可以考慮下係屋企自家製應節食物，慳錢之餘仲可以訓練廚藝！」

中式酒樓一直係新年聚會嘅熱門地方，因為接近所有新年傳統食物或者意頭菜式，酒樓都會有提供，但隨住時代巨輪嘅推進，新年聚會嘅地點慢慢變左響屋企、會所或派對房間，飲食選擇上會選擇美食到會服務，Kama Delivery每年農曆新年都會推出新嘅美食到會套餐，大時大節無論運輸交通上或訂單安排上會百上加斤，密切留意我哋幾時推出新年套餐，享受不一樣嘅新年食物，根據以往訂單經驗可以咁講，「盡早安排，安心開懷」，歡迎到我地網站或WhatsApp我地查詢安排新年到會訂購詳情！