農曆新年返大陸回鄉探親 【7步北上過關懶人包】|Kama Delivery Catering西式美食外賣速遞餐飲服務

 

農曆新年返大陸回鄉探親 【2021過關懶人包】

 

2021農曆新年就快到,好多人需要返大陸回鄉探親,係肺炎疫情持續下,返大陸過關多咗好多程序手續,網上攻略多如天上繁星,但版本各有不同,今篇返大陸探親過關懶人包係經驗之談,分享從深圳灣口岸返大陸嘅過關經驗,希望幫到需要回鄉探親戚朋友嘅你啦!

 

 

第一步:核酸檢測

核酸檢測|北上深圳過關貼士|2021到會外賣速遞推介|Kama Delivery Catering

 

回鄉探親前需先在香港做核酸檢測,香港有好多唔同嘅檢測機構,價錢各異,最平的做法是透過政府檢測中心,收費最多$240,可以先響網上登記,https://booking.communitytest.gov.hk/form/,早上做檢測,約當晚十一點可收到報告,如果下午做檢測,要第二日約三點先收到,收到報告可以列印出嚟,或者去檢測中心提取,記得帶身分證同回鄉證做檢測,職員會幫你輸入資料身分證及回鄉證資料,整個過程約十分鐘左右。

 

 

第二步:帶齊資料去深圳灣口岸過關

深圳灣口岸過關|北上深圳過關貼士|2021到會外賣速遞推介|Kama Delivery Catering

 

經深圳灣口岸回鄉探親,過關時間是10:00-20:00,最緊要帶核酸檢測報告,身分證及回鄉證,你可選擇搭的士或者響屯門坐接駁巴士,記得唔好太早去,9:50-10:00左右到最好,太早去會俾人趕返出嚟,但下晝去排隊排到2046,可以朝早去就朝早去啦,入到口岸首先用回鄉證同核酸核測報告過關,之後職員會俾兩份表格你填,所以記得,筆係好重要,記得要帶。

 

 

第三步:小心填寫過關表格

填寫過關表格|北上深圳過關貼士|2021到會外賣速遞推介|Kama Delivery Catering

 

今時今日北上回鄉探親,其實唔係咁複雜,但填表要小心,填錯要問職員再攞,佢地唔會得閒理你,表格方面,一張用作過關,一張係酒店轉運單,填嘅資料大同小異,個人資料同健康情況,有一樣好重要,內地聯絡人資料,包括地址同電話,呢個資料,會直接影響你去邊區隔離,如果你冇呢方面資料,基本上你回鄉探親之路要劃上句號。

 

 

第四步:微信掃描登入電子申報表格

電子申報表格|北上深圳過關貼士|2021到會外賣速遞推介|Kama Delivery Catering

 

當你填好過關表格,請用微信掃描專用code登入電子申報表格,所以你電話一定要有漫遊網絡,謹記一定要,當完成電子申報表格,距離你回鄉探親之路已縮窄左一半。完成後你會得到一個QR code,有齊所有野繼續過關上路。

 

 

第五步:分配隔離地區

分配隔離地區|北上深圳過關貼士|2021到會外賣速遞推介|Kama Delivery Catering

 

分配隔離地區前,職員會向你問話,因為你返祖國嘅原因係回鄉探親,佢會憑你填寫內地親友資料決定你去邊度隔離,你親友提供嘅物業地址可以係租或者係買,例如親友嘅地址響深圳,住所必須要係佢親自簽嘅租約,或者係物業地址有佢個名,否則,你將不可以於深圳隔離,呢個好重要,如果親友住響朋友屋企,又冇其他地址,你可以打道回府,最慘係,你打道回府返香港要照隔離14日,所以一定要小心注意。

 

 

第六步:集中隔離

集中隔離|北上深圳過關貼士|2021到會外賣速遞推介|Kama Delivery Catering

 

呢個係最多人關注嘅問題,順利過關後,當決定好你隔離區域,職員會集中運送同區隔離人士去隔離點隔離14日,酒店冇得你揀,有冇得叫外賣視乎你運氣,去到酒店你可選擇7+7,即7天酒店隔離加7天居家隔離,回鄉探親之路可提早起行,但需符合兩個條件中其中一個,一係你帶住14歲以下嘅仔女,一係你七老八十周身病痛唔舒服,否則,你乖乖地響酒店頹14日,小心注意身體,唔好病,職員對你少少唔舒服都會好敏感。

 

 

第七步:開展14天隔離生活

14天隔離生活|北上深圳過關貼士|2021到會外賣速遞推介|Kama Delivery Catering

 

回鄉探親你運氣唔好的話,酒店再差你都冇得投訴,因為唔會有人理你,好多人關注幾多錢,呢個話唔埋,平嘅200人仔一晚,貴嘅800人仔一晚,呢個冇辦法,仲有膳食費,100人仔一日,同叫美團外賣差不多,不過酒店膳食風評都係差,睇你彩數,中間都係每日探熱,入到酒店會做一次核酸檢測,走又會做一次,做完你理論上自由,但有某d地區會要求你去你填寫嘅地址居家隔離7日,但俾你出街嘅,只係你唔可以去太遠。

 

 

如果你要響農曆新年回鄉探親,你最好早d出發,否則人山人海嘅時候,根本冇地方俾你等,又維持唔到社交距離,希望呢篇北上過關懶人包可以解決你心中疑慮,祝大家2021牛年新年快樂,身體健康。

 

以上資訊同貼士係由Kama Delivery提供,我地係疫情期間會繼續為大家服務,希望用美食為大家打打氣!

點我查看2021到會外賣推介

 

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

 

追蹤我們

FacebookInstagramYoutube

 

 

延伸閱讀

【派對食物外賣】 到會 vs 餐廳?

【叫外賣到會懶人包】 6個必睇注意事項

【跨區外賣速遞推介】 最快30分鐘送到你手上

到會餐單全面睇 Party食物外賣任你揀

【高級到會推介】讓你自訂獨一無二嘅外賣餐單

【2021到會推介】網上訂購優惠每月更新

 

 

*未經許可,以上文章不得轉載或引用*