過大禮簡化版 【只需滿足5大條件即禮成】

過大禮簡化版 【只需滿足5大條件即禮成】

結婚習俗多蘿蘿，除咗結婚當日出門、接新娘、拜高堂之外，過大禮亦係結婚中不可或缺嘅傳統習俗之一，古時婚姻假如唔滿足三書六禮將會視為無效，三書即古代婚姻所用的證明婚姻有效的文書，包括聘書、禮書、迎書；六禮即六個禮法，分別為納采、問名、納吉、納徵、請期和親迎，而所謂過大禮屬於六禮中其中之一「納徵」，但現今社會婚姻中嘅三書六禮被簡化後，三書由一紙婚書，即結婚證書，而六禮中只有「納徵」，即過大禮及「迎親」即接新娘環節仍然被全面保留，所以係六禮被簡化，唔係過大禮被簡化，加上過大禮本身唔涉及繁複程序，只要遵循過大禮準則，一般都可以順利過渡。

過大禮意義簡單黎講，男家向女家以聘禮表示誠意，所謂口講無憑，愛要做出嚟，意思係以行動向對方家人表達，男方選擇吉日帶同聘禮包括禮金、禮品到女家下聘禮，女家則需準備回禮，過大禮程序簡單，冇咩先後次序，但要留意必須滿足以下條件：

按照傳統禮節，男家須由代表將聘禮送上女家，一般是朋輩好友，可以係兩位或四位女性親戚，但必須為全福之人，即是丈夫、兒女，公婆、父母皆健在之人，過大禮團隊人數要係雙數就搞掂喇！

準新郎不能隨聘禮一同進入女家，避免「入贅」之意，最好過大禮當日男女家準新人、襯家都應該避免見面，男家準新郎、老爺奶奶於女家樓下等待儀式結束後離開便可。

婚姻喜事最緊要成雙成對，正所謂好事成雙，所有禮數儀式都係攞個意頭，所以過大禮團隊除左必須為全福之人外，人數更必須為雙數，好事成雙成對。

如過大禮禮品項目名稱含唔吉利字眼或發音（包括諧音），都唔應該出現於聘禮當中，尤其過大禮必定出現嘅生果籃，如梨（分離）、橙（慘）、瓜類（死亡）、芒果（死亡）等水果就要抽起，基本過大禮焚禁忌。

過大禮喜餅代表新人嘅福氣，必須以送人方式散播，但如果自己食左，傳統上認為福氣會減少，唔太吉利。

過大禮儀式男家及女家都需要準備聘禮（男家）及回禮（女家），傳統上包括：

過大禮雖然唔難處理，但仍然有簡化版，可節省準備以上禮品嘅時間，而且大量禮品在運送、保存上有一定難度，簡化版中以餅卡代替喜餅、海味卡代替海味、或者一封包羅萬有大利是，代替所有聘禮，不過無論用邊種方式，只要雙方同意就得，最重要係果份誠意、心意，儀式反而係其次，特別現金父母同年輕一代都愈來愈不拘禮節。