【銀座二手名牌尋寶2023】推薦7間東京中古店

【銀座二手名牌尋寶2023】推薦7間東京中古店

全球唯一仍然行走寬鬆貨幣政策嘅日本，踏入2023年每百日圓兌港元匯率維持低企，跌到5.4幾徘徊，香港人而家返鄉下旅行真係好抵玩，去日本除左去OUTLET之外，大家如果想另類少少既話，不妨去中古店睇下，行二手名牌店分分鐘執到寶，有啲唔再推出嘅貨品話唔定係大家心頭好。小編今日總結7間中古店俾大家去買中古包。

中古一詞其實係源自日本，ちゅうこ，即係二手既意思。但係只有二手既奢侈品才先可以稱得上為中古。中古文化最初源於上世紀70至80年代，當時既日本經濟起飛，同時有大量既奢侈品品牌進入日本，日本人可能係第一步嘅「土豪」，令到日本成為奢侈品天堂，後來日本出現經濟泡沫爆破，股市樓市崩潰，所以好多人賣晒自己既奢侈品，搞到供過於求，二手市場變成氾濫。時至今日，日本好多地方都有中古店嫁。

另外，相信大家都會有聽過Vintage，同中古又有咩分別？Vintage既定義係件物品由誕生至今，唔可以少於20年歷史，而且仲要睇埋品牌、設計師、剪裁既條件係咪符合Vintage定義。如果真係Vintage既物品，必須擁有濃厚既時代痕跡，尤其係隨住時光消逝而已經失傳左既物件或手藝，所以唔好以為款式舊少少就以為係Vintage喇。

香港人就最鍾意執荀野平貨，日本呢7間係值得一去既二手中古店，熱愛名牌包包，Chanel香奈兒或者Hermès愛瑪仕既大家不妨排下行程啦。呢D中古店主要集中係東京銀座、表參道、代官山；由Hermès，Chanel、LV再到小資品牌Coach、Celine等都有。