開Party聖誕禮物攻略|交換禮物推介清單|美食到會外賣服務|Kama Delivery Service

 

難捱又難過的2020年好快到尾聲,萬聖節一過尖沙咀海旁和中環摩天大廈的聖誕燈飾就會徐徐掛起,提示住我哋一年中最普天同慶嘅節日聖誕節要嚟喇!今年因為新冠肺炎(COVID-19)疫情,無得去旅行,連倒數依類戶外派對活動都未必可以舉行,距離聖誕節仲有一段時間,不如預先計劃定搞個室內私人Party,想慳水慳力唔煮嘢食,仲可以計好人數叫到會食物開大食會添!同場加映:【聖誕禮物$100/$200/$300蚊大集合】

 
聖誕派對|美食到會外賣餐飲服務|Kama Delivery

 

🔼 每年聖誕節都總會有大大小小聖誕派對 🔼

 

講到聖誕大食會,交換禮物活動一定唔少得,近年嘅交換方式仲越嚟越新奇趣,Set定禮品類別、Budget等等條件,一方面收窄買聖誕禮物範圍,另一方面又可以減少收到唔想要嘅禮物嘅機會。如果想認認真真買份聖誕禮物,小編已經四出搜集不少攻略,針對不同的朋友圈分咗親子禮物、同事禮物、閨蜜禮物、麻甩禮物,將2020年最強聖誕禮物組合推薦畀大家。

 

 

【麻甩聖誕禮物】

 

小同、中同聚會,大學同學Re-U通常都會搵聖誕做籍口去Party Room玩,同學聚餐交換禮物惡搞居多,不過就算Budget得個百幾二百蚊都係要花時間出去買嘅,到底有咩聖誕禮物惡搞得嚟又有實用性?

 

實用超群禮物篇

 
實用聖誕禮物攻略|美食到會外賣餐飲服務|Kama Delivery

 

每年聖誕交換禮物,梗會出現一兩份令人欲哭無淚,但又勁實用嘅禮物,善良嘅會買包裝紙巾、暖包,小編抽過邪惡小小嘅有M巾同埋Condom,講真,好實用,識你咁多年唔通唔玩得咩,但抽中依啲禮物真係會令人興奮到拳頭都硬了。 (Budget:Budget幾多就買夠嗰個數)

 

 

運程書、通勝

 
惡搞聖誕禮物攻略|美食到會外賣餐飲服務|Kama Delivery

 

🔼 朋友聚餐嘅聖誕禮物通常都係惡搞,小編最「驚」典收過運程書 🔼

 

都係個句,咁多年朋友冇理由唔玩得,買禮物更加百無禁忌,當你收到一份包得靚靚仔仔、扁長方型嘅禮物,但拆開原來係幫你指點迷津嘅運程書、通勝,只要唔係舊年個本,你應該已經要還神。溫馨提示,運程書會比通勝易明。 (Budget:$48-88

 

 

 

【親子聖誕禮物】

 

小朋友過聖誕就最開心,因為一定有禮物收,無論係家庭聚餐,定係一大班小朋友聖誕派對,家長都要諗定有咩啱小朋友玩又會學到嘢,純粹買玩具嘅年代已經Out喇!

 

立體拼圖

 
小朋友聖誕禮物攻略|美食到會外賣餐飲服務|Kama Delivery

 

同傳統Puzzle唔同,立體拼圖會大舊啲,唔擔心會畀小朋友唔小心食落肚,而依一類禮品通常會有得意嘅圖案,可以提高小朋友認知能力,又可以訓練其智力同埋手眼協調。Budget:$150-400

 

 

兒童迷你相機

 
小朋友聖誕禮物攻略|美食到會外賣餐飲服務|Kama Delivery

 

🔼 兒童相機可以令小朋友樂於探索世界 🔼

 

大個小小嘅小朋友可以買一部兒童迷你相機,雖然像素唔高,但影咗嘅相一樣可以睇返,而且係電子相機點影都唔會心痛菲林。可以讓小朋友透過鏡頭更細心咁觀察世界,亦可以用相片紀錄小朋友對世界認知嘅成長。(Budget:$200-300

 

 

 

【同事聖誕禮物】

 

第四個老是常出現嘅聖誕派對就係公司聯歡會,一般會係Admin同事係平安夜個日負責訂到會同埋派對內容,而大家就負責買禮物交換,同事禮物一般唔使太有心思,反而係實用為重點,畢竟你買得唔好,可能會畀人笑一年。

 

 

抱枕、坐墊

 
同事聖誕禮物攻略|攻略美食到會外賣餐飲服務|Kama Delivery

 

如果你嘅工種係長期坐Office,買抱枕、坐墊應該係安全牌,就算唔鍾意、唔想拎返屋企,擺係公司點都會有用,有啲Cushion甚至係2in1連埋被,冬天最啱用。

 

 

酒水

 

同事聖誕禮物攻略|美食到會外賣餐飲服務|Kama Delivery

 

🔼 買酒出事機率低,諗唔到買咩可以考慮下 🔼

 

如果你公司開完Party唔使坐返埋位做嘢,不妨買酒做交換禮物,同樣地唔鍾意可以即時飲咗去,一人一杯乾咗佢,轉個頭大家就唔會記得你買咗咩禮物,何樂而不為?
 

 

 

【閨蜜聖誕禮物】

 
 
Staycation
 
同事聖誕禮物攻略|攻略美食到會外賣餐飲服務|Kama Delivery

 

因為冇得去旅行嘅關係,好多人都鍾意Staycation,約埋3-4個閨蜜Book酒店房過一個又Chill又Grand嘅聖誕節,通常人數唔多,亦係最知己嘅好朋友,買禮物一定要貴精不貴多。

 

 

Christmas Gift Set

 
同事聖誕禮物攻略|攻略美食到會外賣餐飲服務|Kama Delivery

 

🔼 Christmas Gift Set有很多不同選擇 🔼

 

因為大家都係女仔,送Beauty Gift Set係其中一個好選擇,因為一個Set入面會有唔同化妝品同護膚品,有啲可能係平時唔捨得買或者唔知好唔好用嘅產品,送Gift Set就可以一次過試晒。而且Christmas Gift Set嘅價錢Range好大,平平哋Hand Cream Set又有,貴少少揀Countdown Box Set亦得。(Budget:$200-1000

 

 

訂製閨蜜手鏈

 
同事聖誕禮物攻略|攻略美食到會外賣餐飲服務|Kama Delivery

 

想禮物更有意思,訂造同閨蜜手飾都可以納入考慮列表之中,情侶裝興咗好多年,而閨蜜就係近年大趨勢,可以按對方喜好去訂造,一個專屬閨蜜之間嘅友情認證,將來一齊戴出街影相打卡特別靚㗎!(Budget:$200-400

 

 

Kama Delivery|美食到會外賣服務|專享各種優惠
 
希望以上嘅貼士可以幫到大家,2020年大家都過得好艱難,希望隨住聖誕節來臨,大家都可以開開心心咁渡過剩餘嘅日子,以一個樂觀嘅心態迎接新嘅一年。係呢度小編代表Kama Delivery預祝大家聖誕節同新年快樂!!!

 

▶ 訂購到會套餐傳送門 ◀

 

聯絡我們

WhatsApp: 5188 0757 / 6599 9941

Email: info@kamadelivery.com

 

追蹤我們

FacebookInstagramYoutube

 

 

延伸閱讀

訂購到會服務熱門問題【不斷更新】

【叫外賣到會懶人包】 6個必睇注意事項

【派對食物如何度身訂造】

小朋友生日會食物推介【精緻到會餐單持續更新】

聖誕節到會外賣2020 【預訂教學篇】

 

 

部份圖片出處

https://www.pexels.com

 

 

*未經許可,以上圖片及文章不得轉載或引用*