購物車內無任何商品
posts
【80後90後既懷舊零食】集體回憶零食-上集
【80後90後既懷舊零食】集體回憶零食-上集
每一個年代都會有屬於果一代人既經典零食，尤其係80年代同90年代，特別有幾款係會令大家回憶一秒湧現，令你愛不釋手嘅兒時回憶，所以小編搵左33款懷舊零食，同大家懷緬一下孩童既快樂時光，有唔少零食而家都仲買到嫁，但可能已經改左版或者轉咗包裝，甚至有D已經停左產。今日同大家分享80、90後既經典懷舊零食~
A) 朱古力
Nutella榛子朱古力醬
一盒細盒正方形既朱古力醬，附上一支小匙，可惜小編揾到既已經唔同以前既包裝啦。
眼鏡朱古力
1967年由日本Furuta品牌生產，有人叫佢做「8字朱古力」，因為造型似眼鏡，所以有人會加2條橡筋，扮眼鏡。
煙仔朱古力
包裝模仿左煙仔，但其實入面係朱古力，D小朋友會利用煙仔朱古力扮大人食煙嫁，大家有無試過呢?
B) 餅類
明治欣欣杯
而家都仲可以買到明治欣欣杯，但小編發現入面既士多啤梨或朱古力醬比以前既分量，好似少左，完全唔夠食，唔知大家有無人同小編一樣既感覺呢?
花占餅
超市仲有花占餅買嫁，有人叫佢肚臍餅，因為餅乾上面既甜糖呈圓錐塔狀，睇落似一個肚臍，所以有呢個花名，大家會唔會同小編一樣，鍾意先食上面既甜糖呢，結果最後得返D餅乾?
水泡餅
水泡餅本身係20年代由「安樂園餅乾雪糕公司」獨家製作（廠房已於1974年關閉），後來俾同行既仿製，但唔係個個都鍾意食嫁，因為偏重粉味，口感又唔似餅乾。
【認識香港糖水文化】作為一個香港人，通常一班朋友食完飯之後，點都會安排下一場，有D人會轉場去飲返杯野，又有D人就會搵個地方繼續食碗糖水，作為聚會完結既活動。而黎香港旅遊嘅遊行，更加唔會錯過，熱門糖水小店每晚都要大排長龍，咁香港人平時最常食既港式⋯⋯ 繼續閱讀
C) 面類
媽咪面
媽咪面個廣告最令人深刻既一定係藍毛毛，亦係最有代表作嫁。
童星點心麵
童星點心麵係日本於1948年創立既，而家既包裝上既公仔圖案已經唔同左啦，味道依舊一樣，有炒面口味同雞肉口味。
滿地可咪咪面
細細一包既咪咪面，又香口又好食，食極都唔夠咁。
D) 香口膠類
綠箭
https://www.youtube.com/watch?v=RITSPjEuLoU
講起香口膠，非Wrigley’s牌子既綠箭 (Doublemint)，黃箭 (Juicy Fruit) 同白箭 (Spearmint) 不可，而家都好似唔多覺見到。
E) 魚串類
波作隆雙魚牌沙嗲魚串
廿幾串扎到成把扇咁，味道方面係有小小魚腥味，甜甜地，仲有D黐黐笠笠咁，而家都仲有得買嫁。
F) 時興隆類類
時興隆粟米卷（咖哩卷／芝士卷／辣卷）
時興隆出既零食好多都係屬於懷舊小食，特別係佢個廣告:「時興隆與你，共享昨天今天明天」。其中一款零食一定係粟米卷，唔知大家最愛邊款口味呢?
今日講住少少先，相信已經勾起大家唔少回憶，當中好多懷舊零食仲拍咗唔少經典廣告，突然間係咪想「青春可否不要老」呢？回憶中既零食，雖然有D零食已經消失，又或者改左版，相信都唔會影響到回憶中既味道。零食越來越多變化，每個時代都有屬於佢地既零食代表作。有時候，除左味道之外，同邊個食都會有值得銘記於心既意義嫁，就好似小編都經常收到客人要移民，叫我地Kama Delivery到會做Farewell嫁！
聯絡我們
WhatsApp 查詢／訂購熱線：5188 0757 / 6599 9941
Email：info@kamadelivery.com
追蹤我們
延伸閱讀
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
BBQ燒烤到會
素食到會
KAMA BLOG