【80後90後既懷舊零食】集體回憶零食-中集

雀巢大腳板雪條一面係雪糕，一面係朱古力脆皮同花生碎，而家都比較少見到啦。

阿波羅出品既孖條亦係好受歡迎嫁，唔知大家有無食過蝴蝶型既孖條，又或者邊款呢?

吱吱冰最令人又愛又恨既，一定係個包裝，相信有好多人同小編一樣，鍾意用牙咬吱吱個開口，但次次都要咬好耐先咬得開，當然，亦有人鍾意斷開2節，同其他人分享。

已經停產既鳳仙雪條，屬於牛奶公司既產品，當年鳳仙既價錢都算貴嫁，但勝在好食，香蕉味脆皮包裹住雲呢嗱味雪糕，再入面就係芒果味既夾心，所以十分受歡迎。

四方果啫喱有士多啤梨、菠蘿、黑加侖子、青檸等既味道，絕對是童年時受歡迎既零食之一，但好可惜係2015年停產左啦。

木瓜牛奶雪條係由嘉頓出品既，雖然無巨星雪糕咁受歡迎，但都有一班人十分喜愛嫁。除左係木瓜牛奶味之外，仲有木瓜肉係入面，口感都豐富既，可惜都已經停左產。

消失左一段時間既千層雪糕，係2020年重新回歸，但係好多人都話個味道唔一樣，無以前咁好食。Viennetta法式千層雪糕係1989年由英國雪糕公司 WALL’S出產，長度有成 18cm 同埋有波浪紋脆皮雪糕邊，係特別令人印象深刻既。

巨星雪糕當初係嘉頓出品既雪條，最上面就係彩虹朱古力碎同脆皮，然後就係雲呢拿味同西瓜味混合而成，都係屬於味道豐富既雪糕之一。