【雞翼唔熟迷思】點解雞翼骨同肉之間會出現血色？

【雞翼唔熟迷思】點解雞翼骨同肉之間會出現血色？

無論係大人定小朋友，雞翼都係大家非常喜愛既食物之一，鹵水雞翼、炸雞翼都係平時開Party或者食飯既常客，但係有時候係進食雞翼果陣，有D人發現雞翼既骨同肉之間會出現血色既問題，會擔心雞翼係咪未煮熟？係咪雞翼d肉見血色食左就會肚痛？相信著重食物安全既你一定想了解清楚！

其實呢種情況係非常正常嫁，唔係話只雞翼唔新鮮或者唔熟，因為雞翼之間既骨肉係有好多細小既血管同血絲，呢D血管同血絲之前負責為雞翼既肌肉提供氧氣、同埋營養嫁。而當D雞係被宰之後，血液會從血管中流出，然後細胞壓力會令到血液滲出到肉質細胞之間既空隙中，加上之後又無經過完全既凍結，或者係解凍過程中呢D微小既血管被破壞，咁血液就會滲出黎，形成左雞肉見血色既情況。

係烹調既過程中，就算雞翼已經完全煮熟左，血色仍然可能會出現，因為血液已經滲入左去肉質細胞之間，所以出現血色係正常既情況。

我地分辨生熟雞翼既方法可以從外觀、觸感同肉質紋理等方面入手。首先，雞翼肉既顏色會有好明顯既分別，生雞肉係帶透明感既粉紅色，而熟左既雞肉會因為被烹調過之後，雞肉就會改變原本既質地同顏色，即係無左原本既透明感，顏色會由粉紅色轉為白色，同時可以好輕易咁從肉上面拉出一絲絲雞絲，代表肉已經透徹煮熟。而如果骨頭貼著既肉仲係半透明既粉紅色，就代表雞翼仲未煮熟。

另一個方法就係，當你用手去摸熟雞翼既時候，會感覺到骨頭旁邊既肉會硬實，代表已經熟左，而生雞翼既肉質會比較軟身，同埋㩒落去有D部位仲會有血水滲出來。如果真係未熟，必須再度加熱，直到煮熟為止，先可以安全咁食用啦。

係烹調雞翼之前，可以先用清水沖洗雞翼表面，以去除多餘既血液。之後係烹調過程中，可以用中小火，慢慢煮熟D雞翼，咁就有效減少血色既出現啦。