訂購到會美食|香港電車派對全景遊2021|Kama Delivery西式外賣公司

 

【電車派對全景遊2021】流動Party Room 懷舊叮叮感受香港特色 

 
香港電車派對及遊覽服務|Kama Delivery美食外賣速遞

 

除左船P、唱k、Party Room外,開派對搞Function仲有咩特別選擇呢?甚有香港特色嘅電車派對會係一個唔錯嘅選擇,電車派對全景遊有如流動派對房間,一邊感受派對氣氛,一邊觀賞香港優美景色,一舉兩得,香港首部電車於1904年正式投入服務,迄今超過100年,咁有歷史價值嘅交通工具遙身一變,成為派對場地,已經非常吸引,加上電車行駛速度慢,飽覽街景、建築物未至於走馬看花,唔好諗住電車車身窄,開電車派對只係噱頭,車內除左有主題房間外,冷氣、燈光、音響、甚至洗手間都有。飲食方面,香港電車亦有同唔同嘅到會承辦商合作,提供多人套餐或單點美食到會,更加有酒水供應,體驗唔會差得過傳統Party Room,但要特別注意,參與電車派對嘅參與者,必須已接種第一劑新冠疫苗!

 

_____________

 

電車派對全景遊路線圖

 

派對電車起點及終點

🔽 西環屈地街電車廠 🔽

要預約電車派對,可以響香港電車網站提早7日預約,中途可以加上客及落客點,但要香港電車同意允許,電車派對最短行程為2小時,最長則3.5小時。

 

電車派對2小時派對電車路線

屈地街電車廠 ▶️ 銅鑼灣 ▶️ 跑馬地 ▶️ 屈地街

 

電車派對2.5小時派對電車路線

屈地街電車廠 ▶️ 北角 ▶️ 屈地街

 

電車派對3小時派對電車路線

屈地街電車廠 ▶️ 北角 ▶️ 跑馬地 ▶️ 銅鑼灣 ▶️ 屈地街

 

電車派對3.5小時派對電車路線

屈地街電車廠 ▶️ 筲箕灣 ▶️ 銅鑼灣 ▶️ 屈地街

 

_____________

 

派對電車的選擇

 

電車派對一共提供5款派對電車作預約,各有特色及功能,分別係普通載客電車、綠色古典派對電車、紅色古典派對電車、「電車全景遊」派對電車及Tram No.18,每一款背後都有不同故事,絕對係最能夠代表香港嘅交通工具!

 

_____________

 

介紹俾外國人之選:普通載客電車

介紹俾外國人之選:普通載客電車|電車派對全景遊2021|Kama Delivery美食外賣速遞

 

能容納40人,車內陳設跟一般電車無異,純粹係遊下電車河,沒有到會美食服務,亦沒有360度開篷景觀,比較適合電車愛好者作拍攝場地。

 

_____________

 

婚紗攝影之選:綠色古典派對電車

婚紗攝影之選:綠色古典派對電車|電車Party全景遊2021|Kama Delivery美食外賣速遞

 

能容納30人,車內會提供熱盤、音響、保冷箱(需自備冰),陳設跟一般電車唔同,坐椅列排兩邊,活動空間即時大左,而且上層設有開篷露台,睇景一流。

 

_____________

 

開生日Party之選:紅色古典派對電車

開生日Party之選:紅色古典派對電車|電車派對全景遊2021|Kama Delivery美食外賣速遞

 

同樣可容納30人,車內陳設及設施跟綠色古典電車差唔多,但上層嘅開篷露台同上層車廂有一門之隔,上層車廂密封設計係為咗提供冷氣空調,咁夏天開Party吹冷氣又得,出露台吹風又得啦。

 

_____________

 

公司Team Building之選:「電車全景遊」派對電車

公司Team Building之選:「電車全景遊」派對電車|電車Party全景遊2021|Kama Delivery美食外賣速遞

 

「電車全景遊」派對電車能容納36人,座椅陳設跟返一般載客電車,但車內有很多關於香港電車嘅發展歷史、模型及擺設,上層仍設有開篷露台但沒有空調設備,電車內部以桃木色為主調,相當高雅,但開電車派對要食嘢嘅話,綠色及紅色古典派對列車比較適合。

 

_____________

 

Farewell歡送派對之選:Tram No.18

Farewell歡送派對之選:Tram No.18|電車派對全景遊2021|Kama Delivery美食外賣速遞

 

Tram No.18能容納36人,外型極具特色,電車內設計同一般電車截然不同,車廂上下層都密封式提供空調,更設3間主題派對房間,燈光、音響、雪櫃、洗手盤甚至洗手間都一應俱全,試想像電車空間有限,三個主題動係咩玩法呢?淨係呢樣嘢都好值得體驗一下,加上房間都設有飯枱,飲飲食食人有三急仲有洗手間,簡直係電車派對首選,當然,佢都係最難Book嘅派對列車。

 

 

電車派對美食|多個套餐運費全免|Kama Delivery到會外賣服務
 
陪著香港人成長嘅叮叮,最適合介紹俾外國朋友、同事Team Building,又或者Farewell即將移民嘅親戚朋友,響電車上慶祝、歡送搞生日Party、Event別具意義,歷史一向不返,趁著仍然存在,絕對值得一睹叮叮嘅風采,讓更多人認識香港電車文化!

 

 

【點我查看電車派對外賣】

 

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

 

追蹤我們

FacebookInstagramYoutube

 

 

延伸閱讀

新手訂購到會必睇【網站手機落單圖文教學】

好食到會菜式全新登場 【每月更新】

精緻到會推介2021【商務招待企業必備】

【派對食物如何度身訂造】

【大型活動Party必睇 到會服務推薦2021】

【11款開Party大食會餐單ideas】

 

部份圖片出處

https://www.hktramways.com/tc/

 

 

*未經許可,以上文章不得轉載或引用*