【韋小寶7個老婆點識？】又係點愛上彼此？

【韋小寶7個老婆點識？】又係點愛上彼此？

鹿鼎記大大話話都拍左N個版本，不論電視劇抑或電影版，睇左咁多次，韋小寶有7個老婆就人人都知，但佢地係點樣識？邊個先邊個後？小編跟據原著話你知，韋小寶7個老婆認識嘅次序、相識過程全面大解構，無論你Buy唔Buy，學韋小寶話齋，聽故咪駁故啦！

2014年鹿鼎記（由吳倩所飾演）

據原著沐劍屏係第一個同韋小寶認識嘅老婆，沐王府郡主，當年天地會同沐王府發生矛盾，錢長老將佢塞入豬肚送入皇宮，與當時身任青木堂堂主嘅韋小寶認識，之後打鬧中日久生情，成為韋小寶其中一個老婆。

2014年鹿鼎記（由趙圓瑗所飾演）

方怡同樣係沐王府嘅人，同師兄劉一舟諗住行刺康熙嫁禍吳三桂，可惜失敗告終，方怡因救情朗劉一舟無奈答應下嫁韋小寶，諗住佢係太監都娶唔到老婆，點知係假太監，及後對劉一舟貪生怕死、自私自利嘅所為反感，最後決定做韋小寶老婆。

2008年鹿鼎記（由何琢言所飾演）

雙兒響韋小寶七個老婆中比較出名，因為韋小寶同雙兒感情最好，亦係最真，雙兒父母遭鰲拜所殺，被江湖人士所救於莊家大宅安頓，武功唔錯，曾多次救韋小寶於危機之中，因為崇拜韋小寶殺死鰲拜，內心情感加上感激之情真情流露，所以卡七個老婆中雙兒最得寵。

2014年鹿鼎記（由張馨予所飾演）

蘇荃即係神龍教教主，俾洪安通搶左返神龍教做押寨夫人，經過假扮太后一事之後，康熙下令韋小寶率兵攻打神龍教，神龍教最後覆亡，蘇荃最後亦中計被韋小寶迷暈，於麗春院與韋小寶上演大被同眠，仲有埋韋小寶骨肉，洪安通又死埋，唔嫁韋小寶仲嫁邊個？

小寶與康熙（由林心如所飾演）

韋小寶與建寧公主建宮中認識，海大富命令韋小寶偷四十二章經遇上建寧公主同康熙，因為韋小寶嘅無禮反而令平時橫行無理嘅建寧公主產生愛意，更於與吳應熊成親路上與護婚使者韋小寶發生關係，最後都係順理成章，不過建寧公主於鹿鼎記中係虛構嘅，真正嘅建寧公主並唔係康熙妹妹，係順治嘅妹妹，亦無下嫁韋小寶。

2008年鹿鼎記（由李菲兒所飾演）

曾柔係王屋派派去行刺韋小寶嘅刺客，但可惜失敗，不過韋小寶最後因為佢美貌，以個含鉛骰仔作弊放過佢同同門，曾柔因而心存感激，不過鹿鼎記鐘中對曾柔冇太多著墨，不過係佢七個老婆中純粹因為喜歡而下嫁韋小寶。

鹿鼎記II神龍教（由李嘉欣所飾演）

緣份讓韋小寶與阿珂認識，接近係見佢攪埋去搭訕咁，阿珂一直有意中人，但係韋小寶一直都冇放棄，7個老婆中唯獨阿珂係韋小寶千辛萬苦追返嚟，當然最大原因都係被迷暈大被同眠俾韋小寶攪大個肚，不過亦因為見識過意中人不堪嘅一面，最後亦真心愛上韋小寶。