【香港製造】頂好大光麵1969

【香港製造】頂好大光麵1969

【香港製造】頂好大光麵1969

唔知大家係咪同小編一樣,對「大光麵」感覺到有D陌生?頂好嘅「大光麵」係最近因為一個Viu Tv電視節目《茶餐廳》而再次出現係大家既日常生活中,引起大家對「大光麵」既關注,咁到底呢種大光麵係點既?等小編幫大家普及一下啦。

咩係頂好「大光麵」?

頂好大光麵

其實「大光麵」由金源食品有限公司於1969年推出,而金源食品有限公司本身係「公仔麵」既代理商,當時食肆對即食麵有大量需求,所以金源食品搵左永南食品代產「頂好大光麵」。另外,由於只係有麵餅,無提供包裝同調味粉,所以叫「光麵」,同時因為得麵餅既緣故,價錢方面亦都比起其他即食麵平D,再者,「大光麵」既目標群係食肆,主要供應俾茶餐廳、大牌檔同車仔麵檔,並非以零售方式賣俾個人或家庭客戶,加上當時無咩競爭對手,所以係70年代至80年代,香港既食肆有八成都係用「大光麵」嫁。

香港車仔麵好評推薦【8間特色小店本地人都讚好】

【香港車仔麵好評推薦】大家都知香港集合各地美食於一身,但同時亦保留屬於自己香港人既特色美食,特別係我地日常會食到既車仔麵,睇過星爺經典「食神」都知,好多遊客都會慕名而來一嚐「嗱喳麵」嘅風味,有香港特色之外價錢又比較平民化,真係可以話豐儉由人⋯⋯ 繼續閱讀

「小光麵」曾經存在?

小光麵 vs 大光麵

「光麵」既麵餅最初有兩種既重量,分別是淨重50克「小光麵」同80克「大光麵」,但因為「小光麵」分量太少,銷路唔好而決定停產,咁就得返「大光麵」,同時亦成為產品既名稱。後來係1994年,金源食品就以「頂好大光麵」註冊為商標。

後來,90年代,因為內地即食麵攻陷香港市場,「大光麵」慢慢被取代,而家根據金源食品既負責人表示,香港目前得返兩成食肆仲有用「大光麵」。

10大香港必吃街頭小食推薦【平價美食尋寶】

【平價美食尋寶】香港美食係都會出名係人都知道,因為香港集結合左唔同國家既食物同本地自己既地道小食,相信大家講起街頭小食,呢個獨有「掃街」文化,不論是本土香港人抑或是外地遊客,一定會有幾款必吃既,街頭小食一般價錢便宜而且快捷方便,如果鍾意⋯⋯ 繼續閱讀

「頂好大光麵」係咪得一款?

頂好伊麵

金源食品除左「大光麵」之外,仲有4款,特級大光麵、伊麵、好味麵同光身麵。特級大光麵既麵餅係有92克,同「大光麵」用既麵粉有唔同,前者係用頂級麵粉,後者就係普通既麵粉。伊麵就係切割麵條果陣,將麵條切得寬D,令到口感更爽滑。好味麵就係可以直接用熱水泡,似係杯面既質地,方便D快餐店或學校小吃部既選擇。光身麵就係家庭版既「大光麵」,一包6件,都係無調味粉,不過「光身麵」暫時得士多或者舊式既雜貨舖先有得買。

香港製造既食物真係已經買少見少,一方面係舖租貴人工高,第二係技術流失,令到好多傳統既食物有D都絕跡啦,或者漸漸被消失,希望大家可以一齊保留到屬於香港製造既食物同物品,唔好等到失去先黎後悔呀。小編之前都總結左好多懷舊小食俾大家,大家聚會時,除左最近Hit起既「大光麵」可以作討論話題之外,亦可以同朋友分享D懷舊小食回憶嫁。Kama Delivery到會外賣所有食物都係自家生產,由廚房團隊一手研究策劃,過百款派對套餐及單點美食,當然唔少得人氣手調飲品,大家開Party一定要支持我哋呀!

查看更多到會美食!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|頂好大光麵Facebook

*未經許可,以上文章不得轉載或引用*